Valamuli 6:25 - Bhibhiliya Nya Guage

²⁵ Ga wutshiguwule wa wumowo, Pfhumu Nungungulu a di mu embela, khuye: “Dzega gimombyana gya babe wago, ni mombe nya wuvili nya livbandre na mivili myaga, u khungumula giluvelo gya Bhahali gi lumbago babe wago, u pila lidingo la Asera, li guromo khu bambe nya giluvelo.

Valamuli 6:25 Iomraidhean Croise

Genesi 35:2

Jakobe a di embela ngamo yaye ni vatshavbo a nga bani nari navo, khuye: “Fuvisani vanungungulu nya valombo va guromo vbakari gwanu, dzi agiseni mu vbindrugedza guambala.

1 Dzipfhumu 18:21

Eliya a di hidzimela a ema mbeli ga vathu vatshavbo, khuye: “Kala lini mu na ndzodolago khu mipimiso mivili? Pfhumu a gu bani ari uye, mu landreleni; aholu, a gu bani nari Bhahali, landrelani uye.” Aholu, vathu kha va nga mu hakha.

Joba 22:23

Wa gu vbindrugedza u khodwa ga Uye a gu ni Tshivba Yatshavbo, a nata gu wusedza. Aholu gu vbweta u dusa satshavbo nya guvivbe tshatshani gwago.

Dzindzimo 101:2

Nya gu vbweta gu landra ndzila nya gululame; lini u natago avbo gwangu? Ndrangani gwangu nyi na vbanya khu mavbanyelo nya gululame.

Ekisodha 34:13

Aholu mu na pfhungumulela malanga yawe nya miphaso, mu pandrelela sifananiso sawe, mu kokelela sihuru sawe nya miphaso.

Matewu 10:37

“Uye a golago babe mwendro mayi guvbindra idzo a nyi golago khidzo, kha nyi faneli. Ni uye a golago mwanaye nya gikhwathana mwendro nya gyagadzyana guvbindra idzo a nyi golago khidzo, kha nyi faneli.

Matewu 6:24

“Mwalo a dzi kodzago gu thumela dzipfhumu dzimbili. Kholu a na zondra mweyo a gola yimbe; mwendro saye gu girela ndruda mweyo a gu nyenya yimbe. Kha mu dzi kodzi gu thumela Nungungulu ni dzithomba.

Mithumo 4:19

Pedro ni Johane va di va hakha, khavo: “Lamulani enu vamune, mwendro gululamile mahoni ga Nungungulu gu ethu hi yingisa enu vathu guvbindra Nungungulu.

Mithumo 5:29

Aholu, Pedro ni vapostoli va di hakha, khavo: “Hi fanede gu yingela Nungungulu guvbindra gu yingela vathu.

Dhewuteronome 7:5

Vathu vovo, mu fanede gu va gira esi: Mu na khungumula siluvelo sawe, mu pandrelela ni siwindri nya wukhozeli, mu kokelela madingo yawe ni guvbisa sithombe sawe nya guvatwe.

Valamuli 2:11

Khavbo avbo, va na Israyeli va di gira guvivba mahoni ga Pfhumu Nungungulu, va khozela vanungungulu nya Vabhahali.

Valamuli 3:7

Va na Israyeli va di gira ugo guvivbidego mahoni ga Pfhumu Nungungulu wawe, va khozela Vabhahali ni sihuru sa Asitaroti.

Valamuli 6:26

Khu hwane girela giluvelo Pfhumu Nungungulu wago, khu tshokatunu nya gigomo gegi. Gira phaso nya guvbiswe khu gimombyana nya wuvili, eyi i mhamba u na gu yi vbisago khu mapulango nya lidingo nya guage u pidego.”