1 Dzipfhumu 10:22 - Bhibhiliya Nya Guage

²² Mufumeli a diri ni mataro phwani ga Tarisisi, ma nga bani ma gu longoloka ni mataro ya mufumeli Hiramo. Khu guvbela nya myaga miraru, mataro ya Tarisisi, ma di gu resa ndralama, parata, magwaha nya dzindzofu, dzifene ni dzipavhawu.

1 Dzipfhumu 10:22 Iomraidhean Croise

Genesi 10:4

Sanana sa Javani khesi: Eliya, Tarisisi, Kitimi ni Dhodhanimi.

1 Dzipfhumu 10:18

Mufumeli a di gira gambe gikhalo nya wufumu nya gikhongolo khu magwaha nya ndzofu, a gu gi londra khu ndralama nya guhutwe.

1 Dzipfhumu 10:21

Satshavbo sombo a nga bani a gu sela khiso mufumeli Solomoni, a diri sa ndralama, ni satshavbo si nga bani siri Nyumbani nya wufumu ya Khabini ga Libhanoni, si diri sa ndralama nya guhutwe; gu diri mwalo ni gimwegyo nya parata, kholu matshiguni ya Solomoni, parata yi diri mwalo lisima.

1 Dzipfhumu 22:48

Khu matshigu yoyo, gu diri mwalo mufumeli tigoni ga Edhomi, aholu va di gu fumedwa khu mwamangulu.

1 Dzipfhumu 22:49

Josafati a di gira mataro nya makhongolo tigoni ga Tarisisi, gasi guya dzega ndralama tigoni ga Ofiri; aholu kha va nga hongola, kholu mataro ma diya ghohekela tigoni ga Eziyoni-Gebheri

1 Dzipfhumu 9:26

Mufumeli Solomoni a di gira gambe mataro nya mangi tigoni ga Eziyoni-Gebheri, li khalago vbafuvbi ni Elati, funguni nya yiphwa nya gufuvile, tigoni ga Edhomi.

2 Dzikoronika 9:21

Mufumeli a diri ni mataro ma nga bani ma hongola tigoni ga Tarisisi, ni sithumi sa Hiramo, nyondro mweyo ndrani nya myaga miraru, ma di wuya khu Tarisisi na ma vbagede ndralama, parata, magwaha nya ndzofu, dzifene ni dzipavhawu.

Joba 39:13

Mbowa ya gu thawuludza mambapi yi vbuvba na yi tsakide, gukhwatshi mambapi nya lighama yi gu nawo.

Dzindzimo 48:7

Gufanana ni phuvbo ya Khugadambo yi fanyeledzelago mataro ya Tarisisi.

Dzindzimo 72:10

Vafumeli va Tarisisi ni va sidwani va na rese miningelo nya gu mu luve; vafumeli va Sabha ni va Sebha, va na mu resele miningelo.

Isaya 2:16

ni vbatshani nya mataro yatshavbo ya Tarisisi ni ga satshavbo iso si wonegago na si mburide mahoni ga vathu.

Isaya 23:1

Gitiviso nya gusasedwe litigo la Tiro. Wombani dzihuwa enu mataro ya Tarisisi! Kholu Tiro mbembisidwe, avbo gu si wonegigo gambe ni nyumba mweyo, ambari ni lisiwo nya gutshegeme avbo dzingalava, mahungu yaya ma tivisidwe gukhugela tigoni ga Kipre.

Isaya 23:10

Tsemakanya litigo lago u fanana ni tsongo nya khongolo wa Nilo, uwe nyamahegyane wa Tarisisi, kholu mwalo a gu himbedzelago.

Isaya 23:6

Tshatugani mu wuya Tarisisi, wombani huwa, enu vavbanyi va bambe nya linene.

Isaya 60:9

Khu lisine, mayigo ya sidwani ma na nyi lirela; guhegula ma nata mataro ya Tarisisi, ma resa sanana sago khu hwindzo, avo va na resa gumogo parata ni ndralama, nya guphasele lina la Pfhumu Nungungulu wago, ni Oyu nya Gukatege wa Israyeli, kholu uye a gu khusedzide.

Isaya 66:19

Nyi na va vega giwonegiso, avo va na gu vbulugago, nyi na va rumela mayigoni ya Tarisisi, Puli ni Ludhi, vathu nya gu kodze gu khwandra siholoma, Tubhali ni Javha, kala sidwani sa hwindzo, ga vathu va ngamba tshukha vapwa ndruma yangu, ambari gu wona wudhumo wangu; va naya tivisa wudhumo wangu ga mayigo yoyo.

Ezekiyeli 27:12

“Tarisisi giride wugwewo nago, khu gu wona gutala nya dzithomba dzago; va di renga silo sago khu parata, gikete, thovhu ni tsumbu.”

Ezekiyeli 27:15

Va na Dhedhani, a diri vagimbidzisi vago nya wugwewo; mayigo ya phwani, a diri avo va rengi vago, va gu luva khu magwaha nya dzindzofu ni mapulango nya gusivbale.

Amosi 3:15

Nyi na khungumula nyumba ya vbagirametunu ni nyumba nya maronga, dzinyumba dzi mburisedwego khu magwaha nya dzindzofu dzi na fuviswa, gu na fuviswa gambe ni dzinyumba nya dzikhongolo, a ngu ganela Pfhumu Nungungulu.”

Jona 1:3

Aholu Jona a di khuga mahoni ga Pfhumu Nungungulu a thava, a hongola Tarisisi; a di relela dhoropani ga Jope, avbo a ngaya mana litaro li nga bani li gu hongola Tarisisi; khu guralo, a di renga lithigiti, a gu bela litaroni gasi gu hongola navo Tarisisi, hwindzo ni khovbe ya Pfhumu Nungungulu.