Valamuli 3:27 - Bhibhiliya Nya Guage

²⁷ Na vbohide, a di gwela sigomoni sa Efrayimi a womba pundru, va na Israyeli va di relela naye khu gigomotunu, na thangide mbeli gwawe.

Valamuli 3:27 Iomraidhean Croise

2 Samuweli 20:22

Nyamayi khu guti gwaye a diya tshangana ni vathu vatshavbo, va pila hungo wa Sebha, mwamana wa Bhikiri, va ya rinyela Jowabhi. Khavbo avbo, Jowabhi a di womba pundru, va di duga khu dhoropani muthu ni muthu a hongola tshatshani gwaye, Jowabhi nuye a di bwelela Jerusalema ga mufumeli.

2 Dzipfhumu 9:13

Khavbo avbo, va di dzegela gu; muthu ni muthu a dusa mwendra waye a wu ladza vbavbatshi nya migondro yaye gasi gu gira sigandro, va womba pundru va huwelela, khavo: “Jewu a ngu fuma!”

Nehemiya 4:14

Avbo nyi nga wona gukheni satshavbo si dongisedwe, nyi di khuga nyi ema nyi embela vathangeli, dzindruna ni vathu vatshavbo, kheni: “Mu nga thavi, dundrugani gukhenu Pfhumu Nungungulu khongolo, ni gu thavisega, mwa gudwanela vandriyanu, sanana sanu nya sikhwathana nesi nya sagadzyana, vagadzi vanu ni dzindranga dzanu.”

Josuwa 17:15

Josuwa a di va hakha, khuye: “Mwa gu bani muri vangi, gwelani khabini mu ya hagata litigo la va na Peresi ni la va na Efrayimi, mu li dzega olu gu gigomo gya Efrayimi gidugwana ngudzu gwanu.”

Josuwa 17:18

Aholu mu na mana litigo latshavbo nya gigomo. Ambari olu gu nagarigo likhabi, mu na li hagata kala mahegiso gakone, latshavbo li na bani liri lanu; kholu mu na tutumisa Vakhanani, ambari va gu ni dzikareta nya dzisimbi ni tshivba.

Valamuli 10:1

Hwane ga Abhimeleki, gu dugelede mwama moyo wa na Isakari a nga vbweta guta tshudzisa Israyeli nya gupwani khu Tola, mwamana wa Puwa, tugulu wa Dhodho. Uye a di gu vbanya dhoropani ga Samiri, gigomoni gya Efrayimi.

Valamuli 17:1

A diromo mwama moyo nya gupwani khu Mika wa gigomoni gya Efrayimi,

Valamuli 19:1

Khu gikhati gyogyo gu di bani gu si manegi mufumeli tigoni ga Israyeli. Gu giregide gu Mulevhi nya gukari, a nga bani a gu vbanya vbakari nya sigomo sa Efrayimi, a di dzi dzegela nyamayi nya gibhayi nya gudugele dhoropani ga Bhetlehema ga Judha.

Valamuli 3:26

Avbo sithumi saye si nga bani na si gu virela, Ewudhi a di mwalalega a vbindra khavbo si guromo avbo sifananiso, a hongola Seyira.

Valamuli 5:14

Va dugede tigoni ga Efrayimi tumbunugo wawe wu dugelago gipandrengulo gya Amaleki, khu hwane gwago, a di gu landra Bhejami vbakari nya vathu vago; khu Makiri, gu di duga vathangeli, khu Zebhuloni va duga avo va pharago ndronga nya wufumu.

Valamuli 6:34

Khavbo avbo, Liphuvbo la Pfhumu li di bela ga Gidhiyoni, uye a di womba pundru, a tivisa va na Abhiyezeri gasi va ta tombana gwaye.

Valamuli 7:24

Gidhiyoni a di rumela gambe myango musigomoni gwatshavbo sa Efrayimi, a ganela, khuye: “Relelani mu ta dwana ni Vamedhiyani, mu va himbedzela gu tshatuga mati ya Joridhani kala Bheti-Bhara.” Na va rambidwe vatshavbo va na Efrayimi, va di va dzegela milambo kala Bheti-Bhara ni Joridhani.

1 Samuweli 13:3

Jonatane a di sasela gikwata nya Vafilisitiya va nga bani na va ghovide dhoropani ga Gibheya, Vafilisitiya va di pwadzedwa mahungu yaya; avbo Sawule a nga womba pundru tigoni gwatshavbo, a ganela, khuye: “Vahebheru va na yingise mahungu yaya.”