Valamuli 10:16 - Bhibhiliya Nya Guage

¹⁶ Khavbo avbo, va di khungumulela vanungungulu nyamba phasa gilo va nga bani varomo vbakari gwawe, va khozela Pfhumu Nungungulu; uye a di vbisega ngudzu khu kotani ya Israyeli.

Valamuli 10:16 Iomraidhean Croise

Genesi 6:6

Nungungulu a di dzi laya kholu a nga girago muthu, a di swihala ngudzu.

2 Dzipfhumu 13:23

Aholu Pfhumu Nungungulu a di va pwela gisiro, a va girela wuhindzi, a va tsetselela khu lihaladzo laye nya pwanano a giridego ni Abrahama, Isaki ni Jakobe; a si dzumeli gu va mbembisa ni gu va dzudzuga hwindzo ni khovbe yaye.

2 Dzikoronika 15:8

Asa na pwide magana yaya, ni wuprofeti wa muprofeti Azariya, mwamana wa Obhedhi, a di tiya longo a dusela manyala yatshavbo nya gunyenyeze tigoni ga Judha ni ga Bhejami, gumogo ni madhoropani gwatshavbo a nga ma dwanela a ma wandra, gipandre gya mugigomoni gya Efrayimi; a wusedza giluvelo gya Pfhumu Nungungulu gi nga bani gi romo mbeli nya Nyumba ya Pfhumu Nungungulu.

2 Dzikoronika 33:15

A dusa Nyumbani ga Pfhumu Nungungulu vanungungulu va va nya mayigo, ni gifananiso, gumogo gambe ni siluvelo satshavbo a nga bani a si emiside gigomoni nya Nyumba ya Nungungulu dhoropani ga Jerusalema, a si dzudzuga vbavbandze nya lidhoropa.

2 Dzikoronika 7:14

vathu vangu, va ranwago khu lina langu, va gu dzi sodzisa ni gu va lombelela khu gu vbweta Lina Langu, va hambana ni dzindzila dzawe nya guvivbe, na nyiri kheno ndzadzini, nyi na va yingisa, nyi va tsetselela sighoho sawe, nyi vbodzisa litigo lawe.

Dzindzimo 73:21

Avbo monyo wangu wu nga vbisega wu khunguvanyega hefemulo wangu,

Isaya 63:9

Gutshanisekani gwawe gwatshavbo, uye a di tshaniseka gumogo navo, Ngilozi yi guromo mbeli gwaye, yi di va vbulugisa; a di va dzegisa khu lihaladzo ni gu va pwela gisiro, a va dzega, a va hetedza gukhugela matshiguni yawe yatshavbo ma vbindridego.

Jeremiya 31:20

Ina kamwe Efrayimi khandri uye gyanana gyangu nya gigodwa, gani? Gyanana gi godwago khu monyo wangu, gikhati nya gingi mapimo yangu kha ma digi gu mu alakanya; ni monyo wangu wa gu salala mbeli gwaye, khu guralo, nyi na mu pwela wuhindzi; a ngu ganela Pfhumu Nungungulu.

Hoseya 11:8

Nyi na dzi kodza kharini gu gu diga, uwe Efrayimi? Nyi na dzi kodza kharini gu gu ningela mandzani ga vambe, uwe Israyeli? Nyi na dzi kodza kharini gu mu gira kha idzo nyi nga girago khidzo lidhoropa la Adima? Gu mi girani nga idzo nyi giredego va Zebhoyimi? Khu ndrani nya monyo wangu gwa gu vila, nyi tala khu wuhindzi nyi gu pwela gisiro.

Hoseya 14:8

Enu va na Efrayimi: Kha nyi vbweti gambe gupwa gilo khu sifananiso sanu? Kheni kamwe nyi mu ningago phindrulo nyi bwelo khavbo nyi mu sayisa. Eni nya gu nyuga gu fanana ni simbo nya pinyu, mihandro yago, ya gu dugela avbo gwangu.

Mikeya 7:18

Khu mani uwe Nungungulu a fananago ni uwe, u tsetselelago guvivba, ni gu divalela guyeyisa ga mitshaledwa nya thomba yago? Pfhumu Nungungulu kha khali na gu vbisega khu likhulo gikhati gyatshavbo, kholu a gu tsaka khu gupwela wuhindzi.

Luka 15:20

A di phara ndzila aya ga babe waye. “Na nga guta khu hwindzo, a di wonwa khu babe waye, a nga pwago gisiro, a mu khinga khu mazambo, aya mu wugarela ni gu mu bhejari.

Luka 19:41

Gikhati a nga vbohago dhoropani ga Jerusalema, a li khedza gwadi, a di lila, khuye:

Johane 11:34

a gu va wudzisa, khuye: “Mu mu dzingide hayi?” Va di hakha, khavo: “Pfhumu, delu uta gu wona.”

Vaefeso 4:32

Khalani vathu nya ndruda, mu pwelana wusiwana, mu tsetselelana khu gyanu, kha nga Nungungulu a mi tsetseledego khu ga Kristo.

Dhewuteronome 32:36

Kholu, Pfhumu Nungungulu, a na lamulela vathu vaye, ni gupwela gisiro sithumi saye, avbo a na va wonago gukhuye va ngu vbela tshivba, ni gukhuye avbo gwawe mwalo na moyo a na tshalago, gu mwalo khumbi mwendro nya gutshulege.

Vahebheru 3:10

Khidzo kharato nyi nga khala giviti navo, nyi ganela, kheni: “Ava vathu nya guvivbedwe khu myonyo, kha va dzini gu landrisa dzindzila dzangu.”

Vahebheru 4:15

Muphasi wathu nya khongolo nya mhamba a ngu dzi kodza gu hi pwela wusiwana nya sighoho sathu, kholu, uye nuye lingidwe kha nga ethu, aholu, gima kha ghoha.

Josuwa 24:23

Gasi olu, dzudzugani hwindzo vanungungulu nya malipha va guromo vbakari gwanu mu neredza myonyo yanu ga Pfhumu Nungungulu wa Israyeli.

Valamuli 2:18

Gikhati Pfhumu Nungungulu a nga bani a va wusela valamuli, Uye a di gu khala ga moyo ni moyo nya mulamuli, a vbulugisa vathu vaye mandzani ga valala vawe, gikhatini gyatshavbo nya guvbanye ga mulamuli yoyo; kholu Pfhumu Nungungulu a di gupwa gisiro khu avo, khu tshanisa va nga bani va giredwa khu vatshanisi vawe.

1 Samuweli 12:10

Va di lila ga Pfhumu Nungungulu, khavo: “Hi ghohide, kholu hi nga diga Nungungulu hi ya khozela vanungungulu nya Vabhahali ni sifananiso sa Asitaroti (nungungulu nya nyamayi), gasi olu, hi vbulugise mandzani ga valala vathu, hi na ta gu khozela.”

1 Samuweli 7:3

Khavbo avbo, Samuweli a di ganela ga va na Israyeli vatshavbo, khuye: “A gu bani nari mwa gu wuyani ga Pfhumu Nungungulu khu monyo wanu watshavbo, dusani vbakari gwanu, vanungungulu nya valombo ni sifananiso sa Asitaroti, mu namarela khu monyo wanu watshavbo ga Pfhumu Nungungulu, mu thumela uye basi, uye a na mi vbanyisa mandzani ga Vafilisitiya.”

1 Samuweli 7:4

Khavbo avbo, va na Israyeli va di dusa vbakari gwawe sifananiso nya Vabhahali ni sa Asitaroti, va thumela basi Pfhumu Nungungulu.