Valamuli 5:27 - Bhibhiliya Nya Guage

²⁷ Sisera, a di khidzima, a thega vbavbatshi huye navanava migondroni gwaye, a fisa guralo idzo a thegidego khidzo.

Valamuli 5:27 Iomraidhean Croise

Dzindzimo 52:7

“Wonani muthu a ngamba tumba Nungungulu kha nga muvhikeli waye; aholu a nga bani a tumba talo nya dzithomba dzaye, a dzi tiyisa khu wukanganyisi waye!”

Matewu 7:2

Kholu, idzo mu na lamulago khidzo vakwanu, mu na lamudwa nenu khidzo. Ndronga mu na pimago khiyo vakwanu, khiyo mu na pimwago nenu khiyo.

Jakobe 2:13

Gikhati Nungungulu a na gu lamulago, kha na tsetselela ava va ngamba tsetselela vakwawe, aholu, ava va nga tsetselelago vakwawe, kha va na ningwa nandru Litshigu nya Gulamudwe.

Valamuli 5:26

A di thawuludza mandza ya nyambade, a rola simbo nya tshatsha, khu mandza ya nyamudye, a rola gikhokhotho gya muthumi, a songa Sisera, a mu pola hungo, a mu pola hungo wu vbondza.

Valamuli 5:28

Mayi wa Sisera a di gu si wona khu vbagihogotunu, a khevisela khu vbagihogotunu, a lila, khuye: Khu ginani kareta yaye yi hwelago gu wuya? Khu ginani gu hwelago gupwala sikingo nya kareta yaye.