1 Dzipfhumu 1:34 - Bhibhiliya Nya Guage

³⁴ Iyoyo, muphasi nya mhamba Sadhoki, ni muprofeti Natani, va naya mu todza khu mafura a khala mufumeli wa na Israyeli. Khavbo avbo, mu na womba pundru mu ganela, khenu: A na vbanye mufumeli Solomoni!

1 Dzipfhumu 1:34 Iomraidhean Croise

2 Samuweli 15:10

Abhisalamo a di rumela myango yi ya lembedza mahundzu yatshavbo ya na Israyeli, a va embela, khuye: “Mwa gupwani gudzuma nya pundru, mu na ganelani, khenu: Abhisalamo fumide Hebroni!”

2 Samuweli 2:4

Khavbo avbo, vama va na Judha, va di hongola iyoyo vaya todza Dhavhidhe, gu khala mufumeli wa Judha. Khu guralo, va di embela Dhavhidhe gukhavo vathu va Jabhesi-Gileyadhi khavo va nga dzingago Sawule.

2 Samuweli 5:3

Khu guralo, ma dita Hebroni ga mufumeli, madhota yatshavbo ya na Israyeli; Dhavhidhe a di gira navo gidzumeledzwano mbeli ga Pfhumu Nungungulu dhoropani ga Hebroni; va todza Dhavhidhe khu mafura, gu khala mufumeli wa Israyeli.

1 Dzipfhumu 1:25

Kholu uye muhuno relede aya ningela miphaso a paya dzimombe ni simombyana nya gunone, ni dzinvuta nya gutale. Rambide satshavbo sanana sa mufumeli, ni vathangeli nya masotshwa, ni muphasi nya mhamba Abhiyatari, olu va gu hodza, va sela gumogo naye na va gu ganela, khavo: A na vbanye mufumeli Adhoniya!

1 Dzipfhumu 1:35

Khu hwane, deluni naye, uye a na ta khala vbagikhalotunu gwangu nya wufumu, uye a na fuma wulangani gwangu. Eni nyi ngu mu emisa gu a fumela Israyeli ni Judha.”

1 Dzipfhumu 1:39

Muphasi nya mhamba, Sadhoki, a di bela tshatshani aya dzega kheho nya mafura a todza Solomoni. Khu hwane va di womba pundru, vathu vatshavbo va di ganela, khavo: “A na vbanye mufumeli Solomoni.”

1 Dzipfhumu 19:16

Todza gambe Jewu, mwamana wa Nisi, a khala mufumeli wa Israyeli, ni Elizewu mwamana wa Safati, wa Abheli-Meyola, a khala muprofeti wulangani gwago.

2 Dzipfhumu 11:12

Khavbo avbo, Joyadha a di dusa mwamana wa mufumeli a mu ambagisa gihugu nya wufumu, a mu ninga Libhuku nya nayo; va mu todza gu khala mufumeli, va khwakhwata mandza, khavo: “A na vbanye mufumeli!”

2 Dzipfhumu 11:14

A di khedza a wona mufumeli nari vbafuvbi ni lidingo kha nga giolovedzo, vathangeli ni vawombi nya mipundru va diri ni mufumeli, vathu vatshavbo va tigoni va di tsakide va womba mipundru; khavbo avbo, Ataliya a di pferula dzingandzu dzaye, a womba huwa, khuye: “Wuwugeli! Wuwugeli!”

2 Dzipfhumu 9:13

Khavbo avbo, va di dzegela gu; muthu ni muthu a dusa mwendra waye a wu ladza vbavbatshi nya migondro yaye gasi gu gira sigandro, va womba pundru va huwelela, khavo: “Jewu a ngu fuma!”

2 Dzipfhumu 9:3

U na dzega kheho nya mafura, u ma guhula hungoni gwaye, u ganela kharati, khuwe: Pfhumu Nungungulu a ngu ganela, kharati: Eni nyi ngu gu todza gu khala mufumeli wa Israyeli. Khavbo avbo, u na tula lidimba u tutuma, u nga hweli.”

2 Dzipfhumu 9:6

Khavbo avbo, Jewu a di khuga a bela nyumbani, lidzaha li di mu guhulela mafura hungoni gwaye, li mu embela, khilo: “Pfhumu Nungungulu wa Israyeli a ngu ganela, kharati: Eni nyi ngu gu todza gu khala mufumeli wa vathu va Pfhumu Nungungulu ni wa Israyeli.

2 Dzikoronika 23:11

Khavbo avbo, va di dusa vbavbandze mwamana wa mufumeli, va mu ambagisa gihugu nya wufumu, va mu ninga libhuku nya gidzumeledzwano ni gu mu wumbela gu khala mufumeli; muphasi nya mhamba Joyadha gumogo ni sanana saye va di mu todza khu mafura, va laledza, khavo: “A na vbanye mufumeli.”

Dzindzimo 45:7

U ngu gola gululama, u nyenya guvivba; khigyo gi nga girago Nungungulu wago a gu todza khu mafura nya gunengele, guvbindra vatshavbo u palisanago navo.

Dzindzimo 89:20

Nyi mane githumi gyangu Dhavhidhe; nyi mu todzide hungoni khu mafura yangu nya gukatege.

Dzindzimo 89:36

Situgulwana saye si na vbanya kala gupindruga, gikhalo nya wufumu waye gi na simama mbeli gwangu kha nga lidambo,

Isaya 45:1

Pfhumu Nungungulu a ngu ganela ga Kiro, a mu todzidego khu mafura, uye a mu pharide khu libogo laye la nyamudye, a mu ninga tshivba gasi a pala mayigo mbeli gwaye, nyi na thela hwanga vafumeli gasi va tule malimba nya lidhoropa, nyamba segwa gambe.

Mithumo 10:38

Nungungulu a di tadza khu tshivba nya Liphuvbo nya Guage Jesu wa Nazareta uye a nga gimbilago malangani yatshavbo, na gu gira silo nya sadi ni gu hawulugisa vathu vatshavbo va nga bani va gu saniswa khu Sathane, kholu Nungungulu a diri ni uye.

1 Samuweli 10:1

Samuweli a di dzega gigasi nya mafura, a ma guhula hungoni ga Sawule, a mu bhejari a mu embela, khuye: “Pfhumu Nungungulu a gu todzide khu mafura gasi gu khala muthangeli vbakari nya thomba yaye, vathu va Israyeli!

1 Samuweli 10:24

Khavbo avbo, Samuweli a di embela vathu vatshavbo, khuye: Mu ngu mu wonani uye a hathidwego khu Pfhumu Nungungulu, gani? Kholu ga vathu vatshavbo mwalo a fananago naye. Khavbo avbo, vathu vatshavbo va di kulungela khu gutsaka, khavo: “A na vbanye mufumeli!”

1 Samuweli 16:3

U na ramba Jese u hongola naye phasotunu; eni nyi na gu yeyedza iso u yelago guya gira, u naya nyi todzela wule nyi na gu yeyedzago.”