1 Dzipfhumu 1:2 - Bhibhiliya Nya Guage

² Khavbo avbo, sithumi saye si di ganela, khiso: “Vbwetelani mufumeli, mune wathu, nyamahegyane nya likendzi, a ta khala vbafuvbi ga mufumeli, afela gu mu sayisa, a lala vbakhanatunu gwaye, gasi uye a mane gufurumela.”

1 Dzipfhumu 1:2 Iomraidhean Croise

Genesi 16:5

Sarayi a di embela Abrama, khuye: “Dzitshoni nyi thedwago khu kotani yago dzi na thegela uwe. Eni nyi gu ningide githumi gyangu gu khala mwangadzi wago, olu gi dzipwago na giri ni mimba gya gu nyi nyenya. Pfhumu Nungungulu a na hi lamule ethu ha vavili, uwe ni eni!”

2 Samuweli 12:3

aholu oyu nya gisiwana ginvutana gimwegyo basi, a nga gi rengago a gi fuya, gi dandra ndrangani gwaye gumogo ni sanana saye; gi di hodza ni gu sela khu khokho ya mune waye ni gu lala nyumbani ga mune waye, gi gira gukhwatshi gyanana gyaye nya gyagadzyana.

1 Dzipfhumu 1:1

Avbo Dhavhidhe, a nga bani a gumbide ngudzu, nari ni matshigu nya gutale, va di mu fenengedza khu myendra, aholu uye a di si furumeli.

1 Dzipfhumu 1:3

Va di vbweta nyamahegyane nya gumbure tigoni gwatshavbo gwa Israyeli, vaya mana Abhisagi, nya Musumani, va mu resa ga mufumeli.

2 Dzikoronika 29:11

Gasi olu, vanavangu, mu nga khali mihuni; kholu Pfhumu Nungungulu a mi hathide gasi gu khala mbeli gwaye, mu mu thumela, ni gu khala vathumegeli vaye ni gu vbisani libani.

Muhevbudzi 4:11

Avo gambe, va gu lala na vari vavili va na furumedzana; aholu a gu bani nari moyo, a na kodza kharini gu dzi furumedza?

Mikeya 7:5

Mu nga vegi gitumbo gyanu ga dzipari, ni gu tumba ga valongo, ambari ni wule u mi gumbarelago; vegedza gwadi malito ma dugago khu kanani gwago.

Dhewuteronome 10:8

Khu gikhati gyogyo gya gimwegyo, Pfhumu Nungungulu, a di hatha lihundzu la na Levhi gasi li rwala Ngasa nya Gidzumeledzwano gya Pfhumu Nungungulu, gasi va manega mbeli ga Pfhumu Nungungulu, va mu thumela ni gu kategisa vathu khu lina laye kala na muhuno.

Dhewuteronome 13:6

Ndriyago, u velegidwego naye khu mayi moyo, mwendro gyanana gyago nya mwama mwendro nya nyamayi, mwendro mwangadzi wago nya gu mu haladze, mwendro pari yago nya gu yi gole kha nga hefemulo wago, a gu ganela khu gisihaledza, khuye: Hongole hi khozela vambe vanungungulu, avo uwe u ngamba vati, ambari vababe vago,