Valamuli 19:20 - Bhibhiliya Nya Guage

²⁰ Mwama wule nya muthu khongolo, a di khuye: “Gurula gu na khale ni uwe. Eni nyi na gu phasa khu satshavbo si gu kenelelago, olu nya gu gu lomba kheni u nga lali tendrelani.”

Valamuli 19:20 Iomraidhean Croise

1 Dzikoronika 12:18

Khavbo avbo, Amasayi, moyo nya vathangeli wa ava nya magumararu, a di beledwa khu Liphuvbo a ganela, khuye: “Ethu hi vathu vago, uwe Dhavhidhe, ethu hi womo gumogo nago, uwe mwamana wa Jese! Gurula, gurula gu na khale ni uwe! Ni gurula gu na khale ni vale va gu phasedzelago! Kholu Nungungulu wago, a ngu gu phasedzela.” Dhavhidhe a di va hakha, a va emisa gu khala vathangeli nya nyimbi.

Johane 14:27

“Nyi ngu mi tshiyelani gurula, nyi ngu mi ningani gurula gwangu. Kha nyi ningi gurula kha nga idzo li ningago khidzo litigo. Mu nga garadzegini myonyo yanu, gambe mu nga thavi gilo.

Varoma 12:13

Kabanani esi mu gu naso ni vandruye vale va gu mwalo gilo; hakhani gwadi vaendri.

1 Vakorinto 1:3

Wuhigo ni gurula gwa Nungungulu, Babe wathu ni gwa Pfhumu yathu Jesu Kristo gu na khale ni enu.

Vagalatiya 6:6

Oyu a hevbulago guti Ivhangeli ya Kristo, a na kabane siningwa saye nya sadi ni oyu a hevbudzwago khuye.

Vahebheru 13:2

Mu nga divali gu hakha vapfhumba, kholu, vambe, khu gu hakha vapfhumba, va hakhide dzingilozi nyamba dziti.

1 Pedro 4:9

Hakhani gwadi vapfhumba, nyamba garadzega.

1 Johane 3:18

Vandriyangu, lihaladzo lathu li nga khali basi nya guganele ni mabhulo. Li na khale lihaladzo nya lisine, li dzi yeyedza khu mithumo.

Valamuli 6:23

Khu guralo, Pfhumu Nungungulu a di mu embela, khuye: “Gurula gu na khale gwago! U nga thavi, khu na ngafa.”

1 Samuweli 25:6

Mu embela gitetema gile, khenu: Gurula gu na khale ni uwe, ni ndrangani gwago gu na gumanege gurula, ni satshavbo iso u gu naso si na mane gurula!