1 Dzipfhumu 1:47 - Bhibhiliya Nya Guage

⁴⁷ Ambari ni dzindruna dza mufumeli, dzi dzude dzi ta losa mune wathu, mufumeli Dhavhidhe, dzi mu embela, khidzo: “Nungungulu wago a na gire lina la Solomoni li pwala ndruma guvbindra lina lago, ni mufumo waye wu na andre guvbindra uwo wago. Khavbo avbo, mufumeli a di noga vbadawutunu gwaye.

1 Dzipfhumu 1:47 Iomraidhean Croise

Genesi 47:31

Khavbo avbo, Jakobe a di simamisa a ganela, khuye: “Sambanya nyi gupwa.” Josefa a di sambanya, Israyeli a di noga a khozela vbagikhuledzotunu nya lidawu laye.

2 Samuweli 21:3

Dhavhidhe a di embela va na Gibheyoni, khuye: “Mwa gu vbweta gukhenu nyi mi girela ginani? Nyi mi tsakisa khu ginani gasi mu kategisani thomba ya Pfhumu Nungungulu.”

2 Samuweli 8:10

a di rumela mwanaye Joramo, guya mu losedzela ni gu mu zundza, kholu a nga dwana ni Hadhadhezeri a mu pala, (kholu Hadhadhezeri, a di gu tala gu dwanisa Toyi). Joramo a dita ni sombo nya ndralama, parata ni sugu.

1 Dzipfhumu 1:37

Kha nga olu Pfhumu Nungungulu a nga bani nari ni mufumeli, mune wangu, uye a na khale gambe ni Solomoni gasi uye a mane mufumo nya wudhumo, guvbindra mufumo wa mune wangu, Dhavhidhe.”

Ezira 6:10

va fela gu ningela ga Nungungulu a guromo ndzadzini miphaselo nya mahema nya gunungele; ni gu va lombelela khu womi wa mufumeli ni wa sanana saye.

Ekisodha 12:32

Dzegani gambe dzinvuta dzanu ni mitshambi yanu nya dzimombe, kha nga mu lombidego mu duga! Indrani mu ya nyi kategisa neni.”

Luka 19:38

khavo: “A na rungudzwe Mufumeli atago khu lina la Pfhumu! Gurula Ndzadzini, ni gidhumo ga Nungungulu!”

Vahebheru 11:21

Khu gukhodwa, Jakobe, marandra nya guhadza gufa, a di kategisa moyo khu moyo, sanana sa Josefe, a gu khozela Nungungulu na tshigamede vbandrongatunu gwaye.