Valamuli 16:5 - Bhibhiliya Nya Guage

⁵ Vathangeli nya Vafilisitiya va di embela nyamayi, khavo: “Mu sengedzele gasi u kodza guti avbo gu dugelago avbo tshivba yaye nya yikhongolo, hi kodza guti hi na mu mola mamolelo muni, gasi hi mu hunga, hi mu vbedza tshivba. Moyo ni moyo nya ethu hi na gu ninga gyuma nya likhumi na limwedo maza (1.100) dzisikulu nya parata.”

Valamuli 16:5 Iomraidhean Croise

Genesi 33:16

Khu guralo, litshigu lolo furi, Esawu a di bela ndzilani a gu bwelela tigoni ga Seyiri.

Mikeya 7:3

Mandza yawe ma dzi emisede gasi gu gira guvivba; vathangeli va gu lomba siningwa, mulamuli a gu dzumela gu rengeledwa, va nya guthavisega va gu ganela khu manavelo ya monyoni gwawe, khu magirelo yaya, vatshavbo vadzuwungeli.

Matewu 26:15

“Kharini mu na gu nyi livbago nya gu mi ningani Jesu?” Avo va di mu ninga magumararu singerengere nya silivha.

Josuwa 13:3

gukhugela Siyori, gu manegelago mbeli ga Egipito, kala vbinganoni ga Ekoroni khu phuvbo ga Wuronga, litigo li gupwani la gu lumba Vakhanani; litigo li gu ni livbandre manganagana nya Vafilisitiya va Gaza, va Asidhodhi, va Asikeloni, va Gati ni va Ekoroni;

Valamuli 14:15

Avbo gu nga vbindrago livbandre na mavili matshigu, va di embela ngadza Samisoni, khavo: “Gurumedza mwama wago a hi ninga tshamuselo nya tekatekane, wa gumba gira kharato, uwe ni va na gyanu hi na mi vbisa khu nilo. Mu di hi ranani gasi guta hi dzegelani iso si hi lumbago, na?”

Valamuli 16:4

Khu hwane nya ugo, Samisoni a di dogorela nyamayi nya gudugele kovani wa Soreki, nya gupwani khu Dhalila.

Valamuli 16:6

Khavbo avbo, Dhalila a di wudzisa Samisoni, khuye: “Nya gu lomba gukheni u nyi embele avbo yi dugelago avbo tshivba yago nya yikhongolo, mahungelo muni va yelago gu gu hunga khayo?”

Valamuli 17:2

a di ganela ga mayi waye, khuye: “Gyuma nya likhumi na limwedo mazana (1.100) singerengere nya parata u nga bani u wandredwe u nga kala u ganela guvivba khu kotani nya igyo, kheni nyi gu nagyo.” Khavbo avbo, mayi waye a di mu embela, khuye: “Pfhumu Nungungulu a na gu kategise, mwanangu.”

Valamuli 3:3

Va nya mayigo vakone khava: Livbandre manganagana nya Vafilisitiya, ni vatshavbo Vakhanani, Vasidhoni ni Vahevhi, va nga bani na va vbanya musigomoni sa Libhanoni, gukhugela gigomoni gya Bhahali-Herimoni, kala nyangwani ga Hamati.

1 Samuweli 29:6

Khavbo avbo, Akisi a di rana Dhavhidhe a mu embela, khuye: “Nyi ngu sambanya khu Pfhumu Nungungulu a vbanyago, gukheni uwe u lulamide, nyi di gu wona gukheni gu diri gwadi gu longoloka neni nyimbini momu; kholu gimwalo gihoso ni gimwegyo nyi gi manidego avbo gwago, gukhugela litshigu u vbohidego avbo gwangu kala muhuno; aholu manganagana yangu, kha ma tsaki khuwe.”