1 Dzipfhumu 1:52 - Bhibhiliya Nya Guage

⁵² Solomoni a di hakha, khuye: “Uye a gu dzi yeyedza nari muthu nya gutumbege, ni ngodzi mweyo nya ndzudzu waye kha yi na thega; aholu, gwa gu tugulega avbo gwaye wuvivbi nya gukari, uye a nafa.”

1 Dzipfhumu 1:52 Iomraidhean Croise

2 Samuweli 14:11

Nyamayi a di hakha, khuye: “Mufumeli, lomba khu lina la Pfhumu Nungungulu wago, gasi muphodzeli nya novba, a si nyi engedzeli libango, khu gu songa mwamana wangu.” Khu guralo, mufumeli a di hakha, khuye: “Nyi ngu sambanya khu Pfhumu Nungungulu a vbanyago, kheni, kha wu na thega vbavbatshi ambari ni ndzudzu moyo basi khu hungoni ga mwanago!”

1 Dzipfhumu 1:51

Khavbo avbo, va di ya tivisa Solomoni, khavo: “Adhoniya a ngu thava Solomoni, hongode aya mola dzikheho nya giluvelo. Uye a gu ganela kharati, khuye: Solomoni a na sambanye gukhuye kha na songa githumi gyaye khu litshari.”

1 Dzipfhumu 1:53

Khavbo avbo, mufumeli a di rumela masotshwa nya gukari, avo va di ya mu tshigisa khu vbagiluvelotunu. Adhoniya a di ta noga khu githawo mbeli ga mufumeli Solomoni, khavbo avbo, Solomoni a di mu embela, khuye: “Indra gaya gwago.”

Joba 15:22

Kha khodwi gukhuye a na vbuluga khu gidemani, a gu dzipwa na lirede gusasedwa khu litshari basi.

Mavingu 13:6

Gululama gu ngu hetedza muthu a gu ni mavbanyelo nya yadi, aholu gighohi gi ngu mbemba khu mithumo yaye.

Mavingu 21:12

Muthu a lulamidego a gu khedzisa gwadi ndranga nya sighohi, a gu thesa mhangoni va nya guvivbedwa khu monyo.

Matewu 10:30

Ambari ni ndzudzu wa hungoni gwanu wu valedwe watshavbo!

Luka 21:18

Aholu kha gu na luzega, ambari basi ndzudzu moyo wa hungoni gwanu.

Mithumo 27:34

Nyi ngu mi lomba mu hodze gilogyo, gasi mu kodze gu mana tshivba nya guvbuluge. Vbakari gwathu mwalo na moyo a na gu luzago, ambari khu ndzudzu wunene wa hungoni gwaye.”

1 Samuweli 14:45

Aholu vathu va di embela Sawule, khavo: “Ina Jonatane a residego guvbanyiswa gogu nya gukhongolo ga Israyeli, a ngu yela gufa, gani? Silo nya nga isoso, kha si kodzegi gu girega! Hi ngu sambanya khu Pfhumu Nungungulu a vbanyago, ni ndzudzu moyo basi wa hungoni gwaye kha wu na thega vbavbatshi, kholu iso a si giridego muhuno tshivba ya Nungungulu.” Khu guralo, vathu va di vbulugisa Jonatane gu songwa.