Valamuli 20:23 - Bhibhiliya Nya Guage

²³ Va na Israyeli, va di gwela vaya lila mbeli ga Pfhumu Nungungulu kala ni silambo, va wudzisa Pfhumu, khavo: “Hi bwelela hi ya dwana ni vandriyathu va na Bhejami, gani?” Pfhumu Nungungulu a di va embela, khuye: “Indrani mu ya dwana navo.”

Valamuli 20:23 Iomraidhean Croise

2 Samuweli 3:35

Khavbo avbo, vathu vatshavbo va di ta khongotela Dhavhidhe gukhavo a na hodze guhodza na gu ngari mihani; aholu mufumeli a di sambanya, khuye: “Pfhumu Nungungulu a na nyi tsayise khu tshivba nya gu hodza gibaba, mwendro gilogyogyo, na li si gu pfoli lidambo.”

Hoseya 5:15

Nyi na bwelela nyi wuya wulanga wangu, kala avo va dzumela nandru wawe, va zama gu wona khovbe yangu; na vari guvbisegani, va na nyi vbweta na gu ngari dzimindru.

Josuwa 7:6

Khavbo avbo, Josuwa a di pferula dzingandzu dzaye, a thega vbavbatshi khu khovbe mbeli nya Ngasa nya Gidzumeledzwano gya Pfhumu Nungungulu kala vbasilambotunu, uye gumogo ni madhota ya na Israyeli; va di phorola nguma hungoni.

Josuwa 7:7

Josuwa a di ganela, khuye: “Yowe! Pfhumu Nungungulu, khu ginani u giridego vathu vava va tshatuga tsongo wa Joridhani, gasi guta va ningela mandzani ga Vaamori, va hi mbembisa? A di siri tshukwana na hi khade khu tshatugo wa khisikheyi wa Joridhani, gani?

Valamuli 1:1

Hwane nya gufe ga Josuwa, va na Israyeli va di wudzisa Pfhumu Nungungulu, khavo: “Khu mani vbakari gwathu a na gu phela khuye gu gwela aya dwana ni Vakhanani?”

Valamuli 20:18

Va na Israyeli va di khuga va gwela Bheteli, vaya wudzisa Nungungulu, khavo: “Khu mani wa vbakari gwathu, a na gu phelago khuye a gwela guya dwana ni va na Bhejami?” Pfhumu Nungungulu a di va embela, khuye: “Va na phele khu va na Judha.”

Valamuli 20:22

Aholu va na Israyeli va di bwelela vaya vbweta tshivba, va di soma gambe va dongisela yimbe nyimbi wulanga va nga phelago khavbo gu dwana khu litshigu nya guhegule.

Valamuli 20:24

Khavbo avbo, va na Israyeli va diya gambe vbafuvbi ga va na Bhejami khu litshigu nya wuvili.

Valamuli 21:2

Khavbo avbo, va na Israyeli, va dita Bheteli, va ta khala vbale kala vbasilambotunu, va di khusa malito va wombedzela dzihuwa va lila ga Nungungulu khu wuvi nya wukhongolo.

1 Samuweli 10:3

Wa guvbindra vbale uya mbeli, u vboha simboni nya nguhu wa Tabhori; avbovbo u nata manwa khu vama vararu va gwelago gasi guya khozela Nungungulu tigoni ga Bheteli, moyo nari ni dziphongo dzitharu, mumbe ni sibaba siraru, ni mumbe nari ni gigasi nya vbinyu.

1 Samuweli 11:4

Myango yi di vboha kala Gibheya iyo a nga bani na gu manegela iyo Sawule, va di tivisa mahungu yaya ga vathu va tigoni. Khavbo avbo, vathu va di lila va womba dzihuwa.

1 Samuweli 7:6

Va di tombana dhoropani ga Misipa, va rega mati va ma vbaladza mbeli ga Pfhumu Nungungulu; va hala litshigu latshavbo lolo, va ganela, khavo: “Hi ghohede Pfhumu Nungungulu.” Samuweli a di lamula va na Israyeli dhoropani ga Misipa.