Valamuli 21:25 - Bhibhiliya Nya Guage

²⁵ Khu matshigu yoyo, tigoni ga Israyeli gu diri mwalo mufumeli, khu guralo, muthu ni muthu a di gira iso a nga bani a si wona na si lulamide mahoni gwaye.

Valamuli 21:25 Iomraidhean Croise

Dzindzimo 12:4

avo va gukhavo: “Lidimi khilo tshivba yathu, magana yathu ma ngu hi vhikela, khu mani a hi fumago?”

Mavingu 14:12

Yomo ndzila muthu a yi wonago khwatshi yi lulamide, aholu khu guhegisani yi mu yisa gufani.

Mavingu 3:5

Tumba Pfhumu Nungungulu khu monyo wago watshavbo, u nga tumbi basi wugengeli wago!

Muhevbudzi 11:9

Lidzaha, dzi tsakise khu wudzaha wago, u tsakisa monyo wago matshigu nya wudzaha wago; gimbila khu ndzila yi godwago khu monyo wago, ni gu gola nya maho yago; aholu dziti nya gukhuwe Nungungulu a na gu lamula khu satshavbo soso.

Isaya 53:6

Ethu hatshavbo hi di gu legalega kha nga dzinvuta nya gudzimele; muthu ni muthu a di gu bela khu yaye ndzila, aholu, Pfhumu Nungungulu a di mu rwega guvivba gwa ethu hatshavbo.

Isaya 66:3

Muthu a payago mombe, a ngu fanana ni oyu a songago muthu; oyu a payago nvutana a gira khiyo phaselo, a gu fanana ni oyu a tshomborosago thamo nya yimbwa; oyu a ningelago ningelo khu wuguvbi, a gu fanana ni oyu a ningelago khu novba nya khumba; uye a vbisago libani, a gu fanana ni uye a khozelago sifananiso. Kha nga olu avo va dzi hathedego dzindzila dzawe wurumba, mihefemulo yawe yi na tsakela silo nya gunyenyeze.

Dhewuteronome 12:8

Mu nga yi gira ni gevbini gilo kha nga idzo hi nga bani hi gira avba, nya gu muthu ni muthu a gira silo gukhedza khu gugola gwaye,

Valamuli 17:6

Khu gikhati gyogyo, gu diri mwalo mufumeli tigoni ga Israyeli, muthu ni muthu a di gira iso si nga bani si tsakisa maho yaye ni gu gola gu si gira.

Valamuli 18:1

Khu gikhati gyogyo, tigoni ga Israyeli, gu di bani gu ngari mwalo mufumeli, lihundzo la na Dhani, li di guvbweta litigo nya guvbahe umo li khala thomba yawe, kholu, kala ga gikhati gyogyo va di bani va si gu kavedwi litigo nya thomba yawe vbakari nya mahundzu ya Israyeli.

Valamuli 18:7

Khavbo avbo, vama vale nya livbandre va di hongola kala vaya vboha Layisi, va diya wona nya gukhavo vathu va vbanyago ga ilo va khadzisegide gwadi va mwalo sigaradzo, mayelano khu mavbanyelo nya Vasidhoni, na va tengide ni gu tumbana; tigoni mule gwawe, gu di bani gu ngari mwalo mufumeli nya gu va fumele ambari gu va tshanisa guvbanyani gwawe. Va di guvbanya venga, gu diri mwalo limbe lihundzu li nga bani li va thurugisela.

Valamuli 19:1

Khu gikhati gyogyo gu di bani gu si manegi mufumeli tigoni ga Israyeli. Gu giregide gu Mulevhi nya gukari, a nga bani a gu vbanya vbakari nya sigomo sa Efrayimi, a di dzi dzegela nyamayi nya gibhayi nya gudugele dhoropani ga Bhetlehema ga Judha.

Valamuli 21:24

Khu gikhati gyogyo gya gimwegyo, va na Israyeli va di khuga khu vbale, muthu ni muthu a bwelela lihundzuni gwaye nya mavelego avbo gu gu thombani gwaye.