1 Dzipfhumu 11:12 - Bhibhiliya Nya Guage

¹² Aholu, kha nyi na nga gira olu na wu nga gu vbanya, khu kotani nya lihaladzo nyi gu nalo ni babe wago Dhavhidhe; nyi na wu dusa khu mandzani ga mwamana wago.

1 Dzipfhumu 11:12 Iomraidhean Croise

Genesi 12:2

Nyi na wusa khu uwe litigo nya vathu nya vangi. Nyi na gu kategisa, nyi gu ninga lina nya wuzundzo, u na khala uwe gikategiso.

Genesi 19:29

Avbo Nungungulu a nga bani a gu khungumula madhoropa ya panini, a di alakanya Abrahama, a gu vbulugisa Loti gumbemba, madhoropa a nga bani a gu vbanya umo ma khungumudwa.

1 Dzipfhumu 11:11

Khu guralo, Pfhumu Nungungulu a di embela Solomoni, khuye: “Kha nga olu u giridego esi, u ngamba sayisa gidzumeledzwano gyangu ni sileletelo sangu, nyi gu rumidego, khu lisine nyi na dusa mufumo wago, nyi wu ningela ga githumi gyago.

1 Dzipfhumu 11:13

Aholu kha nyi na wandra watshavbo mufumo, nyi na tshiyela mwanago lihundzu limwedo, khu kotani nya lihaladzo nyi gu nalo ni githumi gyangu Dhavhidhe, ni lidhoropa la Jerusalema nyi li hathidego.”

1 Dzipfhumu 11:31

A embela Jerobhowamo, khuye: Dzega mikeka yeyi nya likhumi, kholu Pfhumu Nungungulu wa Israyeli, Wari, khuye: Wona nya gukhuwe nyi na dusa mufumo khu mandzani ga Solomoni, uwe nyi na gu ninga likhumi mahundzu ya Israyeli.

1 Dzipfhumu 11:32

Aholu uye a na tshala ni lihundzu limwedo basi, khu kotani nya lihaladzo nyi gu nalo ni githumi gyangu Dhavhidhe, ni lihaladzo nyi gu nalo khu Jerusalema, lidhoropa nyi li hathidego vbakari nya mahundzu yatshavbo ya Israyeli.

1 Dzipfhumu 11:34

Aholu kha nyi na wandra watshavbo mufumo mandzani gwaye, kholu nyi na wu tiyisa mandzani gwaye, matshigu yatshavbo nya guvbanye gwaye, khu kotani ya githumi gyangu Dhavhidhe, oyu nyi mu hathidego, bwelo khavbo a sayisa milayo ni sileletelo sangu.

1 Dzipfhumu 11:35

Aholu, nyi na wu dusa mandzani ga mwanaye, nyi ninga uwe likhumi mahundzu.

1 Dzipfhumu 21:29

“U wonide idzo Akabi a dzi thesidego khidzo mbeli gwangu, gani? Kha nga olu a giridego kharati, kha nyi na mu tsayisa matshiguni nya guvbanye gwaye, aholu matshiguni ya mwanaye, nyi na resa tsayiso nyumbani gwaye.”

2 Dzipfhumu 19:34

Kholu nyi na vhikela lidhoropa leli, nyi li vbulugisa, khu guhaladza gwangu ni kotani nya lihaladzo nyi gu nalo ni githumi gyangu Dhavhidhe.”

2 Dzipfhumu 20:17

Wona nya gukhuwe ma nguta matshigu aya nya gu satshavbo si guromo nyumbani gwago; ni satshavbo si nga hengeledzedwa khu vababe vago kala litshigu la muhuno, si na dzegwa si yiswa Bhabhiloni; Kholu Pfhumu Nungungulu a ganede khuye, gimwalo ni gimwegyo gi na tshidwago.

2 Dzipfhumu 20:19

Khavbo avbo, Ezekhiya a di embela Isaya, khuye: “Magana yaya u ganedego ya Pfhumu Nungungulu khyadi!” A di engedza gambe, khuye: “Olu matshiguni yangu, kha gu na manega gambe gurula ni lisine, gani?”

2 Dzipfhumu 8:19

Aholu, khu kotani nya lihaladzo ga githumi gyaye Dhavhidhe, Pfhumu Nungungulu kha dzina gu pfhungumula Judha, kha nga a nga bani a mu tumbiside gukhuye a na mu ninga mwenge vbakari ga sanana saye kala gupindruga.

Ekisodha 20:5

Khu na nga khidzima mbeli nya silo soso, gambe gima khu na nga si khozela, kholu eni kheni Pfhumu Nungungulu wago, nyi Nungungulu nya wufu, nyi ngu tsayisa sanana khu kotani nya gighoho gya vavelegi vawe kala gitugulwana nya wuraru negi nya wu na ga vale va nyi vengago.