Valamuli 3:15 - Bhibhiliya Nya Guage

¹⁵ Khavbo avbo, va na Israyeli va di lila gambe ga Pfhumu Nungungulu, uye Pfhumu a di va emisela mutshudzisi, a gu Ewudhi, mwamana wa Gera, nya lihundzu la Bhejami, mwama nya guthume khu nyambade. Va na Israyeli, va di rumela khu mandzani gwaye, miningelo nya guluve Egiloni, mufumeli wa na Mowabhi.

Valamuli 3:15 Iomraidhean Croise

2 Samuweli 20:10

Amasa kha nga khedza gwadi litshari li nga bani liri mandzani ga Jowabhi, uye a di mu paya khilo girumbu mahembe yaye ma vbalaga vbavbatshi. Kha nga engedza gu mu paya gambe nya wuvili, a di dzegela gufa. Khavbo avbo, Jowabhi ni ndriyaye Abhisayi, va di lundra Sebha, mwamana wa Bhikiri.

2 Samuweli 20:9

Khavbo avbo, Jowabhi a di embela Amasa, khuye: “Ndriyangu, u nga gu vbanya gwadi, gani?” Jowabhi a di mola giledzu gya Amasa khu mandza ya nyamudye gasi gu mu bhejari.

1 Dzikoronika 12:2

Va di somide malaho ni gu kodza gu rinya siwindri khu nyamudye ambari khu nyambade, ni gu khwandra siholoma. Va diri vandruye va Sawule, nya lihundzu la na Bhejami.

1 Dzikoronika 8:3

Bhela a di velega sanana sesi: Adhari, Gera, Abhiyudi,

1 Dzikoronika 8:5

Gera, Sefufani ni Huramo.

2 Dzikoronika 9:24

Muthu ni muthu, khu mwaga ni mwaga, a di mu resela miningelo yaye nya sombo nya ndralama, dzitshalu, matshari, mafura, dzikavalu ni dzimula.

Dzindzimo 50:15

Nyi rane litshigu nya sigaradzo; eni nyi na gu vbanyisa, uwe u na nyi dhumisa.”

Dzindzimo 78:34

Gikhati a nga bani a va tsayisa, khavbo va nga bani va gu mu alakanya.

Dzindzimo 90:15

Hi ninge gutsaka nya guningane ni myaga yeyi hi wonidego sitshaniso.

Mavingu 18:16

Avo va ningelago dzisagwati va gu tula dzindzila, dzi kodzago gu vboha kala ga vakhongolo nya vathu.

Mavingu 19:6

Vathu nya vangi va gu tsakela vathu nya guthavisege, muthu ni muthu pari ya wule a ningelago dzisagwati.

Mavingu 21:14

Ningelo nya gisihaledza wa gu bosisa likhulo, ni sihiwa si ningedwago khu misihalo, si ngu bosisa likhulo nya likhongolo.

Isaya 36:16

Mu nga mu yingisi Ezekhiya; kholu mufumeli wa Asiriya a ngu ganela kharati, khuye: Dzi rudziseni mu ta eno gwangu, muthu ni muthu a na hodza mihandro yaye nya vhinya ni mihandro nya nguyu waye. Moyo ni moyo a na sela mati ya namboni gwaye;

Jeremiya 33:3

Nyi rane, eni nyi na gu ninga phindrulo, nyi na gu tivisa silo si sihadego, esi u si sitigo.

Valamuli 2:16

Khavbo avbo, Pfhumu Nungungulu a di wusa valamuli gasi guya va lamulela mandzani ga vale va nga bani va va tshanisa.

Valamuli 20:16

Vbakari nya masotshwa yaya yatshavbo, gu diri ni livbandre na mavili mazana (700) vama va nga hathwa nya dzindrena nya guthume khu nyambade, nya gukodze gu rinya siwindri, edzi nya gu ambari nari ndzudzu wunene, kha va wu hosi.

Valamuli 3:14

Va na Israyeli va di thumela Egiloni, mufumeli wa Mowabhi, gipimo nya likhumi na livbandre na miraru myaga.

Valamuli 3:16

Ewudhi a di dzi girede litshari nya gulodzwe eno ni eno, na liri ni pimo nya kono moyo gulapha; a li hungelela nyongani gwaye gwa nyamudye khu vbavbatshi nya guambala gwaye.

Valamuli 3:9

Khu guralo, va na Israyeli, va di lila ga Pfhumu Nungungulu, uye a di va rumela mutshudzisi a ta va tshudzisa, a gu uye Otiniyeli, mwamana wa Kenazi, ndruye nya nandra waye wa Kalebi.

Valamuli 4:3

Va na Israyeli, va di lila ga Pfhumu Nungungulu, kholu Jabhimi a diri ni livbandre na mana mazana (900) dzikareta nya dzisimbi, a di tshanisa khu dzitshikhwi va na Israyeli ndrani nya magumavili myaga.

1 Samuweli 10:27

Aholu vathu nya guvivbedwe khu monyo, va di ganela, khavo: “A na dzi kodza kharini gu hi vbulugisa mwama yoyu?” Va di mu kanyisa va si dzumeli gu dusa miningelo va mu luva. Aholu Sawule kha nga khathala khavo.