1 Dzipfhumu 1:25 - Bhibhiliya Nya Guage

²⁵ Kholu uye muhuno relede aya ningela miphaso a paya dzimombe ni simombyana nya gunone, ni dzinvuta nya gutale. Rambide satshavbo sanana sa mufumeli, ni vathangeli nya masotshwa, ni muphasi nya mhamba Abhiyatari, olu va gu hodza, va sela gumogo naye na va gu ganela, khavo: A na vbanye mufumeli Adhoniya!

1 Dzipfhumu 1:25 Iomraidhean Croise

2 Samuweli 16:16

Husayi, Muaraki, pari ya Dhavhidhe a diya dzi wonegisa ga Abhisalamo, a mu embela, khuye: “Vbanya mufumeli, vbanya mufumeli!”

1 Dzipfhumu 1:19

Uye duside miphaso a songa dzimombe, ni simombyana nya gunone, ni dzinvuta nya gutale, a ramba satshavbo sanana sa mufumeli, ni muphasi nya mhamba Abhiyatari, ni muthangeli nya nyimbi Jowabhi; aholu githumi gyago Solomoni, kha gi ramba.

1 Dzipfhumu 1:24

Natani a di ganela, khuye: “Uwe mufumeli, mune wangu, Ina u ganede uwe, khuwe: Adhoniya khuye a na gu khalago a fuma vbagikhalotunu gwago nya wufumu hwane gwago, gani?

1 Dzipfhumu 1:34

Iyoyo, muphasi nya mhamba Sadhoki, ni muprofeti Natani, va naya mu todza khu mafura a khala mufumeli wa na Israyeli. Khavbo avbo, mu na womba pundru mu ganela, khenu: A na vbanye mufumeli Solomoni!

1 Dzipfhumu 1:39

Muphasi nya mhamba, Sadhoki, a di bela tshatshani aya dzega kheho nya mafura a todza Solomoni. Khu hwane va di womba pundru, vathu vatshavbo va di ganela, khavo: “A na vbanye mufumeli Solomoni.”

1 Dzipfhumu 1:9

Adhoniya a di songa dzinvuta, dzimombe ni simombyana a gira miphaso vbafuvbi nya giwindri gya Zoweleti, gi guromo vbafuvbi ni nambo wa Rogeli; a ramba vandriyaye vatshavbo, sanana sa mufumeli, ni vathu vatshavbo va Judha, va nga bani vari sithumi sa mufumeli.

1 Dzipfhumu 2:15

Uye a di ganela, khuye: “Uwe u ngu dziti gwadi gukhuwe wufumu a diri wangu. Va na Israyeli vatshavbo va di gu khevisela eni, gukhavo kheni nyi na gu fumago. Ambari olu wufumu wu nga ndreyago wu ya ga ndriyangu, wu khade waye kholu Pfhumu Nungungulu dzinide gu mu ninga.

2 Dzipfhumu 11:12

Khavbo avbo, Joyadha a di dusa mwamana wa mufumeli a mu ambagisa gihugu nya wufumu, a mu ninga Libhuku nya nayo; va mu todza gu khala mufumeli, va khwakhwata mandza, khavo: “A na vbanye mufumeli!”

2 Dzipfhumu 11:14

A di khedza a wona mufumeli nari vbafuvbi ni lidingo kha nga giolovedzo, vathangeli ni vawombi nya mipundru va diri ni mufumeli, vathu vatshavbo va tigoni va di tsakide va womba mipundru; khavbo avbo, Ataliya a di pferula dzingandzu dzaye, a womba huwa, khuye: “Wuwugeli! Wuwugeli!”

2 Dzipfhumu 9:13

Khavbo avbo, va di dzegela gu; muthu ni muthu a dusa mwendra waye a wu ladza vbavbatshi nya migondro yaye gasi gu gira sigandro, va womba pundru va huwelela, khavo: “Jewu a ngu fuma!”

1 Dzikoronika 29:13

Khu guralo, olu Uwe Nungungulu wathu, ethu hi ngu gu bonga ni gu rungudza lina lago nya wudhumo.

1 Dzikoronika 29:21

Khu litshigu li landrelago, va di phasela ga Pfhumu Nungungulu miphaselo nya gubonge ni miphaselo nya guvbiswe, khu likhumi mazana (1.000) dzimombe, likhumi mazana (1.000) dzinvuta, likhumi mazana (1.000) dzihamba ni miningelo nya wadwa, ni yimbe miphaselo nya yingi khu vatshavbo va na Israyeli.

2 Dzikoronika 23:11

Khavbo avbo, va di dusa vbavbandze mwamana wa mufumeli, va mu ambagisa gihugu nya wufumu, va mu ninga libhuku nya gidzumeledzwano ni gu mu wumbela gu khala mufumeli; muphasi nya mhamba Joyadha gumogo ni sanana saye va di mu todza khu mafura, va laledza, khavo: “A na vbanye mufumeli.”

Matewu 21:9

Avo va nga bani va thangide mbeli navo va nga bani va guta khu hwane, vatshavbo va di mu kulungela, khavo: “Hosana ga Mwamana wa Dhavhidhe! A na rungudzwe uye a tago linani la Pfhumu! Hosana vbatshani Ndzadzini!”

Matewu 22:4

A di ruma nyaluphye simbe sithumi, a si embela, khuye: ‘Indrani muya va tivisa, khenu: Guhodza gu vidzidwe; nyi songetede dzimombe dzangu ni sifuyo nya gunone; satshavbo si dongisedwe. Deluni buzotunu.’

Luka 19:38

khavo: “A na rungudzwe Mufumeli atago khu lina la Pfhumu! Gurula Ndzadzini, ni gidhumo ga Nungungulu!”

1 Samuweli 10:24

Khavbo avbo, Samuweli a di embela vathu vatshavbo, khuye: Mu ngu mu wonani uye a hathidwego khu Pfhumu Nungungulu, gani? Kholu ga vathu vatshavbo mwalo a fananago naye. Khavbo avbo, vathu vatshavbo va di kulungela khu gutsaka, khavo: “A na vbanye mufumeli!”