1 Dzipfhumu 1:48 - Bhibhiliya Nya Guage

⁴⁸ Mufumeli a di ganela gambe, khuye: A na bongwe Pfhumu Nungungulu wa Israyeli, a dzinidego gukhuye maho yangu muhuno nyi wone uye a tshinyidzago vbagikhalotunu gwangu nya wufumu.”

1 Dzipfhumu 1:48 Iomraidhean Croise

Genesi 14:20

A na dhumiswe Nungungulu a khusegidego ngudzu, a gu ningidego tshivba nya gupale valala vago!” Abrama a di mu ninga gipandre nya likhumi nya silo satshavbo a nga si wuyisago nyaluphye.

2 Samuweli 24:3

Khavbo avbo, Jowabhi a di embela mufumeli, khuye: “Pfhumu Nungungulu wago a na engedzele vathu, gu wuyedzela lizana guvbindra olu, gasi maho ya mune wangu ma kodze gu va wona; aholu khu ginani mune wangu u nga gu vbwetago gu gira silo nya nga esi?”

2 Samuweli 7:12

Matshigu nya guvbanye gwago ma gu vbela, uya lala ni vavelegi vago, Eni nyi na emisa hwane gwago, mwanago oyu a na dugago khu mahembeni gwago, nyi na tiyisa mufumo waye.

1 Dzipfhumu 1:49

Na va pwide isoso, vatshavbo va nga bani va rambidwe khu Adhoniya va di tala khu hwanga va phalalega.

1 Dzipfhumu 2:4

Khu kharato,Pfhumu Nungungulu a na tadzisa magana a ganedego avbo gwangu, khuye: Sanana sago, sa gu vegedza dzindzila dzawe, va gimbila khu ndzila nya gululame mbeli gwangu, khu monyo wawe watshavbo ni hefemulo wawe watshavbo, gima kha gu na hamugega muthu wa nyumbani gwago, nya gute khale vbagikhalotunu gwangu nya wufumu wa na Israyeli.

1 Dzipfhumu 3:6

Solomoni a di hakha, khuye: “U girede wuhindzi nya wadi ga githumi gyago babe wangu, Dhavhidhe; kholu gimbide nago khu lisine ni gululama, ni monyo nya gurule mbeli gwago, u mu ningide wuhigo wago nya wukhongolo, khu gu mu ninga gyanana gi khadego vbagikhalotunu gwaye nya wufumu, kha nga u si wonago muhuno.

1 Dzipfhumu 8:20

Khu kharati, Pfhumu Nungungulu a di tadzisa magana yaye a nga bani na ganede; Eni nyi tshikedzide wulangani ga babe wangu Dhavhidhe, nyi khade vbagikhalotunu nya wufumu wa na Israyeli, kha nga idzo a ganedego khidzo Pfhumu Nungungulu; nyi vbahide nyumba yi lumbago Pfhumu Nungungulu wa Israyeli.

1 Dzikoronika 17:17

Ambari kharato, uwe Nungungulu, u si wonide nari sidugwana mahoni gwago; kholu, u ganede khu gale khu mahungu nya nyumba ya githumi gyago; gambe u nyi wonide kha nga khwatshi nyi moyo nya muthu a khusegidego, uwe Pfhumu Nungungulu.

1 Dzikoronika 29:10

Khavbo avbo, Dhavhidhe a di rungudza Nungungulu, na gu wonwa khu tshangano watshavbo, khuye: U na bongwe Uwe Pfhumu Nungungulu wa babe wathu Israyeli, khu gupindruga ni gupindruga!

1 Dzikoronika 29:20

Khavbo avbo, Dhavhidhe a di embela tshangano watshavbo, khuye: “Olu dhumisani Pfhumu Nungungulu wanu!” Khavbo avbo, tshangano watshavbo wu di dhumisa Pfhumu Nungungulu wa vababe vawe, va noga va thega khu dzikhovbe mbeli ga Pfhumu Nungungulu ni ga mufumeli.

Nehemiya 9:5

Aholu va na Levhi Jesuwa, Kadimiyeli, Bhani, Hasabhineya, Serebhiya, Bhani, Hodhiya, Sebhaniya ni Petaya va di ganela, khavo: “Khugani hi rungudza Pfhumu Nungungulu wathu, khu gupindruga kala gupindruga. Avo va di ganela, khavo: Li na bongwe lina lago li zundzegago, li kategidego ni guvbindra gudhumiswa gwatshavbo.”

Dzindzimo 145:2

Nyi na gu bonga matshigu yatshavbo; nyi rungudza lina lago kala gupindruga.

Dzindzimo 34:1

Nyi na rungudza Pfhumu Nungungulu gikhati gyatshavbo, Likana langu li na embelela wudhumo waye kala gupindruga.

Dzindzimo 41:13

A na bongwe Pfhumu Nungungulu wa Israyeli, gukhugela olu kala gupindruga! Amen ni amen!

Mavingu 17:6

Gihugu nya wufumu gya sikhosane, khu vatugulu, ni wudhumo wa sanana khu vavelegi.

Dhaniyeli 4:34

Gasi olu, eni Nabhukodhonosori, nyi ngu rungudza, nyi khusedza ni gu dhumisa Mufumeli nya dzindzadzi. Kholu mithumo yaye yatshavbo khya lisine, ni dzindzila dzaye dzi lulamide. Uye a na ni tshivba nya guthese vbavbatshi avo va dzi khusedzago.

Vaefeso 1:3

A na rungudzwe Nungungulu, Babe wa Pfhumu yathu Jesu Kristo, A hi kategisago khu makategwa yatshavbo ya Ndzadzini khu ga Kristo.

1 Pedro 1:3

A na rungudzwe Nungungulu, Babe wa Pfhumu yathu Jesu Kristo, khu lihaladzo laye nya likhongolo, a hi ningidego guvbanya nya guphya khu guwuga ga Pfhumu yathu Jesu Kristo khu ga vafudego. Khu guralo, myonyo yathu yi tade khu gutumba nya guvbanye.

1 Samuweli 25:32

Khavbo avbo, Dhavhidhe a di embela Abhigayili, khuye: “A na bongwe Pfhumu Nungungulu wa Israyeli, a gu rumedego muhuno gu nyi khinga.