Valamuli 8:10 - Bhibhiliya Nya Guage

¹⁰ Zebha ni Zalimuna va diromo tigoni gwa Karikori, na vari ni gipimo nya likhumi na livbandre magumi mazana (15.000) masotshwa. Vatshavbo vava va diri mitshaledwa nya masotshwa nya vathu va nga bani va gu dugela Khugadambo; kholu lizana ni magumavili magumi mazana (120.000) vama va kodzago gu thumisa matshari va di songidwe.

Valamuli 8:10 Iomraidhean Croise

2 Dzipfhumu 3:26

Avbo mufumeli wa Mowabhi a nga wona nya gukhuye a ngu padwa, a di dzega livbandre na mavili mazana (700) vama nya gu bani va somide matshari va duga va tutuma vaya ga mufumeli wa Edhomi, aholu avo va di tandrega.

2 Dzikoronika 13:17

Abhiya ni vathu vaye, va di songa vathu nya gutale ngudzu va na Israyeli, gu thega khu gumogo tengo nya livbandre mazana magumi mazana (500.000) vama nya guhathwe.

2 Dzikoronika 28:6

Kholu Peka, mwamana wa Remaliya, a di songa khu litshigu limwedo basi, lizana ni magumavili magumi mazana (120.000) vama nya tshivba, kholu va nga hambanago ni Pfhumu Nungungulu wa vababe vawe.

2 Dzikoronika 28:8

Va na Israyeli va di mola mazana mavili magumi mazana (200.000) vama nya vandriyawe nya Vajudha, vbakari gwawe gu diri ni vanyamayi, madzaha ni dzimbiri, va va gira dzikhumbi; bwelo khavbo va phanga sombo nya singi va si resa Samariya.

Isaya 37:36

Khavbo avbo, Ngilozi ya Pfhumu Nungungulu yi diya sasela lizumbo la Vaasiriya, yi songa lizana ni livbandre na mararu magumi ni livbandre magumi (185000) mazana vathu; avbo vambe va nga wugago ni dzimindru, va dita va mana nari sirumbi.

Isaya 9:4

Kholu u fanyide kanga wu nga bani wu gu va lemela, ni lipitso li nga bani li va bayisa magata, ni ndronga ya mutshanisi wawe, u si fanyeledzede gukhwatshi wa gu fanya tshivba ya Vamedhiyani.

Valamuli 20:15

Khu litshigu lolo, gu di sayedwa va na Bhejami nya gudugele madhoropani, gu duga tengo nya magumavili na livbandre na limwedo magumi mazana vama (26.000) avo nya gu kodze gu soma matshari, vbavbandze ga vavbanyi va Gibheya, gu di duga tengo nya livbandre na mavili mazana (700) vama nya dzindrena.

Valamuli 20:17

Va na Israyeli vbavbandze nya lihundzu la Bhejami, va di sayela vama vawe, va mana tengo nya mazana mana magumi (400.000) mazana nya gusome matshari vatshavbo nya gukodze gu dwana nyimbi.

Valamuli 20:2

Gu di manega vathangeli vatshavbo nya mahundzu ya Israyeli, va manega tshanganoni wa vathu va Pfhumu Nungungulu; tengo wawe wu diri magumana magumi mazana (400.000) vama nya gugimbile khu mawundru na va somide matshari.

Valamuli 20:25

Va na Bhejami navo va di duga khu Gibheya, khu litshigu nya wuvili va va khinga, va thesa gambe vbavbatshi likhumi na livbandre na mararu magumi mazana vama (18.000) vatshavbo nya gu bani va somide matshari.

Valamuli 20:35

Pfhumu Nungungulu a di sasela va na Bhejami mbeli ga Israyeli, khu litshigu lolo, va na Israyeli va songide magumavili na livbandre magumi mazana ni lizana limwedo (25.100) vama va na Bhejami, vatshavbo nya gu some matshari.

Valamuli 20:46

Khu litshigu lolo, va fude magumavili na livbandre magumi mazana (25.000) vama nya dzindrena dza na Bhejami, vale va nga bani va gu kodza gu dwana khu matshari.

Valamuli 6:5

Kholu avo va dita ni sifuyo sawe gumogo ni mitshatsha yawe; avo gumogo ni dzingameriya dzawe, va diri vangi ngudzu kha nga dzimbera nya gutale nyambana tengo; va dita gasi guta khungumula litigo.

Valamuli 7:12

Vamedhiyani, Vaamaleki gumogo ni vatshavbo va Khugadambo, va di mbambamede kovani nga mbasa nya gutale; ni dzingameriya dzawe dzi diri dzingi nga fungu wa phwani, nyamba kodza gu sayedwa khu muthu.

Valamuli 7:13

Avbo a nga vboha, Gidhiyoni a dipwa mwama moyo a nga bani na gu embeledzela moyo wa na gyawe ndroro na gukhuye: “Nyi di lora ndroro yeyi: Nyi di wona gibaba nya mala na gi gu wumbuluga gi bela lizumboni la Vamedhiyani, gi vboha kala mitshatshani gwathu gi yi veta khu tshivba yi tshungunuga yi thega vbavbatshi.”

Valamuli 7:22

Avbo vatshavbo va na Israyeli nya mazana mararu va nga womba mipundru, Pfhumu Nungungulu a di hambanisa mapimo Vamedhiyani, va phela gu payana khu gyawe ndrani nya lizumbo lawe latshavbo; masotshwa ma di tutuma ma thavela Zerera, kala Bheti-Sita, va vboha kala mivbinganoni ya Abheli-Meyola, vbafuvbi ni Tabhati.

Valamuli 8:11

Gidhiyoni a di gwela khu ndzila ya avo va nga bani va vbanyela mitshatshani, a thonona Khugadambo ga Nobha ni Jogibheya; a di dhumela masotshwa na ma pfhade.