Valamuli 19:16 - Bhibhiliya Nya Guage

¹⁶ Ni wutshigu wowo, a di vboha mwama moyo nya gugumbe na gudugela gigomoni gya Efrayimi na gu wuya khu mahangeni gwaye, uye a diri muluveli dhoropani ga Gibheya, kholu va mune nya wulanga wowu va diri va na Bhejami.

Valamuli 19:16 Iomraidhean Croise

Genesi 3:19

U na lutuga ngudzu gasi gu mana iso u yelago gu hodza, kala litshigu u na gu bwelelago u gu khala gambe mafu. Kholu uwe u kudzudzwane, u na bwelela gambe u gu khala kudzudzwane.”

Dzindzimo 104:23

Khavbo a dugago muthu a hongola mithumoni gwaye, aya thuma mihani yatshavbo kala silambo.

Dzindzimo 128:2

Kholu u na hodza mihandro nya thumo wago, u na katega, satshavbo si na gu dugela gwadi.

Mavingu 13:11

Thomba nya gu yi mane khu gu kanganyisa, kha yi hweli gu vbela, aholu iyo nya gu yi mane khu guthuma ya gu engedzelana.

Mavingu 14:23

Thumo watshavbo wu na ni tshatshazelo waye, aholu gu ganela ngudzu basi, gwa gu yisa wusiwanani.

Mavingu 24:27

Phela khu gu lulamedza mithumo yago ya vbavbandze, u sayisa mahange yago, khavbo u na wumbago lipango.

Muhevbudzi 1:13

nyi dzi garadzide khu monyo wangu watshavbo gu vbweta wugengeli nyi khedza silo satshavbo si dugelelago mafuni; Nungungulu rwegide vathu thumo wowu nya gulemele gasi va wu thuma.

Muhevbudzi 5:12

Muthumegeli, gani a gu mana nya singi mwendro nya sidugwane, uye a gu lala ligovbe nya gutenge, aholu gukhura ga muthu nya gitetema kha gu mu ningi ligovbe.

Hoseya 9:9

Va phorode khu manyala nya sighoho nya sikhongolo, nga matshiguni ya Gibheya. Pfhumu Nungungulu, a na alakanya mithumo yawe nya guvivbe, a na va tsayisa khu kotani nya sighoho sawe.

Vaefeso 4:28

Oyu a nga bani a guba, a ngabi gambe, a na thume afela guvbanya khu mihandro nya lithonga laye, ni gu mana esi nya guphasedzele khiso sisiwana.

2 Vatesalonika 3:10

Aholu, hi di mi ningani giwonelo gasi mu gire nga idzo hi nga girago ethu. Kholu gikhati hi nga bani na hiri iyo gwanu hi mi embedeni nya gukhethu, oyu a si dzinigo gu thuma mwalo fanelo nya guhodze.

Valamuli 19:1

Khu gikhati gyogyo gu di bani gu si manegi mufumeli tigoni ga Israyeli. Gu giregide gu Mulevhi nya gukari, a nga bani a gu vbanya vbakari nya sigomo sa Efrayimi, a di dzi dzegela nyamayi nya gibhayi nya gudugele dhoropani ga Bhetlehema ga Judha.

Valamuli 19:14

Khavbo avbo, va di simama guya mbeli ni liendro lawe, vaya pfoledwa khu lidambo dhoropani ga Gibheya, a gu lidhoropa la Bhejami.

Valamuli 19:15

Va di phawuga, gasi guya lala dhoropani ga Gibheya; avbo va nga belago va diya khala tandralani nya lidhoropa, kholu kha va nga mana muthu nya gu va hakhe ndrangani gwaye gasi vaya lala avbo.

Valamuli 19:17

Avbo a nga khusa maho, a di wona muendri yoyu na khade tendrelani nya lidhoropa, gikhosane gile gi di mu wudzisa, khigyo: “Wa guta khu hayi, wa guya hayi?”