Valamuli 12:4 - Bhibhiliya Nya Guage

⁴ Khavbo avbo, Jefiti a di tombanisa vama vatshavbo va Gileyadhi aya dwana ni va na Efrayimi, va na Gileyadhi va di sasela va na Efrayimi; kholu va na Efrayimi va di embede va na Gileyadhi, khavo: “Enu va na Gileyadhi, mu valuveli va na Efrayimi ni ga va na Manasi.”

Valamuli 12:4 Iomraidhean Croise

1 Dzipfhumu 17:1

Khavbo avbo, Eliya wa Tesibe, a nga bani a vbanyela Gileyadhi, a di embela Akabi, khuye: “Nyi ngu sambanya khu Pfhumu Nungungulu wa Israyeli a vbanyago, oyu nyi mu thumelago, kheni: Khu matshigu yaya, gima kha ya nawa ndzadzi, ambari gu thega thondrwane eni nya gumba ganela gilo.”

Nehemiya 4:4

Nyi di lombelela ga Nungungulu nombelo yoyu, kheni: A ma Nungungulu wathu, nga yingisa idzo va hi valago khidzo! Ndrwadza va hi girelago yi na thegele mihungoni gwawe. Va na thegele mandzani ga valala va vbagedwa va yiswa wugumbini ga mambe mayigo.

Dzindzimo 78:9

Sanana nya lihundzu la Efrayimi, avo va somidego wulaho ni matshari, va diya thava va tutuma litshigu nya nyimbi.

Mavingu 12:13

Muthu nya guvivbedwe khu monyo, a gu dzi modzisa khu magana yaye nya guwegele, aholu uye a lulamidego a na vbuluga musigaradzoni.

Mavingu 15:1

Phindrulo nya gu dzi nogise, yi ngu vbodzisa likhulo, aholu magana nya gupaye, ma gu wusa likhulo.

Valamuli 11:10

Vathangeli va Gileyadhi va di phindrula, khavo: “Pfhumu Nungungulu a na khala fakazi vbakari gwathu; hi na gira satshavbo u na ganelago.”

Valamuli 12:3

Avbo eni nyi wonidego gukheni kha mu nyi vbulugisi, nyi di dzumela gu ningela womi wangu nyi ya dwana ni va na Amoni, Pfhumu Nungungulu a di va ningela mandzani gwangu, enu gasi olu, khu ginani mutago muta nyi dwanisa?”

Valamuli 12:5

Va na Gileyadhi, va di lundra va na Efrayimi vaya sega dzindzila nya gutshatuge tsongo wa Joridhani. Avbo, moyo wa na Efrayimi a gu tutuma a ta, khuye: “Nya gu lomba guvbindra,” va na Gileyadhi va di mu wudzisa, khavo: “Uwe u wa na Efrayimi, gani?” A gu phindrula, khuye: “Ahihi,”

1 Samuweli 25:10

Nabhali a di hakha sithumi sa Dhavhidhe, khuye: “Gasi khuye mani Dhavhidhe? Khuye mani mwamana wa Jese? Matshigwana yaya si tade sithumi si tutumago vamune vawe.