Valamuli 12:5 - Bhibhiliya Nya Guage

⁵ Va na Gileyadhi, va di lundra va na Efrayimi vaya sega dzindzila nya gutshatuge tsongo wa Joridhani. Avbo, moyo wa na Efrayimi a gu tutuma a ta, khuye: “Nya gu lomba guvbindra,” va na Gileyadhi va di mu wudzisa, khavo: “Uwe u wa na Efrayimi, gani?” A gu phindrula, khuye: “Ahihi,”

Valamuli 12:5 Iomraidhean Croise

1 Dzipfhumu 11:26

Jerobhowamo, mwamana wa Nebhati, wa na Efrayimi wa tigoni ga Zereda, mayi waye a nga bani ari noni, nya gupwani khu Zeruwa, ambari a nga bani ari githumi gya Solomoni, uye nuye a di wugela mufumeli.

Josuwa 2:7

Khavbo avbo, vama va nga rumedwago khu mufumeli va di va landra khu ndzila nya gutshatuge tsongo wa Joridhani; na va dugide vama va nga bani va va landra khu hwane, gu di segwa lidimba.

Josuwa 22:11

Va na Israyeli va dipwa gupwani va na Rubheni, va na Gadhi ni gipandre nya lihundzu la na Manasi, va emiside giluvelo vbafuvbi ni Joridhani, vbinganoni ga Khanani khu phuvbo ga va na Israyeli.

Valamuli 12:4

Khavbo avbo, Jefiti a di tombanisa vama vatshavbo va Gileyadhi aya dwana ni va na Efrayimi, va na Gileyadhi va di sasela va na Efrayimi; kholu va na Efrayimi va di embede va na Gileyadhi, khavo: “Enu va na Gileyadhi, mu valuveli va na Efrayimi ni ga va na Manasi.”

Valamuli 12:6

va di mu embela, khavo: “Ganela khuwe xibolete.” Aholu uye a di khuye sibolete, kholu va na Efrayimi va di si kodzi gutshamusela gwadi magana yaya; khavbo avbo, va di mu mola va mu pila ngolo tshatugo ga Joridhani; khu gikhati gyogyo, gu di songwa magumana na mavili magumi mazana (42.000) vama va na Efrayimi.

Valamuli 17:7

Gu diromo lidzaha limwedo nya Mulevhi nya gudugele Bhetlehema ga Judha, nya lihundzu la Judha, uye a di luvede mule.

Valamuli 3:28

A di va embela, khuye: “Nyi landreni, kholu Pfhumu Nungungulu, ningede mandzani gwanu valala vanu.” Va di mu landra va relela, vaya dzega wulanga va nga bani na va guvbindra khavbo va na Mowabhi tsongoni wa Joridhani, va si dzumedzisi ni moyo gu vbindra khavbo.

Valamuli 7:24

Gidhiyoni a di rumela gambe myango musigomoni gwatshavbo sa Efrayimi, a ganela, khuye: “Relelani mu ta dwana ni Vamedhiyani, mu va himbedzela gu tshatuga mati ya Joridhani kala Bheti-Bhara.” Na va rambidwe vatshavbo va na Efrayimi, va di va dzegela milambo kala Bheti-Bhara ni Joridhani.

1 Samuweli 1:1

Gu diromo mwama moyo nya lihundzu la Efrayimi, nya gupwani khu Elikana, mwamana wa Jeyoramo, mwamana wa Eliyu, gyanana gya Towu, mwamana wa Sufi a nga bani a vbanyela dhoropani ga Rama ga gipandre nya gigomo gya Efrayimi.