1 Dzipfhumu 11:29 - Bhibhiliya Nya Guage

²⁹ Avbo Jerobhowamo a nga khugago khu Jerusalema, nari ndzilani, a di tshangana ni muprofeti Ayiya wa Silo, na ambade ngandzu nya yiphya. Va diri panini vonga va vavili.

1 Dzipfhumu 11:29 Iomraidhean Croise

Genesi 4:8

Kayimi a di embela ndriyaye Abheli, khuye: “Hongole thembweni hi ya pepa.” “Na va vbohide thembweni, Kayimi a di wugela ndriyaye Abheli a mu songa.”

2 Samuweli 14:6

Githumi gyago nya nyamayana gi diri ni sanana sivili nya sikhwathana, iso si di wusa litunga vbavbandze si dwana khu gyawe, a si manegi ni muthu nya gu si avbule; khavbo avbo, moyo a di bayisa mumbe a mu songa.

1 Dzipfhumu 11:11

Khu guralo, Pfhumu Nungungulu a di embela Solomoni, khuye: “Kha nga olu u giridego esi, u ngamba sayisa gidzumeledzwano gyangu ni sileletelo sangu, nyi gu rumidego, khu lisine nyi na dusa mufumo wago, nyi wu ningela ga githumi gyago.

1 Dzipfhumu 12:15

Khu guralo, mufumeli kha nga yingisa magana ya vathu, kholu gikungo gegi, gi di guta khu ga Pfhumu Nungungulu, gasi guya tiyisa magana a ganedego khu likana la muprofeti Ayiya, wa Silo, ga Jerobhowamo, mwamana wa Nebhayoti.

1 Dzipfhumu 12:2

Jerobhowamo, mwamana wa Nebhati, na pwide mahungu yaya na ngari tigoni ga Egipito, a nga bani a gu vbanyela iyo khu guthava mufumeli Solomoni,

1 Dzipfhumu 14:2

Jerobhowamo a di embela mwangadzi waye, khuye: “Khuga olu, u dzi vbindrugedza gasi va si guti gukhavo u ngadza Jerobhowamo, indra dhoropani ga Silo, iyoyo u naya mana muprofeti Ayiya, uye a nga nyi embelago khuye nyi na khala mufumeli vbakari nya vathu vava.

1 Dzipfhumu 14:4

Ngadza Jerobhowamo, a di gira kharato, a khuga a hongola tigoni ga Silo, aya bela ndrangani ga Ayiya; Ayiya a di si woni gambe, kholu maho yaye ma di phumide khu gu gumba.

2 Dzikoronika 10:15

Khu guralo, mufumeli kha nga yingisa iso si nga ganedwago khu vathu, kholu esi si di guta khu ga Nungungulu, gasi Pfhumu Nungungulu a tiyisa magana a nga ganelago khu ga muprofeti Ayiya wa Silo, ga Jerobhowamo, mwamana wa Nebhati.

2 Dzikoronika 9:29

Yimbe mithumo ya Solomoni, iyo nya guhegule niyo nya guhegise, yi lovidwe umo nya Libhuku nya Matimo ya muprofeti Natani, ni umo nya Libhuku nya Wuprofeti wa Ayiya, wa Silo, ni umo nya siwoniso ya Idho, mwama nya liwoni, khu kotani ya Jerobhowamo, mwamana wa Nebhati.

Josuwa 18:1

Tshangano wa na Israyeli wu di tombana tigoni ga Silo; va diya emisa vbale Tshatsha nya Tshangano, kholu litigo li diri mandzani gwawe.