Valamuli 17:4 - Bhibhiliya Nya Guage

⁴ Khu guralo, Mika a di bweledza singerengere sile nya parata ga mayi waye, gasi uye a dusa mazana mavili singerengere nya parata aya si ningela ga mupfhuli a gira khiso gifananiso nya guvatwe nigyo nya gupfhudwe, gi ya khala nyumbani ga Mika.

Valamuli 17:4 Iomraidhean Croise

Isaya 30:22

Khu guralo, mu na nyenyezisa parata yi namegidwego umo nya sifananiso nya guvatwe ni ndralama yi nga namegwago umo nya sifananiso sawe nya gupfhudwe, mu na si dzudzugani hwindzo kha nga gilo nya gunyenyeze, muthu ni muthu, khuye: “Duga avba!”

Isaya 44:13

Muvati a gu pima lipulango khu ngodzi, a dzega lapi a tsenena; a li vata khu mbato, na gu pima a gira gifananiso nya muthu nya gumbure ngudzu, khu hwane a gi vega nyumbani gwaye.

Habhakuka 2:18

Sa gu thuma ginani sithombe nya vanungungulu si nga girwago khu muvati? Ahati githombe nya dzisimbi a gu muhevbudzi nya malipha? Kholu wule a si vatago a gu vega gitumbo ga gifananiso nya nungungulu a gi giridego nyamba ganela uye khu mandza yaye?

Dhewuteronome 27:15

Libango ga muthu a dzi girelago gifananiso nya guvatwe mwendro nya gupfhudwe, kholu manyala ga Pfhumu Nungungulu, gilo nya gugirwe khu thumo nya wumeseri, a gi vega gusihalani gasi gu gi khzela. Vathu vatshavbo va na hakha, khavo: “Amen!”

Valamuli 17:3

Khu guralo, Mika a di bweledza singerengere sile nya likhumi na limwedo mazana (1.100) ga mayi waye; aholu mayi waye a di mu embela, khuye: “Khu mandzani gwangu, nyi ngu ningela gyuma gegi ga Pfhumu Nungungulu khu gipandre gya mwamana wangu, gasi gu gira gifananiso nya guvatwe, olu, nyi ngu gi bweledza gambe iyo gwago.”

Valamuli 17:5

Mwama yoyu nya gupwani khu Mika, a diri ni nyumba nya vanungungulu, a di dzi girela efodhe ni dziterafine, a phasela moyo nya sanana saye, gasi a khala muphasi nya mhamba.

Valamuli 18:17

Aholu, avbo va nga gwelago vama vale nya livbandre, va nga bani va hongode vaya sola litigo, va di bela nyumbani, va dzega gifananiso nya guvatwe, efodhe, terafinisi ni gifananiso nya gupfhudwe, muphasi nya mhamba a di simama gu ema vbanyangwatunu, gumogo ni livbandre na limwedo mazana vama va nga bani va somide matshari nya nyimbi.