Valamuli 17:8 - Bhibhiliya Nya Guage

⁸ Mwama yoyu, a di rura khu dhoropani ga Bhetlehema wa Judha gasi gugimbila a luvela umo a nga gu golago. Vbakari nya lipfhumba laye, a di vboha gigomoni gya Efrayimi, ndrangani ga Mika.

Valamuli 17:8 Iomraidhean Croise

Josuwa 24:33

Eliyazari, mwamana wa Aroni, a difa, a dzingwa nuye gigomoni gya Gibheya gi nga bani gi lumba Fineya, mwanaye, a nga bani a ningidwe tigoni nya gigomo gya Efrayimi.

Valamuli 17:11

Mulevhi a di nengela khu gu khala ni mwama yoyu, lidzaha leli li di khala nga gyanana gyaye.

Valamuli 17:7

Gu diromo lidzaha limwedo nya Mulevhi nya gudugele Bhetlehema ga Judha, nya lihundzu la Judha, uye a di luvede mule.

Valamuli 17:9

Mika a di mu wudzisa, khuye: “Wa guta khu hayi?” Uye a di hakha, khuye: “Nyi Mulevhi nya gute khu Bhetlehema ga Judha, nya gu gimbila nyi vbweta wulanga nya guvbahe umo, avbo nyi na gu golago.”

Rute 1:1

Ga gikhati valamuli va nga bani va gu fuma, gu di manega ndzala tigoni ga Israyeli. Mwama nya gukari wa Bhetlehema tigoni ga Judha, a di hongola ni mwangadzi waye gumogo ni sanana saye sa sivili aya luvela tigoni ga Mowabhi.