Valamuli 6:19 - Bhibhiliya Nya Guage

¹⁹ Gidhiyoni a di hongola gaya aya dongisela phongo ni sibaba nyambana mela nya gugirwe khu efa nya wuguvbi; nyama a di yi thela gitundruni, muro a wu thela gikalangoni; a si resa vbavbatshi nya simbo nya khongolo a ta si bikela mbeli gwaye.

Valamuli 6:19 Iomraidhean Croise

Genesi 18:3

a ganela, khuye: “Pfhumu yangu, nya gu bani nyi mane wuhigo mahoni gwago, nyi ngu gu lomba, U nga vbindri nyamba bela ga githumi gyago.

Genesi 18:5

Nyi naya dzega gibaba gidugwana, gasi mu kodze gu mana tshivba nya gugimbile ndzila yanu nya gulaphe, kholu mu vbindride khu ga githumi gyanu.” Madhota ma di hakha, khayo: “Gira kha nga idzo u ganedego.”

Levhi 2:4

Wa gu vbweta gu bikela ningelo nya dzimbewu nya guvawudwe, u na gira dzifiyoso nya wuguvbi nya gudadatwe, nyamba thedwa mela, nya gusugwe khu mafura, mwendro mikati nyamba thedwa mela na yi todzidwe mafura.

Matewu 13:33

Jesu a di va ninga gambe gimbe gipimaniso, khuye: “Mufumo wa Ndzadzini wu ngu fanana ni mela wu nga dzegwago khu nyamayi moyo a wu pfanga ni ndrengo tharu nya wuguvbi, kala wu gugumugisa wuguvbi watshavbo.”

Valamuli 13:20

Avbo malavbelavbe nya nilo nya giluvelo wu nga gwela guya ndzadzini, Ngilozi ya Pfhumu yi di gwela niyo na yiri niloni. Avbo Manowa ni mwangadzi waye va nga si wona, va di thega vbavbatshi khu dzikhovbe.

Valamuli 6:18

Nyi ngu gu lomba gukheni u nga hongoli, kala nyi wuya nyi gu resela ningelo wangu gasi nyi ta wu vega mbeli gwago.”

Valamuli 6:20

Khu guralo, Ngilozi ya Nungungulu yi di mu embela, khiyo: “Dzega nyama ni sibaba nyambana mela, u si vega vbatshani nya giwindri gegi, u vbaladza muro.” Gidhiyoni a di gira kharato.