1 Dzipfhumu 10:10 - Bhibhiliya Nya Guage

¹⁰ Hwane nya ugo, a di ningela ga mufumeli, lizana ni magumavili (120) dzitaleta nya ndralama, ni mafura nya mangi nya gunungele, ni siwindri nya lisima nya gukhedzige; gima ni litshigu limwedo kha gu ngata mafura nya gunungele nya mangi ngudzu, kha nga ayo Pfhumugadzi ya Sabha a nga reselago mufumeli Solomoni.

1 Dzipfhumu 10:10 Iomraidhean Croise

Genesi 43:11

Babe waye, Israyeli, a di khuye gwawe: “A gu bani ari kharato, ma tshambide! Girani, kharati: Thelani somboni gwanu mihandro yile nya yadi ya tigoni gwathu mu ya ningani mwama yoyo kha nga ndruwo: Mafura, wulombe, mafura nya gunungele, dzimendrwa, mavbudzu ni dzikarusu.

1 Dzipfhumu 10:2

A di vboha Jerusalema nari ni gikwata nya gingi nya dziphelegedzi, ni dzingameriya na dzi rwade mafura nya gunungele ni ndralama nya yingi ni siwindri nya lisima nya gukhedzige. Na vbohide ga Solomoni, a di mu wudzisela satshavbo si nga bani si tade monyoni gwaye.

1 Dzipfhumu 9:14

Hiramo a di rumede ga mufumeli Solomoni, lizana ni magumavili dzitaleta nya ndralama.

Dzindzimo 68:29

Gukhugela Nyumbani gwago ya Jerusalema, iyo va tago vafumeli vata gu luva khu miningelo.

Dzindzimo 72:10

Vafumeli va Tarisisi ni va sidwani va na rese miningelo nya gu mu luve; vafumeli va Sabha ni va Sebha, va na mu resele miningelo.

Dzindzimo 72:15

A na vbanye mufumeli, a na hakhe ndralama ya Sabha; va na mu girele milombelo khavbo gu si vbeligo, matshigu yatshavbo a kategiswa khu Nungungulu.

Ekisodha 30:34

Pfhumu Nungungulu a di engedza a embela Mosi, khuye: “Vbweta misimbo nya gunungele, mitshafura, libani, ni simbe sinungedziso nya guhambanelane u pima satshavbo khu pimo moyo.

Mavingu 20:15

Yomo ndralama ni siwindri nya singi nya lisima, aholu igyo nya lisima guvbindra satshavbo, khu magana nya guti.

Muhevbudzi 2:8

Nyi hengeledzede gambe ndralama ni parata, ni thomba ya vafumeli nya sipandrengulu; nyi dzi hathede vaembeleli nya vama ni vanyamayi, ni iso si tsakisago vathu, a gu vagadzi nya vangi.

Matewu 2:11

Va di bela nyumbani, vaya wona gyanana ni mayi waye Mariya; va di khidzima va gi khozela; va di tula sikhwama sawe, va gi luva khu ndralama, khu libani ni mafura.

Gutuledwa 21:11

Lidhoropa li di ngangamela khu wudhumo wa Nungungulu. Gu aga gwaye gu di gira nga giwindri nya gukhedzige ngudzu nga giwindri nya jasiperi nya guage nga libona.