Valamuli 21:19 - Bhibhiliya Nya Guage

¹⁹ Va di ganela, khavo: “Dhoropani ga Silo, womo buzo wu giredwago Pfhumu Nungungulu khu mwaga ni mwaga.” Lidhoropa li manegelago Wuronga ga Bheteli, khu phuvbo ga Khugadambo, ndzilani nya guye Bheteli ni Sikemi, khu Marandzi ga Libona.

Valamuli 21:19 Iomraidhean Croise

Dzindzimo 81:3

Wombani pundru nya buzo nya gumege nya ngima ni gudandra gwaye, a gu litshigu nya buzo wathu.

Levhi 23:10

“Ganela ga sanana sa Israyeli u si embela, khuwe: Avbo mu na belago tigoni nyi mi ningago, gikhati mu vbwerago dzimbewu dzanu, edzi nya guphele, mu na dzega gitundru mu yisa ga muphasi nya mhamba;

Levhi 23:2

“Ganela ga sanana sa Israyeli u si embela, khuwe: Mibuzo ya Pfhumu Nungungulu eyi mu yelago gu ramba tshangano nya guage, kheyi:

Levhi 23:34

“Ganela kharati ga sanana sa Israyeli, khuwe: Khu litshigu nya likhumi na livbandre nya ngima yoyu nya livbandre na mivili, mu na alakanya buzo nya Mitshatsha, mu rungudza Pfhumu Nungungulu, livbandre na mavili matshigu.

Levhi 23:4

Eyi khu mibuzo ya Pfhumu Nungungulu, mitshangano nya guage mu na gu yi rambago khu gikhati gyakone.

Levhi 23:6

Khu litshigu nya likhumi na livbandre nya ngima wa wumowo, mu na phela Buzo nya Sibaba nyambana Mela mu rungudza Pfhumu Nungungulu; gipimo nya livbandre na mavili matshigu na mu gu hodza sibaba nyamba thedwa mela.

Mitengo 10:10

Gutsakani gwanu gambe, matshigu nya mibuzo nya yikhongolo ni litshigu nya guphele nya ngima, avbo mu girago miphaso nya guvbiswe numo nya miphaso nya gubonge, mu na womba mipundru. Isoso si na bani siri gialakanyiso, gasi Nungungulu wanu a mi dundrugani. Eni kheni Pfhumu Nungungulu wanu.”

Mitengo 28:16

Khu litshigu nya likhumi na mana nya ngima nya guhegule, yi na bani yiri Phasika ya Pfhumu Nungungulu;

Mitengo 28:26

Mu na gira gambe tshangano nya guage khu litshigu nya gulume dzimbewu, avbo mu ningelago dzimbewu nya guphele ga Pfhumu Nungungulu, mayelano ni Mibuzo yanu nya Dzisemana, mu nga thumi thumo nya gulemele.

Mitengo 29:12

Khu litshigu nya likhumi na livbandre nya ngima nya livbandre na wuvili, mu na gira tshangano nya guage; mu nga thumi gilo khu litshigu lolo; aholu mu na vbedza livbandre na mavili matshigu mu na gu girela buzo Pfhumu Nungungulu.

Johane 5:1

Hwane nya isoso, wu diromo mumbe buzo nya Vajudha, Jesu a di gwela nuye Jerusalema.

Johane 7:2

Wu diri vbafuvbi buzo nya Vajudha, wule wu ranwago pwani i Buzo nya Mitshatsha.

Dhewuteronome 16:1

Vegedza ngima nya Abhibhi u gira buzo nya Phasika ya Pfhumu Nungungulu wago; kholu khu ngima nya Abhibhi khuye ngima Pfhumu Nungungulu wago, a gu dusidego ni wutshigu, khu tigoni ga Egipito.

Dhewuteronome 16:10

U na gira Buzo nya Dzisemana, u rungudza Pfhumu Nungungulu wago, u phara mandzani gwago miningelo nya guningele khu gugola nya monyo wago, gukhedza khedzi Pfhumu Nungungulu wago a gu kategisidego khidzo.

Dhewuteronome 16:13

U na gira buzo nya Mitshatsha ndrani nya livbandre na mavili matshigu, hwane nya gu bani na wu hengeledzede dzimbewu dzago githalani ni gikhwatini gwago.

Josuwa 18:1

Tshangano wa na Israyeli wu di tombana tigoni ga Silo; va diya emisa vbale Tshatsha nya Tshangano, kholu litigo li diri mandzani gwawe.

Valamuli 18:31

Avo va di dzi emisela gifananiso gi nga vatwa khu Mika, gi di khala vbakari gwawe matshigu yatshavbo, avbo Nyumba ya Nungungulu yi nga manega dhoropani ga Silo.

Valamuli 21:20

Va di rumela iyoyo va na Bhejami va va embela, khavo: “Indrani, mu ya va varamela khu marembweni nya vhinya,

1 Samuweli 1:3

Mwama yoyu, myaga yatshavbo a di gu duga khu dhoropani gwaye a hongola Silo, gasi guya khozela Pfhumu Nungungulu nya Tshivba Yatshavbo ni gu Mu girela miphaso. Avbovbo si diromo sanana sivili sa Eli, Hofini ni Finiyasi, va diri vaphasi nya mhamba va Pfhumu Nungungulu.