Valamuli 21:5 - Bhibhiliya Nya Guage

⁵ Va na Israyeli va di wudzisa, khavo: “Khu mani wa vbakari nya mahundzu ya Israyeli a ngamba manega tshanganoni wa Pfhumu Nungungulu?” Kholu va di sambanyide vbakari nya tshangano, khavo: “Uye a na gumba gwela a ta Misipa tshanganoni wa Pfhumu Nungungulu, a na songwa.”

Valamuli 21:5 Iomraidhean Croise

Jeremiya 48:10

“A na vadwe muthu wule a girago mihuni thumoni wa Pfhumu Nungungulu!” A na vadwe muthu wule a si vbaladzigo novba wa valala khu litshari laye!

Valamuli 21:1

Va na Israyeli na va ngari Misipa, va di sambanyide, khavo: “Mwalo ni moyo wa na gyathu a yelago gu lowodzisa gyanana gyaye ga va na Bhejami.”

Valamuli 21:18

Aholu ethu kha hi yeli gu lowodzisa sanana sathu avbo gwawe si khala vagadzi vawe, kholu va na Israyeli va sambanyide, khavo: A na vadwe wule a lowodzisago nyamahegyane waye ga va na Bhejami.”

Valamuli 21:6

Va na Israyeli va di lila khu kotani ya vandriyawe va na Bhejami, va ganela, khavo: Muhuno li fuvisidwe lihundzu limwedo la va na Israyeli.

Valamuli 5:23

Li na vadwe lidhoropa la Merozi, gu ganela Ngilozi ya Pfhumu Nungungulu valani ngudzu vavbanyi vaye, kholu, kha vata phasedzela Pfhumu Nungungulu, gu phasedzela Pfhumu Nungungulu gu dwana ni valala vaye nya tshivba.

1 Samuweli 11:7

A di dzega mipatwa mivili nya dzimombe, a dzi songa, a pilela nyama yakone khu sitsuwu, a si ningela mandzani nya myango, a rumela ga vatshavbo vavbanyi va tigoni ga Israyeli, a va embela, khuye: “Dzi na girwe kharati dzimombe dza wule a na gumba landrela Sawule ni Samuweli.” Khu guralo, vathu vatshavbo, va di thava Pfhumu Nungungulu, va duga na va hunganide khu monyo moyo.

1 Samuweli 14:24

Khu litshigu lile, va na Israyeli va di guvbisega ngudzu, kholu Sawule a di gurumedza vathu khu gisambanyo gyaye, khuye: “A na vadwe wule a na hodzago li si gu pfoli lidambo, gasi nyi kodze gu dzi phodzela ga valala vangu.” Khu guralo, mwalo ni moyo a nga linga guhodza.