1 Dzipfhumu 11:13 - Bhibhiliya Nya Guage

¹³ Aholu kha nyi na wandra watshavbo mufumo, nyi na tshiyela mwanago lihundzu limwedo, khu kotani nya lihaladzo nyi gu nalo ni githumi gyangu Dhavhidhe, ni lidhoropa la Jerusalema nyi li hathidego.”

1 Dzipfhumu 11:13 Iomraidhean Croise

1 Dzipfhumu 11:14

Pfhumu Nungungulu a di rumela nala ga Solomoni, a gu Hadhadhi Muedhomi, a nga bani ari wa lihundzu la mufumeli wa Edhomi.

1 Dzipfhumu 11:32

Aholu uye a na tshala ni lihundzu limwedo basi, khu kotani nya lihaladzo nyi gu nalo ni githumi gyangu Dhavhidhe, ni lihaladzo nyi gu nalo khu Jerusalema, lidhoropa nyi li hathidego vbakari nya mahundzu yatshavbo ya Israyeli.

1 Dzipfhumu 11:39

Khu magirelo yoyo, nyi na poyila livelego la Dhavhidhe, aholu khandri kala gupindruga.

1 Dzipfhumu 12:17

Robhowamo, a di fumela basi va na Israyeli va nga bani va vbahide madhoropani ya na Judha.

1 Dzipfhumu 12:19

Gukhugela avbovbo, va na Israyeli va di hambana ni nyumba ya Dhavhidhe kala na muhuno.

1 Dzipfhumu 12:20

Avbo vatshavbo va na Israyeli va ngapwago gupwani Jerobhowamo wide khu Egipito, va di rumela guya mu rana va ta gira tshangano, va di mu emisa gu khala mufumeli wa Israyeli gwatshavbo; mwalo gambe a nga dzumela gu landrela nyumba ya Dhavhidhe, vbavbandze basi ga lihundzu la Judha.

1 Dzipfhumu 8:29

Gasi maho yago, wutshigu ni mihani, ma na tulege ma wona nyumba yeyi, ni wulanga wowu, u ganedego u thula uwo, khuwe: Lina langu li na khala vbale; gasi gupwa nombelo u giredwago khu githumi gyago wulanga wowu.

2 Dzipfhumu 13:23

Aholu Pfhumu Nungungulu a di va pwela gisiro, a va girela wuhindzi, a va tsetselela khu lihaladzo laye nya pwanano a giridego ni Abrahama, Isaki ni Jakobe; a si dzumeli gu va mbembisa ni gu va dzudzuga hwindzo ni khovbe yaye.

2 Dzipfhumu 17:18

Pfhumu Nungungulu a di gorogela va na Israyeli a va dusa mbeli gwaye; gimwalo gi tshadego vbavbandze basi ga nyumba ya Judha.

2 Dzipfhumu 19:34

Kholu nyi na vhikela lidhoropa leli, nyi li vbulugisa, khu guhaladza gwangu ni kotani nya lihaladzo nyi gu nalo ni githumi gyangu Dhavhidhe.”

2 Dzipfhumu 21:4

A di vbaha siluvelo Nyumbani ga Pfhumu Nungungulu, umo Pfhumu a nga ganelago, khuye: “Nyi na vega Lina langu Jerusalema.”

2 Dzipfhumu 23:27

Pfhumu Nungungulu a di ganela, khuye: “Judha nuye, nyi na mu dusa mbeli gwangu, kha nga idzo nyi dusidego khidzo Israyeli, nyi nyenya lidhoropa leli la Jerusalema nyi li hathidego; gumogo gambe ni nyumba nyi nga ganelago gukheni: Lina langu li na khala umo.”

2 Dzipfhumu 8:19

Aholu, khu kotani nya lihaladzo ga githumi gyaye Dhavhidhe, Pfhumu Nungungulu kha dzina gu pfhungumula Judha, kha nga a nga bani a mu tumbiside gukhuye a na mu ninga mwenge vbakari ga sanana saye kala gupindruga.

2 Dzikoronika 21:7

Aholu Pfhumu Nungungulu kha nga gola gupfhungumula nyumba ya Dhavhidhe, khu kotani nya gidzumeledzwano a nga bani giride naye, kholu a di ganede naye khuye, a na mu ninga sanana si na khalago mwenge nyamba tshimega kala gupindruga.

Dzindzimo 132:1

Uwe Pfhumu Nungungulu, u nga divali Dhavhidhe, mugulingwani gwaye gwatshavbo;

Dzindzimo 132:17

Nyi na wusa vbale tshivba nya wufumu wa Dhavhidhe, nyi nyi dongisela wenengedzo wa mufumeli nyi mu hathidego.

Dzindzimo 89:49

Pfhumu, lomo hayini lihaladzo lago nya guphele, eli u sambanyidego ga Dhavhidhe khu gutumbega gwago.

Isaya 14:32

Va na ningwa phindrulo muni avo va rumedwago khu va nya mayigo vovo? Pfhumu Nungungulu khuye a vbahidego lidhoropa la Siyoni, gasi va mana wuthavelo vale va tshanisekago vbakari ga vathu vaye.

Isaya 62:1

Khu kotani nya lihaladzo nyi gu nalo ni Siyoni, kha nyi na degula, khu lihaladzo langu ga Jerusalema, gima kha nyi na hefemula, kala gululama gwago gu duga kha nga wuronga, guvbanyisa gwago, kha nga mwenge wu khondrago.

Isaya 62:7

ambari gu mu ningani guhefemula kala a wusedza Jerusalema gu khala nga gilo gi zundzegago tigoni.

Isaya 9:7

Gasi wufumu waye nya gurule wu engedzelane kala gupindruga, vbagikhalotunu nya wufumu wa Dhavhidhe ni mufumo waye, a wu tiyisa ni gu wu seketela khu nongameto ni gululama, gukhugela olu kala gupindruga. Khathalelo waPfhumu Nungungulu nya Tshivba Yatshavbo wu na gira isoso.

Dhewuteronome 12:11

Khu guralo, gu na manega wulanga wu na hathwago khu Pfhumu Nungungulu wanu, gasi guya vega avbo lina laye; ga wulanga wowo, mu na vbohisa satshavbo esi nyi mi leletelago a gu esi: Miphaso yanu nya guvbiswe, ni dzimhamba dzanu, ni miningelo yanu nya gipandre nya likhumi, ni eyi nya mandza yanu, ni miningelo yanu mu sambanyidego gu ninga Pfhumu Nungungulu.

Dhewuteronome 12:5

aholu mu naya Mu vbwetani wulanga wule Pfhumu Nungungulu a na gu wu hathago vbakari nya mahundzu yanu yatshavbo, gasi gu vega avbo lina laye ni nyumba yaye; mu simama guya avbo.

Dhewuteronome 9:5

Khandri khu kotani nya gululame gwago, gambe khandri khu kotani nya wuwadi nya monyo wago u na belago u fumela litigo lawe, aholu khu kotani nya wuvivbi wa mayigo yaya Pfhumu Nungungulu wago, a ma tutumisago mbeli gwago; gasi gu tiyisa magana Pfhumu Nungungulu wago, a sambanyidego ga vababe vago, Abrahama, Isaki ni Jakobe.