1 Dzipfhumu 11:36 - Bhibhiliya Nya Guage

³⁶ Nyi na tshiya lihundzu limwedo basi mandzani ga gyanana gyaye, gasi githumi gyangu Dhavhidhe gi kodza gu manega gikhati gyatshavbo na giri mwenge mbeli gwangu ndrani ga Jerusalema, lidhoropa nyi li hathidego gasi gu vega umo lina langu.

1 Dzipfhumu 11:36 Iomraidhean Croise

2 Samuweli 21:17

Aholu Abhisayi, mwamana wa Zeruwa, a di mu vbulugisa khu gu paya mufilisitiya a mu songa. Vathu va Dhavhidhe va di mu khongotela va mu embela gu va si hongoli naye nyimbitunu, gasi a si tshimi kandriya ya Israyeli.

2 Samuweli 22:29

Uwe Pfhumu Nungungulu, khuwe kandriya yangu Pfhumu Nungungulu, u ngu wenengedza gidema.

2 Samuweli 7:16

Ndranga ni mufumo wago, si na simama kala gupindruga mbeli gwangu. Ni gikhalo nya wufumu wago gi na simama kala gupindruga.”

2 Samuweli 7:29

Gasi olu, dzumela gu kategisa nyumba ya githumi gyago, gasi yi simama mbeli gwago kala gupindruga, kholu, khuwe Pfhumu Nungungulu u ganedego isoso; gasi khu gikategiso gyago, nyumba ya githumi gyago, yi na katega kala gupindruga.”

1 Dzipfhumu 11:13

Aholu kha nyi na wandra watshavbo mufumo, nyi na tshiyela mwanago lihundzu limwedo, khu kotani nya lihaladzo nyi gu nalo ni githumi gyangu Dhavhidhe, ni lidhoropa la Jerusalema nyi li hathidego.”

1 Dzipfhumu 11:32

Aholu uye a na tshala ni lihundzu limwedo basi, khu kotani nya lihaladzo nyi gu nalo ni githumi gyangu Dhavhidhe, ni lihaladzo nyi gu nalo khu Jerusalema, lidhoropa nyi li hathidego vbakari nya mahundzu yatshavbo ya Israyeli.

1 Dzipfhumu 11:37

Gasi uwe, nyi na gu gira u fuma satshavbo kha nga idzo u na gu suvago khidzo monyoni gwago; uwe u na khala mufumeli wa Israyeli.

1 Dzipfhumu 12:17

Robhowamo, a di fumela basi va na Israyeli va nga bani va vbahide madhoropani ya na Judha.

1 Dzipfhumu 14:21

Robhowamo, mwamana wa Solomoni, a diri ni tanga nya magumana na moyo myaga nya guvelegwe, gikhati a phedego gu fumela Judha, fumide likhumi na livbandre myaga Jerusalema, lidhoropa li nga hathwago khu Pfhumu Nungungulu vbakari ga mahundzu yatshavbo ya na Israyeli, gasi gu vega umo lina laye. Lina la mayi waye a diri uye Nahama, nya lifumbu la na Amoni.

1 Dzipfhumu 15:4

Ambari khu kharato, khu lihaladzo ga Dhavhidhe, Pfhumu Nungungulu waye, a mu ningide mwenge nya guwenengedze Jerusalema, hwane gwaye, a di emisa mwanaye a tiyisa Jerusalema.

1 Dzipfhumu 2:4

Khu kharato,Pfhumu Nungungulu a na tadzisa magana a ganedego avbo gwangu, khuye: Sanana sago, sa gu vegedza dzindzila dzawe, va gimbila khu ndzila nya gululame mbeli gwangu, khu monyo wawe watshavbo ni hefemulo wawe watshavbo, gima kha gu na hamugega muthu wa nyumbani gwago, nya gute khale vbagikhalotunu gwangu nya wufumu wa na Israyeli.

1 Dzipfhumu 8:29

Gasi maho yago, wutshigu ni mihani, ma na tulege ma wona nyumba yeyi, ni wulanga wowu, u ganedego u thula uwo, khuwe: Lina langu li na khala vbale; gasi gupwa nombelo u giredwago khu githumi gyago wulanga wowu.

1 Dzipfhumu 9:3

Pfhumu Nungungulu a di mu embela, khuye: “Nyi pwide nombelo ni gilombo gyago, u lombidego mbeli gwangu. Nyi agiside nyumba yeyi u nyi giredego, gasi u kodze gu vega umo lina langu kala gupindruga; maho ni monyo wangu, si na khala avbo matshigu yatshavbo kala gupindruga.

2 Dzipfhumu 8:19

Aholu, khu kotani nya lihaladzo ga githumi gyaye Dhavhidhe, Pfhumu Nungungulu kha dzina gu pfhungumula Judha, kha nga a nga bani a mu tumbiside gukhuye a na mu ninga mwenge vbakari ga sanana saye kala gupindruga.

2 Dzikoronika 12:13

Khavbo avbo, mufumeli Robhowamo, a di tiya a khadzisega Jerusalema, a simama gufuma. Gikhati a phedego gufuma, Robhowamo a diri ni magumana na moyo (41) myaga, a fuma Jerusalema, lidhoropa Pfhumu Nungungulu a li hathidego vbakari nya mafumbo yatshavbo ya na Israyeli, likhumi na livbandre na mivili (17) myaga, gasi li khale avbo Lina laye; lina la mayi waye a diri Nahama wa na Amoni.

2 Dzikoronika 21:7

Aholu Pfhumu Nungungulu kha nga gola gupfhungumula nyumba ya Dhavhidhe, khu kotani nya gidzumeledzwano a nga bani giride naye, kholu a di ganede naye khuye, a na mu ninga sanana si na khalago mwenge nyamba tshimega kala gupindruga.

Dzindzimo 132:17

Nyi na wusa vbale tshivba nya wufumu wa Dhavhidhe, nyi nyi dongisela wenengedzo wa mufumeli nyi mu hathidego.

Vahebheru 12:22

Aholu enu, mu vbohide gigomoni ga Siyoni, ni dhoropani ga Nungungulu a vbanyago, Jerusalema ga ndzadzini ni mazanazana nya dzingilozi dzaye.

Gutuledwa 21:10

Khavbo avbo, yi di nyi rwala khu Liphuvbo yi nyi yisa gigomoni nya gikhongolo, nya gulaphe yi nyi yeyedza Jerusalema, lidhoropa nya gukatege, li nga bani li gu tshiga khu ndzadzini, khu ga Nungungulu.