Valamuli 20:2 - Bhibhiliya Nya Guage

² Gu di manega vathangeli vatshavbo nya mahundzu ya Israyeli, va manega tshanganoni wa vathu va Pfhumu Nungungulu; tengo wawe wu diri magumana magumi mazana (400.000) vama nya gugimbile khu mawundru na va somide matshari.

Valamuli 20:2 Iomraidhean Croise

2 Samuweli 14:13

Nyamayi a di mu embela, khuye: “Khu ginani u alakanya silo nya nga isoso nya guwugele vathu va Pfhumu Nungungulu? Kholu mufumeli a gu ganela kharato, a na dzi rwega nandru khu gumba landra muthu a nga mu tutumisago.

2 Samuweli 24:9

Jowabhi a di ningela ga mufumeli tengo nya vathu va nga sayedwago; tigoni ga Israyeli gu diri ni livbandre na mararu magumi magumi mazana (800.000) vama va somidego guya dwana nyimbi; va na Judha va diri livbandre magumi magumi mazana (500.000) vama.

2 Dzipfhumu 3:26

Avbo mufumeli wa Mowabhi a nga wona nya gukhuye a ngu padwa, a di dzega livbandre na mavili mazana (700) vama nya gu bani va somide matshari va duga va tutuma vaya ga mufumeli wa Edhomi, aholu avo va di tandrega.

Josuwa 22:12

Avbo va na Israyeli va ngapwago esi, wu di tombana tshangano watshavbo wa na Israyeli dhoropani ga Silo gasi guya dwana navo.

Valamuli 20:15

Khu litshigu lolo, gu di sayedwa va na Bhejami nya gudugele madhoropani, gu duga tengo nya magumavili na livbandre na limwedo magumi mazana vama (26.000) avo nya gu kodze gu soma matshari, vbavbandze ga vavbanyi va Gibheya, gu di duga tengo nya livbandre na mavili mazana (700) vama nya dzindrena.

Valamuli 20:17

Va na Israyeli vbavbandze nya lihundzu la Bhejami, va di sayela vama vawe, va mana tengo nya mazana mana magumi (400.000) mazana nya gusome matshari vatshavbo nya gukodze gu dwana nyimbi.

Valamuli 20:3

Va na Bhejami va dipwa nya gukhavo va na Israyeli va tombanide Misipa, va na Israyeli va di ganela, khavo: “Hi embeleni, wu giregide kharini wuvivbi wowu?”

Valamuli 8:10

Zebha ni Zalimuna va diromo tigoni gwa Karikori, na vari ni gipimo nya likhumi na livbandre magumi mazana (15.000) masotshwa. Vatshavbo vava va diri mitshaledwa nya masotshwa nya vathu va nga bani va gu dugela Khugadambo; kholu lizana ni magumavili magumi mazana (120.000) vama va kodzago gu thumisa matshari va di songidwe.

1 Samuweli 11:8

Sawule a diya va sayela dhoropani ga Bhezeki; sanana sa Israyeli, si diri tengo nya mazana mararu magumi mazana (300.000); va na Judha, va diri magumararu magumi mazana (30.000).