1 Dzipfhumu 11:21 - Bhibhiliya Nya Guage

²¹ Hadhadhi a dipwa na ngari khu Egipito nya gupwani Dhavhidhe lade gumogo ni vavelegi vaye, ni gupwani muthangeli nya nyimbi Jowabhi fude, Hadhadhi a di embela Faro, khuye: “Nyi dige nyi bwelela tigoni gwathu.”

1 Dzipfhumu 11:21 Iomraidhean Croise

Genesi 45:24

Josefa a di vbangana vandriyaye, na va gu khuga; a di va embela, khuye: “Mu nga ganedzisani vbakari nya ndzila.”

2 Samuweli 3:21

Abhineri a di embela Dhavhidhe, khuye: “Nyi na ya tombanisa vatshavbo va na Israyeli vate avbo ga mufumeli ni mune wangu; gasi vata gira gidzumeledzwano nago, u na fumela vatshavbo khu gudzina gwago.” Dhavhidhe a di tshadzisana ni Abhineri, uye a di hongola khu gurula.

1 Dzipfhumu 11:20

Ndruye wa Tafinisi, a di mu velegela gyanana nya gikhwathana, nya guranwe pwani Genubati, gi nga dandriswago khu Tafinisi nyumbani nya wufumu ga Faro. Genubati a di vbanya gumogo ni sanana sa Faro.

1 Dzipfhumu 11:22

Aholu Faro, a di mu phindrula, khuye: “Ginani gi gu kenelelago avbo gwangu, gukala u vbweta gubwelela tigoni gwanu?” Uye a di hakha, khuye: “Kha nyi hamugi gilo, aholu nya guvbweta gu bwelela.”

1 Dzipfhumu 2:10

Dhavhidhe a difa aya lala gumogo ni vavelegi vaye, dzingidwe Dhoropani ga Dhavhidhe.

1 Dzipfhumu 2:34

Khavbo avbo, Bhenaya, mwamana wa Joyadha, a di gwela aya songa Jowabhi, a mu dzinga nyumbani gwaye mugiwulani.

Ekisodha 4:19

Pfhumu Nungungulu a di embela Mosi tigoni ga Medhiyani, khuye: “Khuga, bwelela tigoni ga Egipito kholu va fude vatshavbo va nga bani va gu vbweta gu gu songa.”

Matewu 2:20

“Khuga u dzega gyanana ni mayi waye, u gu hongola tigoni ga Israyeli, kholu va fude avo va nga bani va vbweta gu songa gyanana.”

Josuwa 2:21

Nyamayi a di hakha, khuye: “Si na girege kha nga idzo mu ganedego khidzo!” Khavbo avbo, a di va vbangana va hongola. Khu hwane, nyamayi a di dzega ngodzi nya gufuvile a yi hunga vbagihogotunu nya nyumba yaye.

1 Samuweli 9:26

Va di wuga ni dzimindru, na li nga guduga lidambo, Samuweli a di rana Sawule khu vbalangwetunu, khuye: “Wuga, kholu nya guvbweta gu gu vbwelegedza.” Sawule a di wuga, va duga gumogo uye ni Samuweli