Valamuli 16:16 - Bhibhiliya Nya Guage

¹⁶ Khu litshigu ni litshigu, Dhalila a di garadza Samisoni a mu vbedza tshivba khu magana yaye. Hefemulo waye wu di garadzega ngudzu nya gukhwatshi a nafa.

Valamuli 16:16 Iomraidhean Croise

Joba 21:4

Gasi eni nya gu ganedzisana ni muthu, gani? Khu ginani hefemulo wangu wu ngamba vbela tshivba, na?

Jona 4:9

Khavbo avbo, Nungungulu a di embela Jona, khuye: “Ina wa gu pimisa gukhuwe u na ni fanelo nya gugoroge khu khungu yoyu, gani?” Uye a di hakha, khuye: Nyi ngu yela nyi manega ni giviti kala nyifa.

Marko 14:24

a di va embela, khuye: “Owu novba wangu; novba nya gidzumeledzwano nya giphya, wu na vbaladzedwago va nya gutala.

Luka 11:8

Dzitini nya gukhenu, ambari na si dzini gu wuga a mu ninga sibaba khu kotani nya wupari wawe, a na kala a wuga khu kotani nya gupwe gugoroswa khuye, a mu ninga satshavbo a si nago.

Luka 18:5

nyi ngu lamula noni yeyi, yi nyi garadzago, gasi yi nyi dige nyi rula, yi siti nyi garadza gambe.’ ”

Valamuli 14:16

Khavbo avbo, ngadza Samisoni a di ya lila ga mwama waye, khuye: “Uwe nyi ngu gu wona nya gukheni khu nyi goli, gambe khu nyi haladzi, kholu u ningide tekatekane va na gyathu gasi va yi ninga phindrulo, nyamba phela khu gu nyi embela tshamuselo waye.” Uye a di mu embela, khuye: “Ambari babe ni mayi wangu nyi ngamba va pwadzela, khu ginani nyi na phelago khuwe nyi gu tshamusela?”

Valamuli 14:17

Ngadza Samisoni, a di lila mbeli gwaye ndrani nya livbandre na mavili matshigu nya buzo. Khu guralo, khu litshigu nya livbandre na mavili a di mu ninga tshamuselo, kholu a di simama gu mu garadza. Khavbo avbo, uye a diya ninga tshamuselo va na gyawe.

Valamuli 16:15

Khavbo avbo, uye a di mu embela, khuye: “Khu ginani u gukhuwe u ngu nyi haladza, narigu monyo wago kha wu nyi tumbi. Olu nyondro tharu na wu gu nyi kanganyisa u si nyi embeli umo u manago tshivba yago nya yikhongolo.”

Valamuli 16:17

Khu guralo, uye a di mu lembedza sihalo waye, khuye: “Gukhugela nyi velegwa nyi si gu gaywi ndzudzu, kholu nyi Munaziri wa Nungungulu. Nya gu kala nyi gaywa ndzudzu wa hungoni gwangu, tshivba yangu yi na duga, nyi vbela, nyi khala nga mumbe muthu.”