1 Dzipfhumu 11:4 - Bhibhiliya Nya Guage

⁴ Kholu gikhati Solomoni a nga gumbago, vanyamayi vava, va di ndreyisa monyo waye, a gu landrela vambe vanungungulu, monyo waye gambe kha wa nga tumbega ga Pfhumu Nungungulu waye, kha nga idzo a nga tumbegago khidzo babe waye Dhavhidhe.

1 Dzipfhumu 11:4 Iomraidhean Croise

1 Dzipfhumu 11:2

Vanyamayi vovo va di gu dugela ga mafumbo yale Pfhumu Nungungulu, a nga layago va na Israyeli, khuye: “Mu nga dzegini vanyamayi vawe va khala vagadzi vanu, ni avo navo, va nga dzegi vanyamahegyane vanu, va khala vagadzi vawe; kholu, khu lisine, va na ndreyisa myonyo yanu yi landrela vanungungulu vawe.” Aholu, Solomoni a di haladzana navo.

1 Dzipfhumu 11:33

Nyi na gira kharato kholu va nyi pfhurarede vaya khozela Asitaroti, nungungulu wa Vasidhoni, ni Khemosi nungungulu wa va na Mowabhi, ni Milikomu, nungungulu wa sanana sa Amoni, va si gimbili khu dzindzila dzangu, gasi va gira silo nya gululame mahoni gwangu, ni guti milayo ni sileletelo sangu, kha nga babe waye Dhavhidhe.

1 Dzipfhumu 11:38

Wa gu yingisa satshavbo nyi na gu rumago, u gimbila khu dzindzila dzangu, u thuma mithumo nya gululame mbeli gwangu, u sayisa milayo ni sileletelo sangu, kha nga idzo a giridego githumi gyangu Dhavhidhe, Eni nyi na bani nyiri nago, nyi na gu vbahela nyumba yi tiyidego, kha nga nyi vbahedego Dhavhidhe, ni gu gu ninga Israyeli.

1 Dzipfhumu 11:42

Solomoni fumide Jerusalema gwatshavbo ni Israyeli gwatshavbo, magumana myaga.

1 Dzipfhumu 11:6

Khu guralo, Solomoni a di thuma mithumo yi vivbidego mbeli ga Pfhumu Nungungulu, kha nga landra gwadi ndzila ya Pfhumu Nungungulu, kha nga babe waye Dhavhidhe.

1 Dzipfhumu 11:9

Khu guralo, Pfhumu Nungungulu a di goroga khu Solomoni, kholu monyo waye wu nga pfhurarela Pfhumu Nungungulu wa Israyeli, uye a dzi wonegisidego nyondro mbili avbo gwaye,

1 Dzipfhumu 14:21

Robhowamo, mwamana wa Solomoni, a diri ni tanga nya magumana na moyo myaga nya guvelegwe, gikhati a phedego gu fumela Judha, fumide likhumi na livbandre myaga Jerusalema, lidhoropa li nga hathwago khu Pfhumu Nungungulu vbakari ga mahundzu yatshavbo ya na Israyeli, gasi gu vega umo lina laye. Lina la mayi waye a diri uye Nahama, nya lifumbu la na Amoni.

1 Dzipfhumu 15:14

Ambari a ngamba fuvisa miphaselo ya musigomoni, Asa a diri ni monyo wu lulamidego mbeli ga Pfhumu Nungungulu, matshigu yatshavbo nya guvbanye gwaye.

1 Dzipfhumu 15:3

Abhiya a di gira sighoho satshavbo nya gufanane nesi si ghohidwego khu babe waye, uye nasi gu fumi. Monyo waye kha nga tumbega ga Pfhumu Nungungulu waye, kha nga idzo a nga tumbegago khidzo kokwe waye Dhavhidhe.

1 Dzipfhumu 3:3

Solomoni a di gu gola Pfhumu Nungungulu, a gimbila khu sileletelo sa babe waye Dhavhidhe; aholu a di simama guphasela ni guvbisa libani malangani nya sigomo.

1 Dzipfhumu 6:1

Khu mwaga nya mazana mana ni livbandre na mararu magumi (480), hwane nya gu sanana sa Israyeli na si dugide khu tigoni ga Egipito, khu mwaga nya wu na nya gufume ga Solomoni tigoni ga Israyeli, khu ngima nya Zivi, a gu ngima nya wuvili nya mwaga, gu di phedwa thumo nya guvbahe Nyumba ya Pfhumu Nungungulu.

1 Dzipfhumu 8:61

Myonyo yanu yi na vbelele khu gu tumbega ga Pfhumu Nungungulu wathu, gasi mu kodze gu gimbila khu sileletelo saye, mu sayisa milayo yaye yatshavbo kha nga muhuno.”

1 Dzipfhumu 9:10

Hwane nya magumavili myaga, avbo Solomoni a nga vbedzago guvbaha dzinyumba dza dzimbili, Nyumba ya Pfhumu Nungungulu ni nyumba nya wufumu,

1 Dzipfhumu 9:4

Gasi uwe, wa gu gimbila mbeli gwangu kha nga babe wago Dhavhidhe, khu monyo wago watshavbo ni gululama, u gira satshavbo iso nyi gu rumidego, u sayisa sileletelo ni milayo yangu,

2 Dzipfhumu 20:3

“Dundruga Pfhumu Nungungulu, idzo eni nyi gu thumedego khidzo, nyi gimbide gwadi mbeli gwago, khu lisine ni monyo wu lulamidego, nyi gira gwadi mbeli gwago.” Ezekhiya, a di lila khu wuvi waye watshavbo.

1 Dzikoronika 28:9

Gasi uwe mwanangu Solomoni, gu vbweta uti Nungungulu wa babe wago, u mu thumela khu monyo wago watshavbo, ni hefemulo wago watshavbo; kholu Pfhumu Nungungulu a ngu khedza maalakanyo nya myonyo yatshavbo, a gu pima makungo ni maalakanyo yatshavbo nya monyo; wa gu mu vbweta u na mu mana, aholu wa gu mu diga, Uye a na gu dzudzuga hwindzo kala gupindruga.

1 Dzikoronika 29:19

Mwamana wangu Solomoni, mu ninge monyo wu vbeledego gasi a kodze gu sayisa milayo yago, magana ni sileletelo sago, a gira satshavbo gasi a kodza gu vbaha nyumba yeyi yago nyi yi dongisedego.

2 Dzikoronika 17:3

Pfhumu Nungungulu a diri ni Josafati, kholu uye a di gimbila khu dzindzila nya guhegule dza babe waye Asa, kha nga vbweta vanungungulu nya Vabhahali.

2 Dzikoronika 25:2

Uye giride ugo gu gu gwadi mbeli ga Pfhumu Nungungulu, aholu kha nga dzi ningela khu monyo waye watshavbo.

2 Dzikoronika 34:2

A di thuma mithumo ya yadi mbeli ga Pfhumu Nungungulu; a di gimbila khu dzindzila dza babe waye Dhavhidhe, a si hambani nadzo, kha ndreyela nyamudye, mwendro nyambade.

Ekisodha 20:3

U nga manegi nuri ni vambe vanungungulu mbeli gwangu.

Dhewuteronome 17:17

A na dzi wonele, a nga tshuki a dzega vanyamayi nya gutale, gasi monyo waye wu si ndreyi; gambe a nga hengeledzeli ndralama mwendro parata nya yingi.

Dhewuteronome 7:4

kholu avo va ngata ndreyisa ndzilani gwangu sanana sago, siya khozela vambe vanungungulu. Wa gu gira isoso, mu na wugedwa khu likhulo la Pfhumu Nungungulu, mu dzegela gumbembiswa khu guvbiredza.