Valamuli 21:4 - Bhibhiliya Nya Guage

⁴ Khu litshigu li landrelago, vathu va di wuga na gu ngari dzimindru, va emisa vbale giluvelo, va ningela miningelo nya guvbiswe ni miningelo nya gurule.

Valamuli 21:4 Iomraidhean Croise

2 Samuweli 24:18

Khu litshigu lolo, a dita Gadhi, ga Dhavhidhe, ata mu embela, khuye: “Khuga u gwela u ya vbaha giluvelo gya Pfhumu Nungungulu, vbagithalatunu gya Arawuna, Mujebhuzi.”

2 Samuweli 24:25

Dhavhidhe a di vbaha vbale, giluvelo gya Pfhumu Nungungulu, a ningela avbo miphaselo nya guvbiswe, ni miningelo nya gurule. Khavbo avbo, likhulo la Pfhumu Nungungulu li di bosa, tigoni gu vbela tungu wule a nga reselago va na Israyeli.

1 Dzipfhumu 8:64

Khu litshigu la limwedo, mufumeli a di agisa gambe wulanga wa vbakari ni vbakari, mbeli nya Nyumba ya Pfhumu Nungungulu; khavbo a nga ningelago avbo miningelo nya guvbiswe ni miningelo nya gurule, nya mafura nya sirengo, kholu giluvelo nya sugu gi nga bani giri mbeli ga Pfhumu Nungungulu, gi diri gidugwana ngudzu, wulanga wu si eneligo gu gira avbo miphaselo nya guvbiswe ni miningelo nya dzimbewu ni mafura nya miphaselo nya gurule.

Hoseya 5:15

Nyi na bwelela nyi wuya wulanga wangu, kala avo va dzumela nandru wawe, va zama gu wona khovbe yangu; na vari guvbisegani, va na nyi vbweta na gu ngari dzimindru.

Dhewuteronome 12:5

aholu mu naya Mu vbwetani wulanga wule Pfhumu Nungungulu a na gu wu hathago vbakari nya mahundzu yanu yatshavbo, gasi gu vega avbo lina laye ni nyumba yaye; mu simama guya avbo.

Vahebheru 13:10

Hi na ni giluvelo, avbo vale va thumelago Nyumbani ga Nungungulu va gu mwalo fanelo nya guhodze avbo.

Valamuli 20:26

Khavbo avbo, vatshavbo va na Israyeli, ni vathu vatshavbo, va di gwela dhoropani ga Bheteli vaya lila, va di khala vbale mbeli ga Pfhumu Nungungulu, va hala litshigu latshavbo kalani silambo, va ningela miphaso nya guvbiswe ni miningelo nya gurule mbeli ga Pfhumu Nungungulu.

Valamuli 21:3

Va ganela, khavo: “Uwe Pfhumu Nungungulu wa Israyeli, khu ginani si giregidego esi tigoni momu ga Israyeli, muhuno gu kenelago lihundzu limwedo?”

Valamuli 6:24

Khavbo avbo, Gidhiyoni a di vbaha vbale giluvelo gya Pfhumu Nungungulu, a gi riya lina, khuye: Pfhumu Nungungulu nya Gurule. Kala ni muhuno giluvelo gi nga gu manega Ofira wa Abhiyezeri.

Valamuli 6:26

Khu hwane girela giluvelo Pfhumu Nungungulu wago, khu tshokatunu nya gigomo gegi. Gira phaso nya guvbiswe khu gimombyana nya wuvili, eyi i mhamba u na gu yi vbisago khu mapulango nya lidingo nya guage u pidego.”

1 Samuweli 7:17

Aholu uye a di bwelela a wuya Rama, kholu ndranga yaye yi diri mule, khiyo a nga bani a lamulela iyo va na Israyeli, a vbaha umo giluvelo gya Pfhumu Nungungulu.