1 Dzipfhumu 11:2 - Bhibhiliya Nya Guage

² Vanyamayi vovo va di gu dugela ga mafumbo yale Pfhumu Nungungulu, a nga layago va na Israyeli, khuye: “Mu nga dzegini vanyamayi vawe va khala vagadzi vanu, ni avo navo, va nga dzegi vanyamahegyane vanu, va khala vagadzi vawe; kholu, khu lisine, va na ndreyisa myonyo yanu yi landrela vanungungulu vawe.” Aholu, Solomoni a di haladzana navo.

1 Dzipfhumu 11:2 Iomraidhean Croise

Genesi 2:24

Khu gighelo gyogyo, mwama a na diga ndranga ya babe ni mayi waye aya patana ni mwangadzi waye, va vavili va gu khala muthu moyo basi.

Genesi 34:3

Monyo wa Sikemi wu di dandramela ga Dhina nyamahegyane wa Jakobe, a di mu haladza ngudzu a gu ganela naye khu gwadi.

1 Dzipfhumu 11:9

Khu guralo, Pfhumu Nungungulu a di goroga khu Solomoni, kholu monyo waye wu nga pfhurarela Pfhumu Nungungulu wa Israyeli, uye a dzi wonegisidego nyondro mbili avbo gwaye,

2 Dzikoronika 19:2

Muprofeti Jewu, mwamana wa Hanane, a di mu khinga, a embela mufumeli Josafati, khuye: Ina u na ni fanelo nya guphasedzele muthu nya guvivbedwe khu monyo ni gu gola vale va nyenyago Pfhumu Nungungulu, gani? Khu guralo, Pfhumu Nungungulu a gu gorogede ngudzu.

2 Dzikoronika 21:6

A di gimbila khu dzindzila dza vafumeli va Israyeli, kha nga idzo va nga girago idzo va nyumbani ga Akabi, kholu nyamahegyane wa Akabi, a diri mwangadzi waye; a gira mithumo nya guvivbe mahoni ga Pfhumu Nungungulu.

Ezira 9:12

Gasi olu, enu mu nga lowodzisini sanana sanu nya sagadzyana ga sanana sawe nya sikhwathana, ni sagadzyana sawe mu nga lowodzini sanana sanu nya sikhwathana, gima mu nga vbweti gurula ni wuwadi avbo gwawe gasi mu kodza gu mana tshivba, nya guhodze thomba nya litigo lolo, mu kodza gu tshiyela sanana sanu kha nga thomba nya gupindruge ga livelego lanu.

Dzindzimo 139:21

Pfhumu Nungungulu, nyi ngu va venga ngudzu avo va gu vengago! Nyi ngu va nyenya avo va gu wugelago,

Ekisodha 23:31

Nyi na pandra mivbingano yago gukhugela Yiphwa nya Gufuvile kala Yiphwa ya Vafilistiya, ni gukhugela giwulani kala gu vboha tsongoni wa Ewufrate; kholu nyi na vega mandzani gwago vathu va vbanyago tigoni, uwe u na va tutumisa mbeli gwago.

Ekisodha 34:12

Dzi wonele, u nga tshuki sago u hunga pwanano ni vathu va tigoni u na belago umo, gasi avo va si khali naphwi vbakari gwanu.

Ekisodha 34:16

mwendro gu wudza dzimbiri dzawe, u lowodza sanana sago. Vanyamayana vovo gikhati va bhayago ni vanungungulu vawe, va nga khulugisa sanana sago si bhaya niso ni vanungungulu vovo.

Malakiya 2:11

Va na Judha kha va tumbega gilo. Va giride manyala tigoni ga Israyeli ni Jerusalema; kholu va na Judha va nyenyeziside Wulanga nya guage wa Pfhumu Nungungulu, owu a wu golago, kholu a dzeganide ni vanyamayi va khozelago vambe vanungungulu va vbavbandze.

Varoma 1:32

Avo va ngu dziti, gukhuga ni guema gukhavo, nayo wa Nungungulu wa gu ruma gukhuwo vatshavbo ava va vbanyago kharalo, va ngu fanedwa khu gufa. Aholu, kha va hegeli basi gu gira silo sesi, va gu pata ni guzundza vale va vbanyago navo kharato.

Varoma 12:9

Lihaladzo lanu li na khale lihaladzo nya lisine, nyamba pembeledzela. Nyenyani guvivba mu gira nya sadi.

1 Vakorinto 15:33

Mu nga sengwi! “Gidinga nya vathu nya guvivbedwe khu monyo gi ngu vivbisa mavbanyelo nya yadi.”

Gutuledwa 2:4

Aholu, nyi ngu gu sola kholu u digide lihaladzo lago nya guhegule.