1 Dzipfhumu 1:40 - Bhibhiliya Nya Guage

⁴⁰ Vathu vatshavbo va di mu landrela khu hwane, na va gu womba misengele va tsaka khu gunengela ngudzu, ni litigo li di nyenganyenga khu ligwaha lawe.

1 Dzipfhumu 1:40 Iomraidhean Croise

1 Dzipfhumu 1:39

Muphasi nya mhamba, Sadhoki, a di bela tshatshani aya dzega kheho nya mafura a todza Solomoni. Khu hwane va di womba pundru, vathu vatshavbo va di ganela, khavo: “A na vbanye mufumeli Solomoni.”

1 Dzipfhumu 1:41

Adhoniya ni vathu vaye vatshavbo a nga bani na va rambide, na va vbedzide guhodza, va dipwa ligwaha nya gunengele gogo. Jowabhi nuye na pwide ligwaha nya pundru, a di wudzisa, khuye: “Khya ginani ligwaha leli ni nyenganyenga yeyi dhoropani?”

1 Dzipfhumu 1:45

Muphasi nya mhamba Sadhoki, ni muprofeti Natani, va mu todzide hungoni khu mafura gifefeni gya Gidheyoni. Va khuga khiyoyo va gwela dhoropani na va tsakide, lidhoropa lomo khu nyenganyenga, khilo ligwaha u li pwidego.

2 Dzipfhumu 11:14

A di khedza a wona mufumeli nari vbafuvbi ni lidingo kha nga giolovedzo, vathangeli ni vawombi nya mipundru va diri ni mufumeli, vathu vatshavbo va tigoni va di tsakide va womba mipundru; khavbo avbo, Ataliya a di pferula dzingandzu dzaye, a womba huwa, khuye: “Wuwugeli! Wuwugeli!”

2 Dzipfhumu 11:20

Vathu vatshavbo va tigoni va di nengela ni lidhoropa li di rula, Ataliya va di mu songa khu litshari vbafuvbi ni nyumba ya mufumeli.

Dzindzimo 97:1

Pfhumu Nungungulu a ngu fuma. Li na kulungele litigo, gu na nengele talo nya sidwa.

Dhaniyeli 3:5

Avbo mu na pwago gudzuma nya pundru, ni tsholi, ni gitendre, ni gitoliyo, ni tandrandra, ni hwambi, ni sengele ni satshavbo siwombawomba si ningago wutsendze, mu fanede gu khidzima mu khozela gifananiso nya ndralama gi emisidwego khu mufumeli Nabhukodhonosori.

Zakariya 9:9

Nengela ngudzu uwe nyamahegyane wa Siyoni; womba kulungwane nya gutsake uwe nyamahegyane wa Jerusalema; wona, Mufumeli wago a nguta gwago, uye a lulamide gambe Muvbanyisi, gisiwana, a nguta na khilede buru, avbo nya giburwana, gyanana nya buru nya ngadzi.

Luka 19:37

Gikhati va nga vbohago releloni nya gigomo nya Miolivha, vapizane vaye vatshavbo va di phela gu womba mikulungwane, va rungudza Nungungulu khu siliwugiso satshavbo va nga si wonago,

1 Samuweli 11:15

Vathu vatshavbo va tigoni va di hongola Giligali, iyo va ngaya emisa mufumeli wawe Sawule, mbeli ga Pfhumu Nungungulu, va di ningela miphaso nya gurule ga Pfhumu Nungungulu; Sawule a di nengela ngudzu gumogo ni vatshavbo va na Israyeli.

1 Samuweli 4:5

Avbo Ngasa nya gidzumeledzwano ya Pfhumu Nungungulu yi nga vbohago vbalizumbotunu, vatshavbo va na Israyeli va di womba mikulungwane nya yikhongolo khu litsako, gu nga ndrendremelago ni mafu.