Valamuli 18:2 - Bhibhiliya Nya Guage

² Va na Dhani va di rumela livbandre vama nya linyumba lawe, nya dzindrena, na va gu dugela dhoropani ga Zora ni Esitaholi, guya li sola ni gu li wona gwadi. Va di va embela, khavo: “Indrani mu ya sola gwadi litigo.” Vama vale va di vboha gigomoni gya Efrayimi vaya bela ndrangani ga Mika, va ya lala avbo.

Valamuli 18:2 Iomraidhean Croise

Genesi 42:9

Khavbo avbo, Josefa a di dundruga dzindroro a nga lorago na dzi gu ganela khu avo, a va embela, khuye: “Enu mu vasoli nya litigo, mu dzude guta sola litigo, gasi guti umo litigo lathu la sa tiyago gwadi.”

Mavingu 20:18

Makungo yatshavbo ma gu dugelela khu gu mana wusingalagadzi; ni dzinyimbi dza gu gimbidziswa khu wugengeli.

Mitengo 13:17

Mosi a di va rumela gu ya sola litigo la Khanani, a va embela, khuye: “Gwelani khu phuvbo ga Negebhi mu hongola kala sigomotunu.

Luka 14:31

Ina ka, khu wevbini mufumeli a hongolago aya dwana nyimbi ni mumbe mufumeli, nyamba phela khu gu khala vbavbatshi a wona mwendro a na dzi khodza gu dwana ni mufumeli a tago ni magumavili mazana (20.000) vama, uye a gu bani ari ni likhumi magumi mazana (10.000) vama, basi?

Josuwa 15:33

Madhoropa ma vbahidwego panini khaya: Esitawoli, Zorani ni Asenani;

Josuwa 19:41

Litigo nya thomba yawe, li diri ni madhoropa yaya: Zora, Esitawoli, Iri-Semesi,

Josuwa 2:1

Josuwa, mwamana wa Nuni, a di rumela khu gisihaledza tigoni ga Kitimi vasoli vavili a va embela, khuye: “Indrani mu ya holelela gwadi litigo ni lidhoropa la Jeriko.” Va di hongola vaya bela ndrangani ga nyamayi moyo nya gibhayi, lina laye a ranwago pwani Rahabhi, avbo va nga ya khalago avbo.

Josuwa 2:2

Khavbo avbo, gu di embedwa mufumeli wa Jeriko, pwani: “Wona nya gukhuwe wutshigu wowu gu bede omu tigoni va na Israyeli nya gukari, gasi guta holelela litigo.”

Valamuli 13:2

Mwama moyo nya gudugele dhoropani ga Zora, nya gupwani khu Manowa, nya lihundzu la Dhani, mwangadzi waye a diri gyumba, a di si velegi.

Valamuli 13:25

Liphuvbo la Pfhumu Nungungulu li phede gu thuma gwaye avbo a nga bani na gu manega Mahangeni ga Mahani-Dhani, vbakari ga Zora ni Esitaholi.

Valamuli 16:31

Khavbo avbo, vandruye va Samisoni va di relela gumogo ni valongo vatshavbo va nyumbani ga babe waye, va ta mu dzega va gwela naye vaya mu dzinga thowoni ga babe waye Manowa, vbakari ni vbakari ga lidhoropa la Zora ni Esitawoli. Samisoni khade mulamuli wa Israyeli gipimo nya magumavili myaga.

Valamuli 17:1

A diromo mwama moyo nya gupwani khu Mika wa gigomoni gya Efrayimi,

Valamuli 18:11

Khavbo avbo, lihundzu la na Dhani, va di khuga khu dhoropani ga Zora ni Esitaholi, livbandre na limwedo mazana (600) vama na va somide matshari nya guye dwana nyimbi.

Valamuli 18:13

Khu vbale, va di khuga vaya gigomoni gya Efrayimi, va vboha kala ndrangani ga Mika.

Valamuli 18:3

Na vari vbafuvbi ni ndrangani ya Mika, va dipwa lito la lidzaha lile nya Mulevhi, va di hidzimela va mu wudzisa, khavo: “Khu mani a nga gu resago avba? Gasi ginani u girago avba? Ginani u gu nagyo avba?”

Valamuli 18:8

Avbo va nga bwelelago dhoropani ga Zora ni Esitaholi, va na gyawe va di va wudzisa, khavo: “Malosedzela muni mu hi wuyelago nawo?”

Valamuli 19:1

Khu gikhati gyogyo gu di bani gu si manegi mufumeli tigoni ga Israyeli. Gu giregide gu Mulevhi nya gukari, a nga bani a gu vbanya vbakari nya sigomo sa Efrayimi, a di dzi dzegela nyamayi nya gibhayi nya gudugele dhoropani ga Bhetlehema ga Judha.

Valamuli 19:18

Uye a di mu hakha, khuye: Ethu ha guta khu Bhetlehema ga Judha, ha guya kovani nya gigomo gya Efrayimi, a gu umo nyi velegedwego umo, nyi di endride nyi ya Bhetlehema ga Judha, gasi olu nya gu hongola Nyumbani ga Pfhumu Nungungulu, nya gu hamuga muthu nya gu nyi hakhe ndrangani gwaye.