1 Dzipfhumu 10:11 - Bhibhiliya Nya Guage

¹¹ Ni mataro ya Hiramo, ma nga bani ma gu resa ndralama khu tigoni ga Ofiri, ma di resa gambe mapulango nya yadi nya simbo nya bandrwa ni siwindri nya gukhedzige.

1 Dzipfhumu 10:11 Iomraidhean Croise

1 Dzipfhumu 10:12

Mapulangu yaya nya simbo nya bandrwa, khayo mufumeli a giridego khayo misimbo nya gumburisele khiyo Nyumbani ga Pfhumu Nungungulu, ni nyumbani ga mufumeli, ni gu gira sitendre ni dzimbila dza vaembeleli, mapulango nya nga aya nya bandrwa, gima kha ma nga reswa gambe nya mangi, gambe gima ma si gu wonwi mapulango nya gufanane, kala na muhuno.

1 Dzikoronika 1:23

Ofiri, Havhila ni Jobhabhi: Esi satshavbo si diri sanana sa Jokitani.

2 Dzikoronika 2:7

Khu guralo, nyi rumele muthu a vidzidwego khu mithumo ya ndralama, parata, sugu ni simbi, ni gu kodza guluga myendra nya muvala nya giwunguwungu, nya gukwalale ni muvala wa damboni, muthu a kodzago guvata, gasi a kodza guta thuma ni vathu va Judha ni Jerusalema, avo va hathidwego khu babe wangu Dhavhidhe, a va tshanganisa vbafuvbi gwangu.

2 Dzikoronika 2:8

Nyi rumele gambe khu Libhanoni, mapulango nya sedhari, mikipirisi ni mibandrwa, kholu eni nyi ngu dziti gwadi gukheni vathu vago va ngu kodza gu pila gwadi mapulango ya Libhanoni. Khu guralo, sithumi sangu si nata phasedzelana ni sago,

2 Dzikoronika 8:18

Hiramo a di mu rumela mataro ni va gimbidzisi vakone va vidzidwego gwadi, va reswa khu sithumi saye, va hongola Hofiri gumogo ni sithumi sa Solomoni, vaya dzega mazana mana ni livbandre magumi (450) dzitaleta nya ndralama, va dzi resa ga mufumeli Solomoni.

Joba 22:24

Khavbo avbo, u na wungedzela ndralama kha nga kudzudzwane, ni ndralama ya Ofiri, kha nga siwindri sa tsongoni.

Dzindzimo 45:9

Vbakari ga vanyamayi va nyumbani nya wufumu somo sanana nya dzimbiri dza vafumeli, nyamudye gwago yi emide pfhumugadzi yi mburisedwego khu ndralama nya guhutwe ya Ofiri.