Valamuli 11:39 - Bhibhiliya Nya Guage

³⁹ Na gu vbindride migima mivili, a di wuya ga babe waye, a di ta mu gira kha nga idzo a nga sambanyago khidzo. Uye gima kha nga diga wukendzi waye. Khu vbale giolovedzo gi di phela tigoni ga Israyeli,

Valamuli 11:39 Iomraidhean Croise

2 Dzikoronika 35:25

Jeremiya a di emba ndzimo nya gulile Josiya. Vatshavbo vaembeleli nya vama ni vanyamayi, gililoni gwawe, va di ganela khu Josiya, va nga gu simama gu embelela ndzimo yoyo kala na muhuno; owu wu khade nari nayo tigoni ga na Israyeli. Dzindzimo dzedzi nya gililo dzi lovidwe umo nya Libhuku nya gililo.

Isaya 66:3

Muthu a payago mombe, a ngu fanana ni oyu a songago muthu; oyu a payago nvutana a gira khiyo phaselo, a gu fanana ni oyu a tshomborosago thamo nya yimbwa; oyu a ningelago ningelo khu wuguvbi, a gu fanana ni oyu a ningelago khu novba nya khumba; uye a vbisago libani, a gu fanana ni uye a khozelago sifananiso. Kha nga olu avo va dzi hathedego dzindzila dzawe wurumba, mihefemulo yawe yi na tsakela silo nya gunyenyeze.

Dhewuteronome 12:31

U nga giri kharato ga Pfhumu Nungungulu wago, kholu gunyenyeza gwatshavbo gu nyenywago khu Pfhumu Nungungulu, avo va dzi girede vanungungulu vawe, khu guralo, vathu vovo va vbiside niloni sanana sawe va vbisela vanungungulu vawe.

Valamuli 11:31

wule a na phelago khuye gu duga khu ndrangani gwangu, gasi gu nyi khinga na nyi wuya khu nyimbitunu na nyi pade va na Amoni, a na bani ari wago Pfhumu Nungungulu nyi na mu ningela kha nga phaso nya guvbiswe.”

Valamuli 11:38

Uye a di ganela, khuye: “Gimbila.” A di mu diga a hongola aya vbedza migima mivili. Khavbo avbo, uye a di hongola sigomoni gumogo ni dzipari dzaye, va di lila, kholu uye gima kha na dzegwa a velega gyanana.

Valamuli 11:40

nya guduge dzimbiri gipimo nya matshigu mana, myaga yatshavbo, gasi gu gira gialakanyo gya nyamahegyane wa Jefiti, Mugiileyadhi.

1 Samuweli 1:11

A di gira gisambanyo a ganela, khuye: “Ama Pfhumu Nungungulu nya Tshivba Yatshavbo, nari gukhwatshi wa gu wona tshanisa ya githumi gyago, nari pwani nya gu mana wuhigo nya gu nyi ninge gyanana nya gikhwathana, eni nyi di hadza gu gi phasela ga Pfhumu Nungungulu matshigu yatshavbo nya guvbanye gwaye, ni ndzudzu waye, wu di hadza gumba gaywa khu gisingwana.”

1 Samuweli 1:22

Aholu, Ana kha nga hongola, a di ganela, khuye: “Avbo nyi na gu digisago libele gyanana, nyi na hongola naye gasi gi kodza guya bikedwa mbeli ga Pfhumu Nungungulu, gi khala iyoyo matshigu yatshavbo nya guvbanye gwaye.”

1 Samuweli 1:24

Hwane nya gu na lumude gyanana, a di gi dzega gumogo ni gimombyana nya myaga miraru, ni ndrengo nya wuguvbi ni liboteri nya vbinyu, aya si bikela Nyumbani ga Pfhumu Nungungulu, dhoropani ga Silo. Aholu gyanana gi di bani gi ngari gidugwana ngudzu.

1 Samuweli 1:28

Khu guralo, nyi ngu gi resa nyi gi bweledza ga Pfhumu Nungungulu, guvbanyani gwaye gwatshavbo; kholu nyi gi lombide ga Pfhumu Nungungulu.” Khavbo avbo, va di lombelela vbale ga Pfhumu Nungungulu.

1 Samuweli 2:18

Khavbo avbo, Samuweli a di gu thuma mbeli ga Pfhumu Nungungulu, na ambade keka nya seda nya wuphasi nya mhamba na ngari lidzaha.