1 Dzipfhumu 1:37 - Bhibhiliya Nya Guage

³⁷ Kha nga olu Pfhumu Nungungulu a nga bani nari ni mufumeli, mune wangu, uye a na khale gambe ni Solomoni gasi uye a mane mufumo nya wudhumo, guvbindra mufumo wa mune wangu, Dhavhidhe.”

1 Dzipfhumu 1:37 Iomraidhean Croise

2 Samuweli 24:3

Khavbo avbo, Jowabhi a di embela mufumeli, khuye: “Pfhumu Nungungulu wago a na engedzele vathu, gu wuyedzela lizana guvbindra olu, gasi maho ya mune wangu ma kodze gu va wona; aholu khu ginani mune wangu u nga gu vbwetago gu gira silo nya nga esi?”

1 Dzipfhumu 1:36

Khavbo avbo, Bhenaya, mwamana wa Joyadha, a di hakha, khuye: “Si na girege kharato! Pfhumu Nungungulu wa mufumeli, mune wangu, a na si tiyise.

1 Dzipfhumu 1:47

Ambari ni dzindruna dza mufumeli, dzi dzude dzi ta losa mune wathu, mufumeli Dhavhidhe, dzi mu embela, khidzo: “Nungungulu wago a na gire lina la Solomoni li pwala ndruma guvbindra lina lago, ni mufumo waye wu na andre guvbindra uwo wago. Khavbo avbo, mufumeli a di noga vbadawutunu gwaye.

2 Dzipfhumu 2:9

Hwane nya gu bani va tshatugide, Eliya a di embela Elizewu, khuye: “Nyi lombe igyo u gi vbwetago, gasi nyi gu girela olu na nyi si gu duswi avbo gwago.” Elizewu a di mu embela, khuye: “Nya gu vbweta gukheni nyi mana giningwa nya liphuvbo lago gi wuyedzedwago khu guvili.”

1 Dzikoronika 28:20

Dhavhidhe a di embela mwanaye Solomoni, khuye: “Tiya longo u nga thavi gilo ni gu pilega hwambo, phara thumo; kholu Pfhumu Nungungulu wangu, a na bani ari nago, gima kha na nga gu diga ambari gu gu divala, kala u vbedza thumo watshavbo nya guvbahe Nyumba ya Pfhumu Nungungulu.

1 Dzikoronika 29:25

Pfhumu Nungungulu a di khusedza ngudzu Solomoni vbakari ga va na Israyeli vatshavbo, a dandrisa wufumu waye guvbindra vafumeli vatshavbo va fumedego Israyeli na si gu fumi uye.

2 Dzikoronika 1:1

Solomoni mwamana wa Dhavhidhe, a di tiyisa wufumu waye, Pfhumu Nungungulu waye, a diri ni uye a mu khusedza ngudzu.

Dzindzimo 46:11

Pfhumu Nungungulu nya Tshivba Yatshavbo womo vbakari gwathu; Nungungulu wa Jakobe khuye wuthavelo wathu.

Dzindzimo 46:7

Pfhumu Nungungulu nya Tshivba Yatshavbo womo vbakari gwathu; Nungungulu wa Jakobe khuye wuthavelo wathu.

Dzindzimo 72:8

Mufumo waye wu na khugele linene kala linene, gukhugela tsongoni wa Ewufrate, kala mahegiso nya litigo.

Dzindzimo 89:27

Eni nyi na mu phara kha nga gyanana gyangu nya matiwula, nyi mu khusedza vbatshani ga vafumeli nya litigo.

Ekisodha 3:12

Nungungulu a di mu hakha, khuye: “Khu lisine eni nyi na bani nyiri nago. Egi khu giwonegiso nya gupwani kheni nyi gu rumelago; hwane nya gu bani nu duside vathu vangu khu tigoni ga Egipito, mu nata khozela Nungungulu gigomoni momu.”

Isaya 8:10

Ambari mwa gu hungani gikungo, gi na pfhungumudwa, ambari mwa gu lugani mano, kha mu na dugelela, kholu Nungungulu a na ni ethu.

Dhaniyeli 7:14

Va di mu ninga gufuma, wudhumo ni mufumo, gasi mayigo ni vathu nya malimi yatshavbo va mu thumela. Wufumu waye khwa gu kala gupindruga, wu mwalo mahegiso, mufumo waye gima mwalo a na gu wu dzegago.

Matewu 1:23

“Dzitini nya gukhenu gyagadzyana nya mbiri gi na khura mimba, gi velega gyanana nya gikhwathana gi na ranwago gupwani khigyo Emanuweli” (gu tshamusago, gupwani: “Nungungulu womo vbakari gwathu.”)

Varoma 8:31

Hi na khethu ginani khu silo sesi? Nungungulu a gu ema ni ethu, khu mani a na hi wugelago?

Josuwa 1:17

Hi na gu yingisa ga silo satshavbo, kha nga idzo hi giridego khidzo ga Mosi. Igyo hi gi vbwetago basi khu gukhethu Pfhumu Nungungulu wago a na khale ni uwe, kha nga idzo a khadego khidzo ni Mosi.

Josuwa 1:5

Matshigu yatshavbo nya guvbanye gwago mwalo a na tiyago gu ema mbeli gwago; kha nga idzo nyi giridego ga Mosi, nyi na gira gambe kharato avbo gwago; gima kha nyi na gu diga, ambari gu gu tshiya hwane.

1 Samuweli 20:13

Babe wangu a gu vbweta gu gu girela guvivba, eni nyi si gu tivisi, nyi si gu digi u hongola khu gurula, Pfhumu Nungungulu a na nyi tsayise khu tshivba ni tshivba. Pfhumu Nungungulu a na khale ni uwe kha nga idzo a khadego khidzo ni babe wangu.