1 Dzipfhumu 10:1 - Bhibhiliya Nya Guage

¹ Pfhumugadzi ya Sabha na yi pwide ndruma ya Solomoni khu mahungu nya wudhumo a wu manidego khu gu rungudza lina la Pfhumu Nungungulu, a dita mu linga khu siwudziso nya gulemele.

1 Dzipfhumu 10:1 Iomraidhean Croise

Genesi 10:28

wa Obhali, wa Abhimayeli, wa Sabha,

Genesi 10:7

Sanana sa Khusi khesi: Sebha, Havhila, Sabhita, Rama ni Sabhiteka. Sanana sa Rama khu Sebha ni Dhedhani.

Genesi 25:3

Jokisani a di velega Sabha ni Dhedhani. Sanana sa Dhedhani, khu Hasurini, Letusini, ni Lewumini.

1 Dzipfhumu 10:24

Vathu vatshavbo va mafuni, va di vbweta gu wonana ni Solomoni, ni gupwa wugengeli owu Nungungulu a nga bani a wu vegide monyoni gwaye.

1 Dzipfhumu 4:31

Uye a diri muthu nya guti ngudzu guvbindra vathu vatshavbo nya guti, a di gengede guvbindra Etani, Muezari; ni Hemani, ni Kalikoli, ni Dharidha, sanana sa Maholi; lina laye li di pwala ndruma ga mayigo yatshavbo nya vaakelane.

1 Dzipfhumu 4:34

Va dita vathu nya mayigo yatshavbo gasi gutapwa guti gwa Solomoni; gu dita gambe ni vafumeli nya mayigo yatshavbo ya mafuni va ngapwago ndruma nya guti gwaye.

1 Dzipfhumu 5:14

A va rumela tigoni ga Libhanoni, khu ngima ni ngima a di rumela likhumi magumi mazana (10.000) vama khu mitsawa nya gudzegisane, ngima moyo va di thuma Libhanoni, migima mivili va wuya magaya gwawe. Ndruna ya va nya gibhalu a diri Adhoniramu.

Joba 28:28

A di embela muthu, khuye: Guthava Pfhumu Nungungulu khigyo giguga nya guti, guhambana ni silo nya guvivbe, gu mana mapimo.”

Joba 6:19

Vavbindri va Temani, va di gu zama gutugula mati yaya, ni vaendri va Sebha va di ya ma vbweta.

Dzindzimo 49:4

Nyi na neredza dzindzeve dzangu nyipwa gihevbudzo, nyi na tula sihalo wangu na nyi gupwa gitendre.

Dzindzimo 72:10

Vafumeli va Tarisisi ni va sidwani va na rese miningelo nya gu mu luve; vafumeli va Sabha ni va Sebha, va na mu resele miningelo.

Dzindzimo 72:15

A na vbanye mufumeli, a na hakhe ndralama ya Sabha; va na mu girele milombelo khavbo gu si vbeligo, matshigu yatshavbo a kategiswa khu Nungungulu.

Isaya 60:6

Dzingameriya nyambana tengo, dzi na fenengedza litigo lago, ni marole nya dzingameriya dza Medhiyani ni Efa. Va nata vatshavbo khu Sabha, na va rwade ndralama ni libani, na va gu embelela wudhumo wa Pfhumu Nungungulu.

Jeremiya 6:20

Ma gu nyi phasa ginani mabani mu nyi reselago khu tigoni ga Sabha, ni mafura nya gunungele mu nyi reselago khu mayigoni ya hwindzo? Miphaso yanu nya guvbiswe ni dzimhamba dzanu kha dzi nyi nengedzisi.

Ezekiyeli 16:14

Ndruma nya wumburi wago, yi di phalalega vbakari nya mayigo, kholu gungangamela nyi gu ningidego gu giride gu, wumburi wago, wu khala nya lisima; a ngu ganela Mune Pfhumu Nungungulu.

Ezekiyeli 38:13

Sabha ni Dhedhani, ni va nya wugwewo va Tarisisi gumogo ni vamwamangulu vaye vatshavbo, mwendro dzinghala dzaye dzi na gu wudzisa khidzo: Uwe wa guta guta phanga thomba yathu, gani? U tombaniside masotshwa yago gasi guta phanga, parata ni ndralama, u dzega mitshambi ni gu wandra dzithomba dzathu, gani?

Matewu 12:42

Pfhumugadzi ya Marandzi yi na wugela mela yoyu, yi wu ninga nandru. Kholu yi dzude khu mahegiso nya litigo, gasi guta pwa guti ga Solomoni. Avba womo uye a gu khongolo guvbindra Solomoni!

Matewu 13:11

A di va hakha, khuye: “Kholu enu, mu ningidwe guti misihalo nya Mufumo wa Ndzadzini, gasi avo va mwalo giningwa gyogyo.

Matewu 13:35

Gasi gutadzisega kharati, magana ya muprofeti, a nga khuye: “Nyi na ganela khu sipimaniso, gasi gu tivisa silo si nga bani si sihalegide gukhugela guvangwa nya litigo.”

Marko 4:34

Vbakari nya vathu a di ganela khu sipimaniso, aholu, khu phuvbo a di tshamusela satshavbo vapizane vaye.

Luka 11:31

Litshigu nya gulamudwe, pfhumugadzi ya Marandzi yi na wugela mela yoyu yi wu ninga nandru, kholu yi dzude khu mahegiso nya litigo, gasi guta pwa guti ga Solomoni. Avba womo uye a gu khongolo guvbindra Solomoni!

Johane 17:3

Guvbanya nya gupindruge khogu: Vati uwe basi kha nga Nungungulu nya lisine, ni guti Jesu Kristo, a gu uye u nga mu rumelago.