Valamuli 19:10 - Bhibhiliya Nya Guage

¹⁰ Aholu mwama wule kha nga dzumela gulala vbale, uye a di khuga a hongola, aya vboha dhoropani ga Jebhusi, a gu Jerusalema, nari ni patwa nya dziburu na dziri ni sighwabhata, gumogo ni mwangadzi waye.

Valamuli 19:10 Iomraidhean Croise

2 Samuweli 5:6

Mufumeli Dhavhidhe ni vathu vaye, va diya Jerusalema va ya dwana ni Vajebhuzi va nga bani va vbahide tigoni mule. Aholu, avo va di embela Dhavhidhe, khavo: “Gima khu na nga bela avba, kholu ambari sikhumu ni silima, si na gu lundra.” Isoso va di ganela na va gu vbweta gukhavo Dhavhidhe kha na nga bela dhoropani.

Josuwa 15:63

Khu guralo, va na Judha kha va nga dzi kodza gu tutumisa va na Jebhuzi; kotani nya isoso, va na Jebhuzi va nga gu simama gu vbanya Jerusalema, gumogo ni va na Judha kala na muhuno.

Josuwa 15:8

Khu vbale wu di gwela kala kovani ga Bheni-Hinomi, kala wu vboha vbinganoni ga Vajebhusi khu phuvbo ga Marandzi, mwendro Jerusalema; wu gwela kala tshokani nya gigomo gi guromo mbeli nya kova wa Himoni, guya Pfoladambo, gu guromo mahegiso nya kova wa Varefayini, khu phuvbo ga Wuronga.

Josuwa 18:28

Sela, Elefi Jebhusi (a gu Jerusalema), Gibheya ni Kiriyati; yatshavbo likhumi na mana madhoropa gumogo ni mitalala yaye; aya, ma diri thomba ya sanana sa Bhejami, gukhedza khu dzindranga dzawe.

Valamuli 1:8

Khavbo avbo, sanana sa Judha si di dhumela Jerusalema va sasela vavbanyi vaye khu matshari, va vbisa lidhoropa khu nilo.

Valamuli 19:9

Avbo mwama wule a nga vbweta gu khuga, uye, gibhayi gyaye ni githumi gyaye, sade waye, a gu babe wa mwangadzi waye, a di mu embela, khuye: U ngu wona nya gukhuwe olu lidambo li relede, li hwide li ngu pfola, gu ngu khala wutshigu, khala u lala u tsakisa monyo wago, mindru ni mambagugya u na wuga u hongola gaya gwago.