Valamuli 5:2 - Bhibhiliya Nya Guage

² “Kha nga olu vathangeli va thangedego Israyeli, vathu navo va dzi ningede wurumba wawe khavbo gu vbeledego. Bongani Pfhumu Nungungulu!

Valamuli 5:2 Iomraidhean Croise

2 Dzikoronika 17:16

Hwane gwaye, gu landrela Amaziya, mwamana wa Zikiri, uye a di dzi ningela khu gudzina gwaye thumoni gwa Pfhumu Nungungulu, uye a di thangela, mazana mavili magumi mazana (200.000) vama, nya dzindrena.

Nehemiya 11:2

Vatshavbo vathu va di kategisa vale va nga dzi ningelago khu gugola gwawe guya vbanya dhoropani ga Jerusalema.

Dzindzimo 103:2

Uwe hefemulo wangu bonga Pfhumu Nungungulu, u nga divali ni moyo nya mithumo yaye nya yadi.

Dzindzimo 110:3

Vathu vago va nata dzi ningela gwago, litshigu u na somago matshari yago nya gudwane; madzaha ma nata gwago khu sigomoni kha nga hunguva yi thegago gikhati wu khugago Wuronga.

Dzindzimo 136:15

mbembiside Faro ni masotshwa yaye Yiphwa ni nya Gufuvile, kholu lihaladzo laye li ngu simama kala gupindruga;

Dzindzimo 18:47

Nungungulu khuye a nyi ningago tshivba nya guphodze; khuye a nyi ningago gu fumela mayigo.

Dzindzimo 48:11

Gi ngu tsaka gigomo gya Siyoni, sanana sa Judha si ngu nengela khu kotani nya gulamule gwago.

Dzindzimo 94:1

Uwe Pfhumu Nungungulu nya gutsayise, dzi nonedze uwe Nungungulu nya guphodzele.

Dzindzimo 97:8

Siyoni a na sipwe a nengela, sagadzyana sa Judha si na khulungele, khu kotani nya gulamule gwago, uwe Pfhumu Nungungulu.

1 Vakorinto 9:17

Nari gupwani nya gu thuma thumo nya gu wu khugele khu gudzina gwangu, nyi diri ni fanelo nya guvirele guhakhiswa. Aholu nya gu landrisa basi thumo nyi ningidwego.

2 Vakorinto 8:12

Kholu muthu a gu nigela khu ligolo, satshavbo esi a na ningelago si na hakhwa khu matsenya, na siri egi muthu a gu mwalo nagyo.

2 Vakorinto 9:7

Muthu ni muthu a na ningele khu gu dzina nya monyo waye. Mu nga dileli esi mu ningedego, mu nga ningeli na mu si dzini. Kholu oyu a ningelago khu lihaladzo, a ngu tsakisa Nungungulu.

Dhewuteronome 32:43

Nengelani enu mayigo, gumogo ni vathu vaye, kholu Pfhumu Nungungulu a na phodzela novba wa sithumi saye a na si phodzela vbatshani ga valala vaye, a na pwela wuhindzi litigo laye ni vathu vaye.

Dhewuteronome 33:21

A dzi hathede esi nya guhegule, si nga bani si sihidwe vbale, esi si lumbago muthangeli. Uye a di thanga mbeli ga vathu, a landrisa kharati gugola ga Pfhumu Nungungulu, gumogo ni gululama gwaye a giridego ga Israyeli!”

Vafilipi 2:13

kholu Nungungulu a ngu mi phasedzela gikhati gyatshavbo khu gu mi ninga gusuva ni guthuma guhaladza gwaye.

Filemoni 1:14

Aholu, kha nya gola gu gira gilo nyamba hegula khu gu dzumedziswa khu uwe, gasi wuhindzi wago wu si khali wa gu gurumedzwa, aholu wu khale nya gudzine gwago.

Gutuledwa 18:20

Nengelani mu bhuma vbatshani gwaye, ndzadzi, ni enu mwatshavbo va nya gukatega, ni vapostoli, ni vaprofeti. Kholu Nungungulu lamude khu gu mi phodzela, khu gu tsayisa kharati lidhoropa leli.

Gutuledwa 19:2

Kholu gulamula gwaye khwa lisine ni gululama, khaguva tsayiside gibhayi gikhongolo gi nga mbembisa litigo khu wubhayi waye, gambe phodzede vbatshani ga igyo novba wa sithumi saye.”

Valamuli 5:9

Monyo wangu wa gu tsakela vathangeli nya dzinyimbi va Israyeli, ni ga vathu va nga dzi ningelago khu gugola gwawe. Rungudzani Pfhumu Nungungulu.