1 Dzipfhumu 10:13 - Bhibhiliya Nya Guage

¹³ Mufumeli Solomoni a di ningela nuye ga Pfhumugadzi ya Sabha, satshavbo iso a nga mu lombago ni gu si gola khu monyo waye, gu diga iso a nga mu ningago uye mune khu guhaladza ga mufumeli Solomoni. Khavbo avbo, pfhumugadzi yi di bwelela tigoni gwaye, iyo gumogo ni vathu vaye.

1 Dzipfhumu 10:13 Iomraidhean Croise

1 Dzipfhumu 10:12

Mapulangu yaya nya simbo nya bandrwa, khayo mufumeli a giridego khayo misimbo nya gumburisele khiyo Nyumbani ga Pfhumu Nungungulu, ni nyumbani ga mufumeli, ni gu gira sitendre ni dzimbila dza vaembeleli, mapulango nya nga aya nya bandrwa, gima kha ma nga reswa gambe nya mangi, gambe gima ma si gu wonwi mapulango nya gufanane, kala na muhuno.

1 Dzipfhumu 10:14

Ndralama yi nga bani yi gu reswa ga Solomoni, khu mwaga ni mwaga, yi diri pimo nya livbandre na limwedo mazana ni livbandre na limwedo magumi ni livbandre na mweyo (666) dzitaleta nya ndralama,

1 Dzipfhumu 10:2

A di vboha Jerusalema nari ni gikwata nya gingi nya dziphelegedzi, ni dzingameriya na dzi rwade mafura nya gunungele ni ndralama nya yingi ni siwindri nya lisima nya gukhedzige. Na vbohide ga Solomoni, a di mu wudzisela satshavbo si nga bani si tade monyoni gwaye.

1 Dzipfhumu 9:1

Avbo Solomoni a nga vbedzago guvbaha Nyumba ya Pfhumu Nungungulu, ni nyumba nya wufumu, ni satshavbo a nga suvago gu si gira,

2 Dzikoronika 9:12

Mufumeli Solomoni a di ningela ga pfhumugadzi ya Sabha, satshavbo iso yi nga si suva ni gu mu lomba, vbavbandze nya sihiwa a mu ningidego nya guningane nesi a dzudego naso. Khu guralo, uye a di bwelela tigoni gwaye gumogo ni sithumi saye.

Dzindzimo 20:4

A na gu ninge esi monyo wago wu suvago, a tiyisa satshavbo u pimisago gu gira!

Dzindzimo 37:4

Vega ga Pfhumu Nungungulu gutsaka gwago, uye a na gu ninga gugola nya monyo wago.

Matewu 15:28

Khu kharato, Jesu a di mu hakha, khuye: “Nyamayi, gukhodwa gwago gukhongolo! Gu na girege kha nga guhaladza gwago.” Gukhugela gikhati gile nyamahegyane waye a di hawuluga.

Vaefeso 3:20

Ga Uye a gu na ni tshivba nya gugire guvbindra satshavbo esi hi mu lombago, ambari ni esi hi alakanyago, khu tshivba Yaye yi thumago ndrani gwathu.