Vafilipi 4:8 - Bhibhiliya Nya Guage

⁸ Khu guhegisa, vandruye, nyari kheni thelani kota khu esi nya lisine, nya gululame, nya guyele, nya guagiswe, nya gugolege, esi nya wuzundzo, nya ndruda, si yelago gu dhumiswa.

Vafilipi 4:8 Iomraidhean Croise

Genesi 18:19

Kholu nyi mu hathide gasi a laye sanana saye ni linyumba laye gu landrisa ndzila ya Pfhumu Nungungulu, khu gu gira gululama ni lisine; khu magirelo yoyo, Pfhumu Nungungulu a na tadzisa gitumbiso gyaye ga Abrahama.”

2 Samuweli 1:23

Sawule ni Jonatane va di gu godwa ni gu haladzwa, guvbanyani ni gufani, gima kha va hambana! Va di gu vbuvba gu vbindra maghama, ni tshivba gu vbindra dzinghala.

2 Samuweli 23:3

Nungungulu wa na Israyeli ganede, Giwindri gya Israyeli gi di nyi embela, khigyo: A na manega uye a na fumelago vathu khu gululama, mufumeli a ningago githawo Nungungulu,

Dzindzimo 82:2

“Kala lini mu na hegisago gu lamula nyamba lulama? Kala lini mu na gu emela va nya guvivba?

Mavingu 11:1

Gikalo nya wudambane manyala ga Pfhumu Nungungulu, aholu Uye a gu nengela khu pimo nya lisine.

Mavingu 12:4

Nyamayi nya ndruda, gihugu nya wufumu hungoni ga mwama waye, aholu uye a thelago dzitshoni mwama waye, madwali ma hinisago sikongolo saye.

Mavingu 16:11

Pimo ni gikalo nya gululame, sa guta khu ga Pfhumu Nungungulu, mipimo yatshavbo nya yadi, khuye a yi giridego.

Mavingu 20:7

Muthu nya wadi a gu gimbila gululamani gwaye, si kategide sanana si na mu landrelago.

Mavingu 31:10

Khu mani saye a kodzago gu mana nyamayi nya wadi, kholu tengo waye wungi guvbindra siwindri nya gukhedzige.

Mavingu 31:29

Vanyamayi nya vadi vangi, aholu uwe, u ngu va vbindra vatshavbo.

Mavingu 31:31

Mu ningeni handro wa mandzani gwaye, a na zundzwe khu vathu khavbo nya mithumo yaye.

Gizimba 5:16

Khanani gwaye gwa gulombela ngudzu; giemo gyaye gyatshavbo khya gu golega. Khidzo a khadego khidzo gigodwa gyangu eno mwama wangu, enu va nyamahegyanenu va Jerusalema.

Isaya 26:7

Ndzila ya wule a lulamidego khya lisine, uwe u lulamidego guvbindrisa, agisa ndzila ya vale va lulamidego.

Matewu 22:16

Va di rumela vapizane vawe, gumogo ni va na Herodhi, gasi guya mu wudzisa, khavo: “Muhevbudzi, hi ngu dziti nya gukhethu u muthu nya lisine, ni gukhethu u ngu hevbudza ndzila ya Nungungulu kha nga idzo li lombago khidzo lisine; khu thavi muthu, kholu khu khedzi giemo nya muthu.

Marko 6:20

Kholu Herodhi a diri ni githawo ga Johane khu gu muti khuye muthu nya ndruda a agidego, a di mu vhikela. Uye, khu gu mupwa basi na gu ganela a di hambanega mapimo, aholu, a di mu yingisa khu gunengela.

Luka 16:15

Jesu a di khuye: “Enu mwa guvbweta gu zundzwa kha nga vathu nya ndruda, vbakari nya vathu, aholu Nungungulu a ngu wona myonyo yanu. Kholu iso si khusegidego mahoni nya vathu si nyenyezide mahoni ga Nungungulu.

Luka 2:25

A di gu vbanya Jerusalema mwama moyo nya gupwani khu Simiyoni. Adiri muthu nya gululame ni githawo ga Nungungulu; a di gu lindrela gu tangadziswa ga Israyeli, Liphuvbo nya Guage li diri gwaye.

Luka 23:50

A diromo mwama moyo nya gupwani khu Josefe, a nga bani ari moyo nya madhota, a nga bani ari muthu nya ndruda ni gululama.

Johane 7:18

Uye a dzi fakazelago abune a gu vbweta gidhumo gyaye, aholu oyu a vbwetago gu dhumisa uye a nga mu rumelago, muthu nya lisine, a gu mwalo malipha.

Mithumo 10:22

Avo va di hakha, khavo: “Hi di rumwa khu Korineliyo, muthangeli nya gikwata nya lizana masotshwa, muthu nya ndruda ni githawo ga Nungungulu, uye a zundzwago khu litigo latshavbo nya Vajudha. A di embedwa khu ngilozi ya Nungungulu gu gu ranisa u hongola ndrangani gwaye, gasi uye aya yingisa magana yago.”

Mithumo 22:12

“A diromo mwama moyo nya gupwani khu Ananiya, muthu nya ndruda khu Nayo. Vajudha vatshavbo va di gu ninga wukustumunyu khu wuwadi waye.

Mithumo 6:3

Khu kharato, vandruye, hathani vbakari gwanu livbandre na vavili vama nya ndruda nya gutale khu Liphuvbo ni guti, hi na va ninga avo thumo yoyo,

Varoma 13:13

Hongoleni hi vbanye khu gululama nga vathu va vbanyago safani nya mihani; hi nga vbanyeni khu wukhondrobwa ni guleva; hi nga vbanyi wuphuphuluni ni mithumo nyamba yadi; hi nga vbanyeni khu gu dwana ni lidiwo.

Varoma 13:3

Vathangeli kha va theli hwanga vale va vbanyago khu gululama, aholu vale va girago guvivba. Ina khu dzini gu thava vathangeli, gani? Vbanya khu gululama, va na gu tsakela.

Varoma 14:18

Muthu a thumelago Kristo khu magirelo nya nga ayoyo, a ngu tsakisa Nungungulu, a wuya a zundzwa khu vathu.

Varoma 2:29

Mujudha nya lisine khu wule a gu Mujudha khu monyoni gwaye, a nuwo wugwera nya lisine khu wule wu hanwago monyoni, wu hanwago maningano khu edzi li lombago khidzo Liphuvbo, nasiri khu edzi wu lombago khidzo nayo nya gulowe. Khuye oyu a rungudzwago khu Nungungulu, ambari a si rungudzwi khu vathu.

1 Vakorinto 4:5

Khavbo avbo, mu nga tutumeli gu lamula gi si gu vbohi gikhati. Virelani Pfhumu a wuye. Uye khuye a nata wenengedzago esi si sihadego gidemani, ni gu funungula esi si sihadego myonyoni nya vathu. Khavbo avbo, muthu ni muthu a na ningwa khu Nungungulu wuzundzo wu mu fanelago.

2 Vakorinto 13:7

Nya gu lomba ga Nungungulu, kheni mu nga giri guvivba. Khandri khu kota nya gufele gu hi hakhwa, nya gu vbweta gukheni mu gire esi nya sadi, ambari hi wona nga khwatshi kha ha hakhwa.

2 Vakorinto 6:8

Ha gu zundzwa khu vambe, hi vadwa khu vambe; vambe va gu ganela gwadi khu ethu, vambe va gu ganela guvivba. Va gu hi wona kha nga vathu nya malipha, gasi ethu ha gu ganela lisine.

2 Vakorinto 8:18

Hi rumede gumogo ni uye, mumbe ndriyathu a zundzwago khu mabandla yatshavbo khu gu tshumayela Ivhangeli,

2 Vakorinto 8:21

Egi hi gi vbwetago khu wuwadi, hi si wu giri basi mbeli ga Pfhumu, aholu, hi wu gira gambe vbakari nya vathu.

Vagalatiya 5:22

Gasi mithumo ya Liphuvbo la Nungungulu, kheyi: Lihaladzo, litsako, gurula, gutimisela, gu dzi ningedzela, ndruda, wuwadi, gutumbega,

Vaefeso 4:25

Khu kharato, nyenyani malipha; muthu ni muthu a na ganele lisine ga muthu kwawe, kholu ethu hatshavbo hi sivbango nya givili gimwegyo.

Vaefeso 5:9

Guwonegela khugo gu vangago mihandro nya wuwadi watshavbo, ni gululama, ni lisine.

Vaefeso 6:14

Khalani na mu dongide, mu phara lisine mandzani, mu li gira libhandri nya guhunge giwununi gwanu; gululama mu gu gira givhikelo nya khana yanu;

Dhewuteronome 16:20

U na landra basi gululama, gasi u kodza guvbanya ni gu hakha kha nga thomba litigo lile Pfhumu Nungungulu wago, a na gu ningago.

Vafilipi 3:1

Khu guhegisa, vandruye, nya gu gola gu mi embela, kheni: Nengelani ga Pfhumu! Eni kha nyi garali khu gu mi lovela khu mahungu yaya kholu ma ngu mi phasani.

Vakolosi 4:5

Vbanyani khu guti ni mapimo vbakari nya vale va si khodwigo, mu londrola gwadi gikhati mu gu nagyo.

1 Vatesalonika 4:12

Khu guralo, mu na mana lisima ga vathu va vbavbandze, mu vbanya nyamba lemedzani muthu.

1 Thimoti 2:2

khu vafumeli ni vathangeli nya mufumo gasi hi vbanye khu gurula, hi khalega gwadi, khu githawo gyatshavbo ni gululama.

1 Thimoti 3:11

Vanyamayi navo, gu vbwetega vale va lulamidego, va gu mwalo milembo, va dzi pharago, va tumbegago ga silo satshavbo.

1 Thimoti 3:4

Oyu a kodzago gu fumela ndranga yaye, a kodzago gu hevbudza githawo sanana saye.

1 Thimoti 4:12

Kha gu vbwetegi ni moyo a gu yeyisa khu gukhuye u ngari gikhwathana. Gu vbwetega u khale giwonelo ga vakhodwa khu maganelelo, ni magirelo ni lihaladzo, ni gukhodwa, ni mavbanyelo nya yadi.

1 Thimoti 5:10

Gu vbwetega a tidwa nga nyamayi moyo a giridego mithumo nya gululame, a hevbudzidego gwadi sanana saye, a kodzago gu hakha sisiwana, a dzi vegidego vbavbatshi thumoni nya vakhodwa, a phasedzedego sisiwana sigaradzoni gwawe, a thumidego mithumo yatshavbo nya yadi.

1 Thimoti 5:2

Vega githawo ga vanyamayi nya vakhongolo, nga vamayi; vale nya dzimbiri, nga vandriyago, khu githawo nya gikhongolo.

Tito 1:8

Aholu, gu vbwetega oyu a kodzago gu hakha vapfhumba, a gola esi nya sadi, gu vbwetega muthu nya mapimo a gu ni lisine, a gu mukhodwa, ni ndruda;

Tito 2:14

Uye a di dzi ningela wurumba waye kotani gwathu, afela gu hi vbulugisa guvivbani gwatshavbo, a hi gira vathu nya guage va lumbago uye basi, va dzi vegisedego gu gira esi nya sadi.

Tito 2:2

Embela madhota ma khale vathu nya gu dzi pimele, nya giruti, nya mapimo, va lulama gukhodwani ni lihaladzo ni gutimisela.

Tito 2:7

Uwe nuwe gu vbwetega u khale giwonelo nya mithumo ya yadi ga satshavbo; guhevbudzani yeyedza lisine, u yeyedza gululama khu mavbanyelo yago.

Tito 3:14

Vandriyathu gu vbwetega va hevbula gu gira esi nya sadi ni gu phasa ava va hamugago, gasi guvbanya gwawe gu ninga giphaso.

Vahebheru 11:2

Kholu khu gukhodwa, vathu va gale va mane guzundzwa khu Nungungulu.

Vahebheru 13:18

Simamani mu hi lombelela, kholu hi na ni lisine nya gukhethu mapimo yathu ma agide, kholu gikhati gyatshavbo ha gu dwanela gu gira esi nya sadi.

Jakobe 1:27

Wukhodwa nya lisine wu lulamidego mahoni ga Nungungulu Babe, khu ogu: Guya holela sigulungu ni dzinoni gusanisekani gwawe, ni gumba dzi nyenyezisa khu silo nya guvivbe sa mafuni momu.

Jakobe 3:17

Aholu guti gutago khu ga Nungungulu khu gule gu tengidego, nya gurule, nya gwadi, nya gutale khu wuhindzi. Wa gu ninga mihandro nya mithumo ya yadi. Guti gogu gu mwalo maalakanyo nya guvivbe, mwendro gu pfhadzedzela.

1 Pedro 1:22

Olu enu mu agisidwego khu gu yingela lisine; olu mu gu ni lihaladzo nyamba pfhadzedzela ga vandriyanu khu gukhodwa, haladzanani khu gyanu khu myonyo yanu yatshavbo.

1 Pedro 2:12

Mavbanyelo yanu vbakari nya va nya mayigo gu vbwetega nari mavbanyelo nya yadi. Gasi va gu mi singedza guvivba, va konwe khu mithumo yanu nya yadi, va fela gu rungudza Nungungulu litshigu a natago.

1 Pedro 4:8

Aholu ga silo satshavbo, haladzanani khu gyanu nyamba pfhadzedzela, kholu, lihaladzo li ngu dzi kodza gu tsetselela sighoho nya singi.

2 Pedro 3:1

Sigodwa sangu, eli lidangalila nya wuvili nyi mi lovelago eni. Malangalilani ya mavili nya gu vbweta gu wusa mapimo yanu nya lisine, mu fela gu dundruga silo sesi.

1 Johane 3:18

Vandriyangu, lihaladzo lathu li nga khali basi nya guganele ni mabhulo. Li na khale lihaladzo nya lisine, li dzi yeyedza khu mithumo.

1 Johane 3:3

Muthu watshavbo a gu na ni gitumbo gwaye a gu dzi agisa kha nga Uye a agidego.

1 Johane 4:1

Sigodwa sangu, mu nga dzumeli vatshavbo avo va ganelago gukhavo va na ni liphuvbo la Nungungulu. Hegulani khu gu va sola vathu vovo mu fela gu dziti gukhenu liphuvbo lolo la guta khu ga Nungungulu kamwe, gani? Kholu vaprofeti nya vangi nya malipha va phalalegide ni litigo latshavbo.

Rute 3:11

Gasi olu mwanangu, u nga khali hwanga; satshavbo iso u ganedego nyi na gu girela, kholu vathu vatshavbo va dhoropani gwangu va ngu guti gukhavo u nyamayi nya guyele.