1 Dzipfhumu 10:24 - Bhibhiliya Nya Guage

²⁴ Vathu vatshavbo va mafuni, va di vbweta gu wonana ni Solomoni, ni gupwa wugengeli owu Nungungulu a nga bani a wu vegide monyoni gwaye.

1 Dzipfhumu 10:24 Iomraidhean Croise

1 Dzipfhumu 10:1

Pfhumugadzi ya Sabha na yi pwide ndruma ya Solomoni khu mahungu nya wudhumo a wu manidego khu gu rungudza lina la Pfhumu Nungungulu, a dita mu linga khu siwudziso nya gulemele.

1 Dzipfhumu 3:12

Eni nyi na gu ninga ugo u lombago; nyi na gu ninga monyo nya wugengeli ni mapimo ngudzu nya gu gima, gu si gu manegi muthu nya gufanane nago, ambari khu hwane gwago kha na nga manega gambe nya nga uwe.

1 Dzipfhumu 3:28

Avbo vatshavbo va na Israyeli va nga pwago mahungu nya malamulelo yaya a nga lamulago khayo mufumeli; vatshavbo va di ninga githawo nya gikhongolo ngudzu ga mufumeli, kholu va di wona gukhavo gulamulani gwaye tade khu guti gwa Nungungulu.

1 Dzipfhumu 3:9

“Khu guralo, ninga githumi gyago, monyo nya gutale khu guti, gasi a kodza gu gimbidzisa vathu vago, a mane wugengeli nya guti guhambanisa wuwadi ni guvivba, kholu, khu mani a na kodzago gulamula vathu vago nya gutale kharati?”

2 Dzikoronika 1:11

Khavbo avbo, Nungungulu a di embela Solomoni, khuye: “Kha nga u gu ni maalakanyo yoyo monyoni gwago; kha nga u ngamba lomba dzithomba ni gufuma, wudhumo, ni gu songetela valala vago, ambari guvbanya matshigu nya gulaphe; aholu u lombidego wugengeli ni mapimo, gasi u kodza gu fumela vathu vangu, avo nyi gu emisedego gu khala mufumeli wawe,

2 Dzikoronika 1:12

nyi ngu gu ninga guti ni mapimo. Hwane nya isoso, nyi na gu ninga gambe gufuma, dzithomba ni wudhumo, avbo nya gu, mwalo mufumeli a manidego wufumu nya nga uwowo ga vatshavbo ga vatshavbo va gu hegudzidego gu fuma. Gambe, gima kha na manega mumbe, hwane gwago.”

Mavingu 2:6

Kholu Pfhumu Nungungulu khuye a ningago guti, guti ni gupimisa sa gu dugela khavbo Gwaye.

Ezekiyeli 16:14

Ndruma nya wumburi wago, yi di phalalega vbakari nya mayigo, kholu gungangamela nyi gu ningidego gu giride gu, wumburi wago, wu khala nya lisima; a ngu ganela Mune Pfhumu Nungungulu.

Dhaniyeli 1:17

Nungungulu a di ninga madzaha yaya nya mana, guti ni gu pimisa ni wugengeli nya milowo yatshavbo. Gu diga nya isoso, Dhaniyeli a di mana mapimo nya gutshamusele mafumbu yatshavbo nya siwoniso ni dzindroro.

Dhaniyeli 2:21

Uye a ngu vbindrugedza dzinango ni gikhati, uye a ngu dusa vafumeli ni gu tiyisa vafumeli, uye a ngu ninga guti va nya gugengela ni wugengeli ga va nya mapimo.

Dhaniyeli 2:23

Eni nyi ngu gu bonga ni gu gu rungudza, uwe Nungungulu wa vababe vangu; khuwe u nyi ningidego guti ni tshivba, olu u nyi yeyedzide iso hi gu lombidego, kholu u hi tugudziside mahungu yaya ya mufumeli.

Dhaniyeli 5:11

Womo mwama moyo vbakari nya mufumo wago a gu ni liphuvbo la vanungungulu va agidego; matshiguni ya babe wago, gu di manwa avbo gwaye wenengedzo, gupimisa ni wugengeli, nya gufanane ni wugengeli wa vanungungulu. Babe wago, mufumeli Nabhukodhonosori, a mu emiside gu khala muthangeli nya dzinyanga, nya va nya sikwembu, nya Vakalidhiya, ni va nya gulola dzisolo.

Jakobe 1:5

A gu bani a romo moyo wanu a keneledwago khu guti, a na gu lombe ga Nungungulu a ningago khu wuhindzi ga vatshavbo nyamba sola, a na ningwa.