Valamuli 3:10 - Bhibhiliya Nya Guage

¹⁰ Gu dita gwaye Liphuvbo la Pfhumu Nungungulu, a ta khala mulamuleli wa Israyeli; aya dwana nyimbi; Kusani-Risatayimi, mufumeli wa Mesopotamiya, a di ningedwa mandzani gwaye khu Pfhumu Nungungulu.

Valamuli 3:10 Iomraidhean Croise

1 Dzikoronika 12:18

Khavbo avbo, Amasayi, moyo nya vathangeli wa ava nya magumararu, a di beledwa khu Liphuvbo a ganela, khuye: “Ethu hi vathu vago, uwe Dhavhidhe, ethu hi womo gumogo nago, uwe mwamana wa Jese! Gurula, gurula gu na khale ni uwe! Ni gurula gu na khale ni vale va gu phasedzelago! Kholu Nungungulu wago, a ngu gu phasedzela.” Dhavhidhe a di va hakha, a va emisa gu khala vathangeli nya nyimbi.

2 Dzikoronika 15:1

Liphuvbo la Nungungulu li dita ga Azariya, mwamana wa Obhedhi.

2 Dzikoronika 20:14

Khavbo avbo, liphuvbo la Pfhumu Nungungulu li dita vbakari nya tshangano khu ga Jahaziyeli, mwamana wa Zakariya, mwamana wa Bhenaya, mwamana wa Jeyeli, mwamana wa Nataniyeli, Mulevhi, nya linyumba la Asafe,

Dzindzimo 51:11

U nga nyi rinyi hwindzo nya khovbe yago ambari gu nyi dusela Liphuvbo lago nya Guage.

Mitengo 11:17

Khavbo avbo, nyi na relela vbale nyi ta ganela nago, nyi na vbungula Liphuvbo li guromo gwago, nyi li thela gwawe, avo navo va na rwala gumogo nago, rwalo nya vathu, gasi u si lemedwi khuwo wenga.

Mitengo 11:25

Khavbo avbo, Pfhumu Nungungulu a di tshiga vbalipfhitunu, a ta ganela ni Mosi; khu guralo a di vbungula Liphuvbo li nga bani liri avbo gwaye, a li thela ga vale nya livbandre na mavili magumi madhota; Gikhati Liphuvbo nya Guage li nga mbakago gwawe, avo va di profeta, aholu kha va nga engedza gambe gu profeta hwane nya litshigu lile.

Mitengo 11:29

Khu guralo, Mosi a di hakha, khuye: “Gasi uwe wa gupwa wufu khu eni, gani? A diri tshukwana naripwani Pfhumu Nungungulu a ngu thela Liphuvbo ga vathu vatshavbo va profeta!”

Mitengo 24:2

Bhalahama, a di khusa maho a wona va na Israyeli na va ghovide khu dzinyangwa dzawe. Khavbo avbo, Liphuvbo la Nungungulu li di tshiga vbatshani gwaye.

Mitengo 27:18

Pfhumu Nungungulu a di hakha Mosi, khuye: “Rana Josuwa, mwamana wa Nuni, a hidzimela avbo gwago, mwama a gu ni Liphuvbo, u ta mu handzega mandza.

Vahebheru 6:4

Va na dzi khodza kharini gu dzi laya nyaluphye ava va nga diga gukhodwa? Kholu avo va diri guwonegelani ga Nungungulu, va di hakhide giningwa gya ndzadzini, gambe va di hakhide Liphuvbo nya Guage.

Valamuli 11:29

Khavbo avbo, Liphuvbo la Pfhumu Nungungulu li dita ga Jefiti, a di tsemakanya khu Gileyadhi ni Manasi; kholu a di tsemakanya khu Misipa wa Gileyadhi a hongola kala ga va na Amoni.

Valamuli 11:32

Khu guralo, Jefiti a di ya dwana ni va na Amoni, Pfhumu Nungungulu a di va ningela mandzani gwaye.

Valamuli 13:25

Liphuvbo la Pfhumu Nungungulu li phede gu thuma gwaye avbo a nga bani na gu manega Mahangeni ga Mahani-Dhani, vbakari ga Zora ni Esitaholi.

Valamuli 14:19

Khavbo avbo, Liphuvbo la Pfhumu Nungungulu li di mbaka ga Samisoni. Uye a di relela ga va na Asikaloni, a vboha aya songa magumararu vama vawe, a dzega dzingandzu dzawe aya ningela avo va nga ningago phindrulo nya tekatekane. Khu hwane a di tala khu giviti, a bwelela gaya ga babe waye.

Valamuli 14:6

Khavbo avbo, Liphuvbo la Pfhumu Nungungulu li di mu belela khu tshivba, Samisoni nari mwalo gilo mandzani gwaye, a di gi vbadzulela khu nga oyu a vbadzulelago phongo. Aholu kha nga pwadzela babe ni mayi waye, iso a nga girago.

Valamuli 15:14

Avbo a nga vbohago Lehi, Vafilisitiya va di duga va mu khinga na va kulungela. Aholu Liphuvbo la Pfhumu Nungungulu, li dita khu tshivba ga Samisoni, dzingodzi va nga bani va mu hungide khidzo mawogo, dzi di tsagama nga dzikhindra nya wuluva nya guvbye khu nilo, dzingodzi a nga bani a hungidwe khidzo dzi di thega khu mawogoni gwaye.

Valamuli 3:11

Khu guralo, litigo li di khala gurulani gipimo nya magumana myaga. Otiniyeli, mwamana wa Kenazi, a difa.

Valamuli 3:8

Khavbo avbo, Pfhumu Nungungulu a di gorogela va na Israyeli, a va ningela mandzani ga Khusani-Risatayimi, mufumeli wa Mesopotamiya, va na Israyeli, va di fumedwa khu Khusani-Risatayimi, livbandre na miraru myaga.

Valamuli 6:34

Khavbo avbo, Liphuvbo la Pfhumu li di bela ga Gidhiyoni, uye a di womba pundru, a tivisa va na Abhiyezeri gasi va ta tombana gwaye.

1 Samuweli 10:10

Na va vbohide Gibheya, va di khingwa khu tsawa nya vaprofeti; Sawule a di tala khu liphuvbo la Nungungulu, a phela guprofeta vbakari gwawe.

1 Samuweli 10:6

Uwe u na tala khu liphuvbo la Pfhumu Nungungulu, u na profeta gumogo navo, uwe u na vbindrugedzwa u khala mumbe muthu.

1 Samuweli 11:6

Avbo Sawule a ngapwago mahungu yoyo, a di tala khu liphuvbo la Nungungulu, a goroga ngudzu.

1 Samuweli 16:13

Samuweli a di dzega gigasi nya mafura a mu todza vbakari ga vandriyaye; gukhugela litshigu lile guya mbeli Liphuvbo la Pfhumu Nungungulu li di mbaka ga Dhavhidhe. Khavbo avbo, Samuweli a di khuga a hongola Rama.