1 Dzipfhumu 11:1 - Bhibhiliya Nya Guage

¹ Mufumeli Solomoni a di haladza vanyamayi nya vangi va mambe mayigo; gu diga nyamahegyane wa Faro, dzegide gambe vambe vanyamayi va Mowabhi, va Amori, va Edhomi, va Sidhoni ni Vahiti.

1 Dzipfhumu 11:1 Iomraidhean Croise

1 Dzipfhumu 11:8

A di gira gambe kharato ni ga vagadzi vaye va mambe mayigo, a di va vbisela libani ni gu girela miphaso vanungungulu vawe.

1 Dzipfhumu 14:21

Robhowamo, mwamana wa Solomoni, a diri ni tanga nya magumana na moyo myaga nya guvelegwe, gikhati a phedego gu fumela Judha, fumide likhumi na livbandre myaga Jerusalema, lidhoropa li nga hathwago khu Pfhumu Nungungulu vbakari ga mahundzu yatshavbo ya na Israyeli, gasi gu vega umo lina laye. Lina la mayi waye a diri uye Nahama, nya lifumbu la na Amoni.

1 Dzipfhumu 14:31

Robhowamo lade ni vavelegi vaye, va mu dzingide gumogo navo Dhoropani ga Dhavhidhe. Lina la mayi waye, khu Nahama, nya lifumbu la na Amoni. Wulangani gwaye fumide mwanaye Abhiya.

1 Dzipfhumu 16:31

Kha nga kodwa basi khu gu gira sighoho si giridwego khu Jerobhowamo, mwamana wa Nebhati, gu diga isoso, a di dzegana ni Jezabheli, nyamahegyane wa Etibhahali, mufumeli wa Sidhoni, a diya khozela Bhahali, a khidzima mbeli gwaye.

1 Dzipfhumu 3:1

Solomoni a di gira wulongo ni Faro, mufumeli wa Egipito, a dzegana ni nyamahegyane wa Faro, a khala mwangadzi waye, a mu resa Dhoropani ga Dhavhidhe, kala a vbedza guvbaha nyumba yaye, ni Nyumba ya Pfhumu Nungungulu, gumogo ni libhiyo li dzundrulugelago Jerusalema.

Ezira 10:44

Vathu vatshavbo vava, va di dzegide vanyamayi va nya mayigo; vambe nya avo va di velegide sanana navo vanyamayi vovo. Avo va di va tutumisa gumogo ni sanana sawe.

Ezira 9:1

Na si gu vbede silo sesi, gu dita avbo gwangu manganagana ma ta khayo: “Vathu va na Israyeli, vaphasi nya mhamba ni va na Levhi, kha va dzi hambanisa ni vambe vathu va mambe mayigo; va gu simama gu gira guvivba ga mayigo yoyo ya Vakhanani, ya Vahiti, ya Vaferezi, ya Vajebhuzi, ya Vaamoni, ya va na Mowabhi, ya Vagipiti ni ya Vaamori.

Ezira 9:2

Kholu va di dzegana ni sanana sawe, avo navo va dzegisa sanana sawe nya sagadzyana si dzegwa khu madzaha yawe, khu kharato gu di dzegwa lifumbu nya vathu va agidego, li patana ni lifumbu nya vathu nya mayigo yoyo, ambari ni manganagana ni madhota nya valuveli, khavo va phedego khavo gu gira gighoho gyogyo.”

Ekisodha 34:16

mwendro gu wudza dzimbiri dzawe, u lowodza sanana sago. Vanyamayana vovo gikhati va bhayago ni vanungungulu vawe, va nga khulugisa sanana sago si bhaya niso ni vanungungulu vovo.

Mavingu 2:16

Guti gu na gu vbulugisa ga nyamayi nya liphuphulu, ni oyu wa mambe mayigo, uye a sengedzelago khu magana yaye,

Mavingu 22:14

Khanani ga nyamayi nya gibhayi, liphala nya guete, uye a gorogedwago khu Pfhumu Nungungulu a na thegela umo.

Mavingu 23:33

Maho yago ma na wona silo nya guvivbe, ni mapimo yago ma na pimisa silo nyamba yela.

Mavingu 31:3

U nga ningeli tshivba yago ga va nyamayana, u nga landriseli avo va thesago ni vafumeli.

Mavingu 6:24

yi na gu vbulugisa ga nyamayi nya mavbanyelo nya guvivbe, ni ga magana yaye nya wusengedzeli.

Mavingu 7:5

gasi si gu ndreyisa ga nyamayi nya gibhayi, uye a sengedzelago khu magana nya gulombele.

Levhi 18:18

U nga dzegi nyamayi u mu bhanya gumogo ni ndriyaye na nga gu vbanya, kholu isoso si nga vanga livengo ni wukhusu vbakari gwawe khu gufunungula wumbwiri wa namu wago.

Dhewuteronome 17:17

A na dzi wonele, a nga tshuki a dzega vanyamayi nya gutale, gasi monyo waye wu si ndreyi; gambe a nga hengeledzeli ndralama mwendro parata nya yingi.