Valamuli 9:15 - Bhibhiliya Nya Guage

¹⁵ Munga wu di phindrula misimbo khuwo: A gu bani nari lisine gu nyi emisani nyi khala mufumeli wanu, deluni mu thavela vbavbatshi nya mutsa wangu; sa gumba gira kharato, wu na duge nilo khu mungani wu dagaredzisa misimbo yatshavbo ya Libhanoni.

Valamuli 9:15 Iomraidhean Croise

2 Dzipfhumu 14:9

Aholu Jeyowasi, mufumeli wa Israyeli a di rumela mwango ga Amaziya, mufumeli wa Judha, khuye: “Muba wu guromo Libhanoni, wu rumede sedhari wu guromo Libhanoni, khuwo: Ningela nyamahegyane wago a khala mwangadzi wa gyanana gyangu; aholu sirengo si nga bani si romo khabini si di vbindra si gandra muba.

Dzindzimo 104:16

Misimbo ya Pfhumu Nungungulu yi khuride, misimbo nya sedhari ya Libhanoni a nga yalago Pfhumu Nungungulu,

Dzindzimo 29:5

Lito la Pfhumu Nungungulu li ngu thesa misimbo nya sedhari, Pfhumu Nungungulu a ngu thesa misedhari ya Libhanoni,

Isaya 1:31

Muthu nya tshivba a na fanana ni mavivi, ni thumo waye, wu na khala kha nga tshahe nya nilo; vatshavbo va na vbiswa gumogo va hamuga ni muthu nya gu va tshimele.

Isaya 2:13

ni ga misimbo yatshavbo nya gulaphe ngudzu nya misena ya Libhanoni, ni miguhu yatshavbo ya tigoni ga Bhasani;

Isaya 30:2

Va belago ndzilani va hongola tigoni ga Egipito nyamba nyi wudzisa, vaya vbweta guvhikedwa khu tshivba ya Faro, ni gu sihala mutsani ga Egipito!

Isaya 37:24

Khu magana ya sithumi sago, u vade Pfhumu, khuwe: Khu gutala nya dzikareta dzangu nyi gwede dzitshokhani nya sigomo, ni dzibambe dza Libhanoni; nyi pilela ni misimbo yawe nya gulaphe nya misena, ni misimbo nya wumburi nya mikiperesi u yi hathedego, nyi na vboha kala dzitshokhani gwaye nya gigomo, ni khabini gwaye nya gunone.

Gililo 4:20

Gihathwa gya Pfhumu Nungungulu uye a gu muvbanyisi wathu, modwe a thegela mavbalani gwawe; uye hi nga bani hi ganela gwaye khethu: “Hi na sihala mutsani nya dzimbapi dzaye, vbakari ga va nya mayigo.” Sini

Ezekiyeli 19:14

Khumo nya lihale limwedo nya matamo yaye, gu di duga nilo wu vbisa mihandro yaye, gwaye kha gwa tshala ni litamo limwedo nya gutiye; li gu ilo li yelago gu gira ndronga ya mufumeli. Igyogyo khigyo gililo, gi na khala nga gililo kala nolu.”

Ezekiyeli 31:3

Wonani gukheni Asiriya a diri sena wa Libhanoni, nya matamo nya gumbure, nya mahagane nya yadi ma ningago mutsa, ni tshina nya gulaphe, dzitshoka dzago dzi di vboha kala mapfhini.

Dhaniyeli 4:12

Mahagane yaye ma di mburide, na wuri ni mihandro nya yingi, vathu vatshavbo va di mana umomo guhodza; sirengo nya likhabi si di zumba mutsani gwaye, ni sinyoni sa damboni si di vbaha umomo sihaga sawe, sivangwa satshavbo nya guvbanye si di hodziswa khuwo.

Hoseya 14:7

Avo va khalago mutsani gwaye, va na wuya, va wusedzwa nga tirigu, va rumbuga nga mihandro nya lithembwe nya vhinya; ndruma ya Israyeli yi na fanana ni vhinya ya Libhanoni.

Mitengo 21:28

Khaguva nilo wu dugede Hesibhoni, ni luvbya khu lidhoropani ga Seyoni li di mbembisa Ari ni Mowabhi, ni vamune nya sigomwana sa Herimoni!

Matewu 13:32

Iyo yi dugwana guvbindra dzimbewu dzatshavbo, aholu, na yi dandride, yi ngu vbindra mitongwe yatshavbo ya thembweni, yi gu khala simbo nya khongolo, wu thela matamo, sinyoni sa damboni si tago sita vbahela umo sihaga sawe.”

Valamuli 9:14

Khu guhegisa misimbo yatshavbo yi di embela munga, khiyo: Delu uwe u ta hi fumela.

Valamuli 9:16

Khu guralo, mwa gu bani mu giride gwadi khu gu emisa Abhimeleki a khala mufumeli, ni gu bani mu giride gambe gwadi ga Jerubhahali gumogo ni nyumba yaye, gu mu bweledzelani khu fanelo nya mithumo ya mandza yaye,

Valamuli 9:20

Aholu a gu bani na siri kharato, gu na duge nilo khavbo ga Abhimeleki wu na gumbembisago vatshavbo vavbanyi va Bheti-Milo, wu mbembisa gambe ni Abhimeleki.

Valamuli 9:44

Khavbo avbo, Abhimeleki ni tsawa a nga bani ari nawo, va di tutuma vaya ema vbanyangwatunu nya lidhoropa; mimbe mitsawa nya masotshwa yi di lundra avo va nga bani vari khabini vaya va sasela.

Valamuli 9:49

Khu guralo, vathu vatshavbo va di gira navo nga uye, muthu ni muthu a dzi pilela litamo laye, va landra Abhimeleki, kala vaya wungedzela matamo vbalikhokholatunu va li vbisa; avbo gu nga vbyago vatshavbo va nga bani va romo umo nya langwe ya Sikemi, vafa gipimo nya likhumi mazana (1.000) vama ni vanyamayi.